1. CONCURSO DE MARCAPÁXINAS SOLIDARIOS 2010
O próximo 23 de Abril de 2010, Día do Libro, o noso centro reescribirá o futuro
de miles de nenos e nenas que non poden aprender a ler nin escribir.
Por segundo ano consecutivo, a través do concurso de “Marcapáxinas
solidarios” o noso centro promoverá a educación en valores solidarios e o gusto pola
lectura entre o alumnado e as familias.
Descrición da actividade:
Os alumnos traballarán nas titorías na creación de marcapáxinas solidarios
(debuxo, texto, collage, etc.)
O 23 de Abril, conmemorando o Día do Libro, todos os marcapáxinas serán
expostos nos taboleiros da Biblioteca Escolar, e un xurado adxudicará
premios aos mellores traballos, tendo en conta a súa calidade artística e
mensaxe solidaria.
Posteriormente todos os marcapáxinas serán entregados aos seus autores, que
repartirán entre lectores do seu contorno a cambio dun pequeno donativo
(0’50 €, 1 €, por exemplo), e así axudar a ofrecer unha educación de calidade
a miles de nenos e nenas.
Os cartos recadados serán enviados á O.N.G. Save the Children1
Material entregado aos Coordinadores de Ciclo:
Guía didáctica, con propostas para desenvolver nas aulas o Día do Libro,
celebrando esta data especial como un día de lectura e solidariedade.
Follas con marcapáxinas recortables, asinados por escritores solidarios, para
que os alumnos/as participantes poidan traballar neles con debuxos, textos,
collages, etc.
Xornal “La solidaridad salva vidas” da O.N.G. Save the Children. 1 exemplar
para cada alumno/a
Monfero, 7 Abril 2010
1
Save the Children, é unha ONG que está levando a cabo proxectos de educación en valores, para
contribuír á mellora da vida de moitos nenos e nenas no mundo.