Ye kaahani hai Ajay ki, jisko pehli nazar mein Shruti naam ki ladki se pyar ho jata hai. Lekin Shruti, Rocky naam ke ek ladke se pyar karti hai. Shruti ke paas Rocky ka khoya hua ek diary hai jisme Rocky ke bahut se secrets likhe hein. Ab Ajay ki kahani kon se mod legi aur kaise “Love makes life beautiful” banegi… Love, Emotion, Drama....

1. 
AAA SSStttooorrryyy BBByyy:::--- AAAJJJIIITTT SSSAAAHHHOOOOOO 

Ye kaahani hai Ajay ki, jisko pehli nazar mein Shruti naam ki ladki se pyar ho
jata hai. Lekin Shruti, Rocky naam ke ek ladke se pyar karti hai. Shruti ke paas
Rocky ka khoya hua ek diary hai jisme Rocky ke bahut se secrets likhe hein. Ab
Ajay ki kahani kon se mod legi aur kaise “Love makes life beautiful” banegi…

2. 1
Some Thoughts
“Hello everyone, pehle to sabhi ka main teh dil se
sukriya ada karna chahta hun, mere pehle story ‘Love
is a waste of time’ ko itne pasand karne ke liye aur
pyar dene ke liye. Usi ke chalte main apna dusra story
likh raha hun…
Zindegi ke raaste par mera bahut se sapne hain,
unme se kuch sapne pure hue aur kuch pure nahi ho
paye, par ye ek sapne tha humesha se ‘Writer’ banne
ka, jo pura ho gaya.
Jo kuch bhi hota he kisi na kisi “Wazah” se hota
he, zindegi main kuch bhi ittefaq se nahi hota, to
sayed yeh bhi kisi na kisi wazah se hi hua he...

3. 2
Duniya mein hum sabhi ko khush ya har cheez
mein santusti nahi kara sakte. Phir bhi maine pura
koshish kiya he iss kaahani ko ache se banane ke liye,
taki ye sabhi ke dilon tak pohonche aur usse chuye.
Iss kahani ka buniyaad bhi ek sacchi kahani ko
lekar hai, par maine usse thode alag tarah se apne
andaz me likha hai. So aasha karta hun sabko ye story
pasand aayegi...”
Welcome to Love Makes Life Beautiful…


4. 3
Act: I
19th December 2011
Aaj main apne pyar ko khone ja raha hun, meri
Patni aaj mujhse door ja rahi he, mere na chahte
hue bhi main aaj waqt ke aage majbur sa ho gaya
hun, pata nahi yeh sab kuch itni jaldi kaise badal
gaya, waqt ke aage jaise main aaj toot sa gaya hun.
Par kabhi kabhi apne aap ko saabit karne ke liye
apne jaan tak gawana padta he.
Woh 2 saal mere zindagi ke sabse haseen saal
the, pata nahi bhagbaan ki aakhir kya marji hai,
Pata nahi kyun aaj kismat ki dor ne mujhe iss
rashte par la ke khada kar diya hai ?. Aise haalat
hain ab mere, na hi main kisi ko kuch keh pa raha
hun, nahi andar hin andar sab kuch seh pa raha
hun. Bas usi ki yaadon mein pata nahi kanhi gumm
sa ho gaya hun…

5. 4
Act: II
2 year and 9 month before :
24th March 2009
Main Shruti hun, main Aligarh se hun. Aaj
humari puri family Lucknow jaa rahi hai, maama,
papa aur meri badi behen Ranu didi. Meri aur ek
chacha bhi hein, jo humare illake mein bahut jaane
maane hein, unko sabhi log darte hein, wo kisi don
se kam nahi hain.
Waise hum sab meri mausi ki beti Riya ki
shaadi pe jaa rehe hein. Main Train me khidki ke
paas baithi thi, achanak mujhe seat ke niche se ek
Diary padi hui najar aayi.
Woh diary upar se hi bahut khoobsurat najar aa
rehi thi, Jaise koi raaz chupa hua tha usme. Toh
main usse utha ke apne bag mein le aayi.

