3. MADIRI
Madiri a bopilwe ka diripa tšeo di fapanego tša polelo ka go
diriša dihlogo, medu le meselana.
Madiri ke mantšu ao a re botšago ka ga tiro ka gare ga lefoko.
5. LEDIRANI
Lediri le le laetša tirano. Batho ba babedi goba go feta ba dirana
tiro ye itšeng
Le bopša ka moselana wa(-an) wo o lego koketšo pele ga a ya
mafelelo ya lediri.
Mehlala
1. Rata>ratana
2. Šoma> šomana
3. Raga>ragana
4. Roka>rokana
6. LEDIREDI
Ke lediri leo e le gore motho yo mongwe o direla mongwe mošomo gomme yo a
amogelago tiro ga dire selo.
Lediri le le šomiša moselana wa (-el) goba ba (-etš) wo o tšwelelago pele ga –a
ya mafelelo ya lediri.
Mehlala ya moselana wa (-el)
1. ngwala> ngwalela
2. opela> opelela
3. reka> rekela
Mehlala ya moselana wa(-etš)
1. utswa> utswetša
2. hlatswa> hlatswetša
7. LEITIRI
Ke lediri leo le laetšego gore motho o itirela goba go itira
se sengwe ka nako ye e itšego.
Le tliša hlogo ya (i) gomme tiro e wela godimo ga sediri.
Mehlala
1. kgama>ikgama
2. ruta>ithuta
3. rata>ithata
8. LENTIRI
Le tsebega ka hlogo ye e tšwelelago pele ga kutu ya lediri
elego n/m . Tiro e wela godimo ga yo a dirwago/ mothong yo
mongwe
Mehlala ya hlogo ya (n-)
1. gata>nkgata
2. ruta> nruta
3. rata> nthata
Mehlala ya hlogo ya (m-)
1. bona> mpona
2. betha> mpetha
9. LEDIREGI
Lediregi- tiro e laetša maemo a kgonego eupša go se na
modiro woo o laetšago maemo ao. Lediri le šomiša
meselana ye (-eg-, agal- le al-) yeo e tšwelelago pele ga a-
ya mafelelo ya lediri.
Mohlala wa moselana wa eg-
1.Tlema> tlemega
Mohlala wa moselana wa agal-
Hwetša>hwetšagala
Mohlala wa moselana wa al-
Bona>bonala
10. KELO
MOŠOMO WA PHAPOŠI
Bala temana ye gomme o arabe dipotšišo tše di latelago.
Mokgadi le Raisibe ba thušana go hlwekiša meetse a motse wa bona.Ba
abelana maele mabapi le ditsela tša go thibela ditšhila go ya meetseng a
noka ya motse . Ba logišane maano go fihlela ge ba kwana ka la gore ba
tla boledišana le mmasepala wa bona ka taba ye.
Dipotšišo
1. Ntšha mehlala ya madirani le madiredi go tšwa temaneng?
2. Hlama mafoko ka madiri ao o a bonago mo temaneng ye?
11. THUMO
Khwizi( le swanetše go araba ka Ee goba Aowa)
Ledirani re le tseba ka moselana wa (-iš-)
Opelela ke mohlala wa lediredi.
Lentiri le tsebega ka hlogo yeo e tšwelelago pele ga kutu ya lediri e
lego n/m.
Nthata ke mohlala wa leitiri.
Lediri ke lentšu leo le tšweletšago tiro mo lefokong, le laetša seo se
dirwago ka gare ga lefoko.
Lediregi re le tseba ka meselana wa (eg-, agal- le al-)