6. 5
Phir hum sabhi Lucknow pohnch gaye, wahan
pe sabhi rishtedar aaye hue the, to main bhi wahan
pe unke sath mauj masti main kho gayi.
Agle din maine Riya ke room mein baith ke woh
diary kholi, to pata chala ki woh kisi ladke ka diary
he. Diary ke pehle panne pe uska naam likha hua
tha “Rocky”. Ankh band karke maine socha ki usse
aage padhu ke nahi, lekin main khud ko rok nahi
payi. Phir andar dekha to pata chala ki woh us
diary mein apne bare mein likha tha, aur ye bhi
likha tha ki, ‘usse ek aisi ladki chahiye jo bohot hi
sidhi sadhi ho, Khoobsurat ho par saadgi ke sath,
Zo usse puri zindegi bahut pyar de, humesha uska
sath de’. Achanak se main thodi der ke liye us ladke
ke khayalon me kho gayi, man hi man main uski ek
chabi ban gayi.
Usse pehle main aage ki diary dekhti, Mummy
achanak se mujhe bulate hue room ki aur aa gayi,
aur main us diary ko bed ke niche chupa diya.

7. 6
Phir shaadi ke bheed mein apne aap ko azzad
nahi kar payi, wo adhoore panne mujhe bula rahe
the.
Aur agle din shaadi khatam hote hi hum sab
Aligarh wapas laut aaye, aur main woh diary laana
bhi bhul gayi.
Ghar to wapas aa gayi, lekin mera mann to us
diary mein hi atak ke reh gayi thi, main bas us
diary ke bare mein soch rehi thi aur us ladke ke
bare mein bhi jis ka woh diary tha.
Phir kuch din baad meri MBA ki admission ho
gayi IIM Lucknow mein aur main Lucknow chali
gayi…

8. 7
Act: III
1st September 2009
Main Ajay hun, aur main Lucknow se hun.
Bachpan se hi main yahan pe bada hua hun. Main
IIM Lucknow main MBA ke liye admission hua tha.
Aaji ke din mera college mein pehla din tha aur aaj
ka din mere liye bahut khas tha.
Main college ke liye ja raha tha, college ka pehla
din tha aur main late ho gaya tha. Main apne bike
pe ja raha tha, raste pe ek traffic pe uss din bahut
jaam tha. Main bike ka start off kar ke helmate
nikal ke khada tha.
Time hua tha exactly 09:45:35 am. Ye time
mujhe exactly yaad hai, kyun ki iss pal ne meri puri
zindegi hi badal dali.

9. 8
Achanak mera aankh daaine taraf ek taxi par
pada, wow, lehraati hui zulfe uski chehre pe dhanki
hui thi, ek Khoobsurat si ladki uss taxi pe baithi
thi.
Hawaon se lehraati uski zulfon se uski chehra
mujhe thik se najar nahi aa raha tha. Main uski
chehre ko dekhne ki kosish karne laga tha, jaise
main kisi sapne main kho gaya tha, Kya nazakat
thi uski muskurati adaon main.
Phir woh achanak taxi se meri aur dekhne lagi.
Main to bas bina palke zhapkaye usse hi dekh raha
tha. Phir ekk dum se piche se gaadiyon ke horn ke
awaz sunai diya, aur uski taxi aage badh gayi, main
piche dekha to sabhi gaadiyan mujhe horn maar
rehe the. Piche se koi bol raha tha ‘beta din mein
sapne dekh raha he kya ?’… Main goli ke raftar
main se bike start kiya aur aage nikal gaya.
College pahuncha to college campus mein uss
ladki ko phir se dekha. Yakeen nahi hua aankhon
pe. Wow kya lag rehi thi woh, sidhi sadhi si, ek dum
pariyon jaise khoobsurat thi woh, uski sunehre

10. 9
baal, woh bolne wali aankhen aur usse dekhte hi
mera dil jaise kuch der ke liye dhadakna hi band ho
gaya, jaise waqt wahin pe ruk gaya ho. Aisa kabhi
nahi hua, aisa kabhi kisiko dekh ke ye ehsaas
mehsoos nahi kiya tha, Mujhe mere sapno ki pari
mil gayi thi. Dil hi dil me main khus ho gaya tha
usse phir se dekh kar.
Main to bas usse dekhte hi reh gaya aur wo
wahan se girls hostel ki aur chali gayi, wo jitna hi
nazron se door ja rahi thi uss waqt utna hi aur mere
dil ke karib aa rahi thi. Shayad woh hostel me hi
rehti thi.
Us raat main puri raat nahi so paya, pata nahi
yeh kaisi bekarari thi? Yeh pyar tha ke aur kuch
mujhe nahi pata tha, lekin sahi galat ke pare bas
usi ka chehra mere aankhon ke saamne jhalak raha
tha. Na chahte hue bhi Raat bhar woh mere
khayalon me aa rahi thi. Isse main kya kehta, Pyar
maine kabhi kiya nahi tha, bas ek khoobsurat sa
ehsaas tha wo. Bilkul filmon ke jaisa, kya isse pyar
kehte hain…?

11. 10
Mujhe ehsaas hone laga ki yehi woh mere sapno
ki pari he jiska main aaj tak intezar kar raha tha.
"Dil kahin kho gaya hai, bas ussi ka ho gaya hai.
Jaise ek Jariya mil gaya hai khush hone ka.
Aankhon mein bahot se khwab bunn liye hain ussi
ke liye, jaise ek naya rishta ban gaya ho mera kisi
ajnabi ke liye. Kyun ki Pyar ka koi waqt nahi hota,
aur iss dil pe kisi ka zor nahi hota..."
“AJit”
Dil mein bas ek arman jaag utha tha, aur main
bas ussi ke piche bhaag raha tha. Mujhe kahin aage
nahi jaana tha, bas ussi pal main ussi ke paas hi
ruk jana tha.
Agle 2-3 din tak main bas usse dekhta hi raha,
in kuch dino se main din aur raat bas usi ke sapne
dekh raha tha aur nind bhi kam hone laga tha.
Nind aati bhi kaise kyun ki woh to meri nind
chura ke le gayi thi, aur woh jaise mere palko pe
aake baith gayi thi. Ye sab naya naya sa tha, par jo

12. 11
bhi ho raha tha acha lag raha tha. Khuda hi jaane
yeh kya ho gaya tha mujhe. Sayed iss dil ko pyar ho
gaya tha, aur ye sab pehla pyar ka hi nasha tha.
Ek din main canteen me uski samne wali chair
pe ja ke baith gaya, woh akeli bethi thi.
Main bola, "hii, I am Ajay..."
Woh boli, "helloo, shruti"
Main thoda excited hote hue bola, "aap kahan se
ho?"
Woh boli, "Aligarh se hun, aur aap?"
Main bola, "main yahin se hun, Lucknow se.."
Uske samne main kya bolu kya kahu kuch sujh
nahi raha tha. Zubaan ke sabd apna pata bhool
rahe the. Kitna kuch soch raha tha itne dino se, par
uske samne kuch yaad aya hi nahi.
Kuch der baad woh chair se khadi ho gayi aur
muskan ke sath boli, “main chalti hun, class ke liye
late ho raha he, Bye..”
Main bhi bola, “bye..”

13. 12
Us din raat ko main facebook pe search kiya to
uski profile dekha, aur maine friend request bhej
diya.
Agle 4-5 din ke baad wo mera request accept kar
li thi, aur hum facebook pe thoda chatting karne
lage aur ajnabee se friend ban gaye the.
College mein mere 3 ache dost the. Lalit,
Avinash aur Samir. Sab mujhe bolne lage bhabi ko
jaldi propose kar de, usse pehle koi aur baaji mar le.
Agle din phir se canteen me uske samne chair
pe ja ke baith gaya aur bola, “hii, kaise hain aap?”
Woh boli, “achi hun, aur aap?”
Main bola, “thik hun…”
Phir kuch seconds ke liye hum dono khamosh
the. Par main to uski aankhon mein dekh raha tha.
Uski unn aankhon ki kajal ne to jaise mujhe
pagal sa bana diya tha. Mera to uski chehre se
najar hi nahi hatt raha tha. Uski wo gulabi honto
ko jitna bhi dekhun, par mann nahi manta tha.

14. 13
Najaane kyun woh sare jahaan se bhi jyada
khoobsurat lag rahi thi.
Main apne aap ko rok nahi paya, aur achanak
se bol pada, “ek baat bolun”
Woh boli, “haan, boliye”
Main thoda hadbadate hue bola, "aap bahut
sundar ho, i think i am in love with you…"
Woh boli, "what"
Main bola, “jee haan, main aapko college ke
pehle din se dekh raha hun, aur aap mujhe bahut
achi lagti ho, us din se main din raat bas aapke
khayalon mein hi rehta hun, bas aap ke hi sapne
dekhta rehta hun, na hi nind thik se aati hai, na hi
aur kuch thik se kar pata hun.”
Wo boli, “dekho mujhe ye sab pasand nahi.”
Aur wo wahan se uth ke chali gayi.
Achanak se kuch der ke liye jaise dil baith sa
gaya, Haaye uske inkar main kya adabazi thi.
Maine socha aare maine ye kya bol diya, phir maine

15. 14
apne dil ko samjhate hue bola, Jannat ki pari hai ye
koi mamuli ladki thodi na hai jo itni aashani se mil
jayegi mujhe.
Agle din jab woh class room ki aur aa rehi thi,
tab main achanak se uske samne aa gaya aur bola,
“sorry, waise kal tum aise achanak se uth ke chale
kyun gayi?”
Woh boli, “mujhe ye sab pasand nahi, please
mujhse baat mat karo…”
Main bola, “dekho main to sirf apna feelings
tumhe bata raha tha, main tumpe koi dawab thodi
daal raha hun, its ok. Mujhe tumse pyar hai, tumhe
mujhse nahi hai, lekin jab tumhare dil me bhi mere
liye feelings aa jaye to batadena, intezar karunga
tumhara”
Woh kuch nahi boli aur wahan se chali gayi.
Aise hi kuch din chalta gaya, in dinon main bas
usse dekh raha tha, usse baate karne ki koshish bhi
kar raha tha, par woh shayad mere aise harkat se
pareshan ho chuki thi. Mujhe bhi bura laga, so

16. 15
main usse aur jabardasti baat karne ki kosish nahi
kiya.
Mann hi mann me main dukhi tha, mere friends
mujhe bole, yaar udas mat ho, hum hai na, tera
setting karwa ke rahenge. Main uska pyar chahta
tha lekin iss tarah nahi, uski dil ke andar se.
Ek din break ke time pe main canteen pe akele
baith ke khana kha raha tha aur achanak se shruti
aa ke mere samne wale chair pe baith gayi aur boli,
“hiii…”
Main ek dum se dang reh gaya usse dekh ke,
bohot hi ajeeb laga mujhe, mera muh jaise khule ka
khula reh gaya aur main bas usse dekh raha tha.
Woh boli, “oye hellooooo….. muh to band karo
apna, warna makkhi ghus jayega…” woh ek
naughty si smile dete hue boli.
Main sapno ki duniya se bahar aate hue bola,
“haan, hiiii…”
Woh boli, “kahan kho gaye the itne waqt se?”

17. 16
Main had badi main bola, “kahin nahi…”
Woh boli, “waise tum itna bure bhi nahi ho,
jitna main samajh rahi thi…”
Main thoda had badaate hue bola, “matlab”
Woh muskurate hue boli, “kuch nahi”
Aaj uski baaton se ek chamak si najar aa rehi
thi, woh mujhse kaafi ghul mil ke baat kar rehi thi.
Mujhe to kuch samajh me nahi aa raha tha, ki
mere sath ho kya raha hai? Ye haqiqat hai ya koi
sapna. Usse ho kya gaya hai, chalo jo bhi ho woh ab
mujhse ache se baat karne lagi thi.
Dhire dhire hum ache dost ban gaye the, main
khus tha, kyun ke woh ab mujhse bahut sare
battein share kar rahi thi…

Agar tum mil jao
Zamana chor denge hum…

18. 17
Jab hum dono coffee shop mein andar gaye to
yeh gaana baj raha tha wahan pe.
Actually us din Sunday tha. Woh to hostel me
reh rahi thi, toh Sunday ko hi bahar nikalti pati thi.
Uss din hum sath mein shopping karne gaye, thode
se ghum phir ke ek coffee shop gaye.
Wahan pe hum aamne samne ho ke baithe the,
uss din wo ek jeans aur ek pink colour ki top pehni
thi, uss dress mein woh aur bhi jyada khoobsurat
lag rahi thi.
Usse dekhne ke liye mere dono aankhen jaise
ghum rahe the. Mera mann to jaise bas ussi ki aur
khinche ja raha tha.
Us din uski aankhon me ek alag si baat thi,
mujhe mehsoos hua shayed woh kuch kehna chahti
thi.
Main bola, “Shruti…”
Woh boli, “haan…”
Main bola, “kuch kehna chahti ho kya?”

19. 18
Woh thodi si sharmate hue boli, “kehna to he
bahut saare baatein, par kahan se suru karu kuch
samajh me nahi aa rahi he…”
Main bola, “jahan se marji suru karo, par mann
ki baat bol do, mann halka ho jaega, aur waise bhi
main to tumhari muh se sunne ke liye tadap raha
hun.”
Woh phir se thodi si Sharma gayi. Main bas
usse dekh raha tha, kuch der baad woh bolna suru
ki…
Shruti boli, “kya tumhara aisa koi diary tha, jo
kabhi kho gaya ho?”
Main bohot hi heran rehgaya ye sunke, fir
maine bola, “haan, karib 1 saal pehle mera ek diary
kho gaya tha train me, jisme main apna dil ki baat
ko likh ke rakhta tha. Par tumhe kaise pata…? Ye
baat mere alwa aur kisi ko bhi pata nahi.”
Shruti:-
Muskurate hue boli, Actually pichle march me
main aur humari family meri mausi ki beti ke
shaadi me lucknow aa rehe the, train se. To mujhe
train me hi ek diary mili thi, upar se bahut sundar

20. 19
dikh raha tha to main uss diary ko apne sath le
aayi thi.
Baad me main uss diary ko dekhi to pata chala
ki kisi “Rocky” naam ki ladke ka hai. Bas thoda sa
hi uss diary ko padh payi thi, aur shaadi me bheed
hone ke karan pura padh ne ka mauka nahi mila
tha.
Aur phir main uss diary ko wahan bhul aayi thi.
Tab main woh andar ka photo bhi nahi dekhi thi.
Phir kuch mahine baad jab main Lucknow
padhne aayi, to kuch din baad main apni mausi ke
ghar gayi thi aur wahan se uss diary ko apne sath
le aayi. Baad me us diary ko pura padh li, aur us
ladke ke liye pehle jo humdard thi mere dil me woh
pyar me badal gayi. Par usme tumhara photo dekh
ke main chauk gayi thi.
Phir dhire dhire tumse friendship kar ke
tumhare bare me aur jaan ne lagi, aur ye bhi pata
chala ki tumhara nick name Rocky he. Tum bohot
hi saaf dil ke ho Ajay. Tum bahut ache ladke ho.
Us diary me us ladke ko lekar jo sapne maine
sajaye the, woh sach hone jaisi lagne lagi. Maine to

21. 20
kabhi khwaabon mein bhi nahi socha tha ki meri
chahat ko mere khuda aise tumhara chehra denge.
Pata nahi ye dil tumhare khatir kab ruk gayi.
Ajay, I think mujhe bhi tumse pyar ho gayi hai…
Ajay:-
Ye sab sun ke main dang rehgaya tha, par mann
khusi se uchal raha tha. Jaise saagar mein lehre
khilti hui kinare ki aur aate hein waise hi khusiyon
ki leher mere dil main khilne laga tha. Mein bayan
bhi nahi kar sakta ki uss lamhe mein kiss kadar
apne aap ko jee raha tha. Ek ajeeb si khushi thi, ek
ajeeb sa deewanapan tha. Udd raha tha main jaise
unn chahat ki badiyon main, dubkiyaan laga raha
tha unn chahat ki samundar main.
Lambe samay ke baad jaise mera sapna sach ho
raha tha, main bas uski aankhon mein aankhen
daal ke usse dekh raha tha.
Hum dono humare pyar ke rishte ko aage
badhate hue bahut saare khwab sajaane lage the.
Dhire dhire jaise uske bina ek pal bhi rehna mere
liye muskil sa tha.

22. 21
"kabhi kabhi shabein bhi kam pad jaati hein apne
Jazbaaton ko bayan karne mein.
Aur kabhi raatein bhi kam pad jaate hein apne dil
ki baat jatane mein.
Par mujhe bas itna hi kehna hai tumse, tum hi ho
Jo rehti ho inn dhadkano mein ..."
“AJit”

Ye hai ‘Chaya’, “meri roommate aur best
friend…”, Shruti boli…
Ek din shaam ko jab shruti mujhse milne aayi to
woh apne friend chaya ko apne sath le kar aayi thi.
Hum us din ek park gaye the.
Maine Chaya ko “hiii” bola.
Shruti chaya se boli, “ye Ajay hain..”
Chaya boli, “hiii.., shruti apke ke bare me bahut
baatein karti hai.”

23. 22
Main shruti ki aur dekh ke halka sa muskaan
diya.
Chaya:-“waise kal meri birthday hai, aapko
shruti ke sath aana he...”
Maine bola, “jee jaroor”
Shruti:-“waise Govind jee bhi aa rehe hain..”
Main shruti ko thoda confuse ho ke dekhne laga.
Shruti:-“are uski boyfriend, Delhi mein rehte
hein, software engineer hain…”
Main bola, “ohh, nice…”
Chaya:-“okk to phir main chalti hun, tum dono
masti karo, kal milte hein, bye...”
Hum dono ne bhi usse “bye” bola.
Chaya ke jaane ke baad Shruti boli, “pata he,
unke bare mein unke ghar walon ko pata hai, aur
dono ke ghar wale unke shaadi ke liye raaji hein.”
Main bola, “ye toh bahut hi achi baat he..”

24. 23
Woh thodi udaas ho ke boli, “haan, par mujhe
bahut fikrr ho rehi he…”
Main ghabrate hue bola, “kyun..?”
Woh ekdum maayush ho ke boli, “pata he Ajay,
humare ghar mein jab humare rishte ke bare mein
jaanenge na to woh humare rishte ke liye kabhi
nahi maanenge ...”
Main uski haath main mere haath ko thaam ke
kaha, “kyun, hum dono aisa kya hai jo alag hai jo
wo nahi maanege. hum to same caste ke bhi hain,
Brahmin…, Tum fikr mat karo sab thik hoga”
Woh sar jhuka ke boli, “haan, par phir bhi kabhi
wo log iss baat pe razi nahi honge, woh sabhi love
marriage ke bilkul khilap hein. Aur 5 saal se meri
Ranu dii zid lagake baithi he, phir bhi raazi nahi ho
rehe hein...”
Main uski gaalon ko pakad kar uske aankhon se
aankhe mila kar bola, “tum tension mat lo, main
tumhare saath hun humesha, kyun ki tum to meri
amanat ho, zindagi ho meri. Har Muskil halat se

25. 24
ladh sakta hun, lekin zindagi gawa ke zinda kaise
reh paunga. Haan main tumse zindagi se bhi jyada
pyar karta hun, tum bas mujhse ek vaada karo ki
mujhe kabhi akele chor ke nahi jaogi…”
Woh mujhe ekdum jor se pakad li, aur boli,
“kabhi nahi…”
Shruti:-“waise ek baat bolo…”
Main bola, “kya..?”
Woh thodi Badmashi ke andaaz me boli, “tumhe
mujhse itna pyar kab ho gaya… haan…”
Main muskurate hue bola, “jab tumhe pehli
baar traffic signal ke paas dekha tha, tum taxi mein
thi, pata he us din raat bhar mujhe bas tumhari hi
chehra najar aa raha tha, so nahi paya tha uss din,
Nindein gawa ke tumhare chehre ka deedar kiya
karta tha, pyar toh mujhe ussi din se hi hogaya
tha…”
Shruti:-“ohh, so sweet Ajay, I love you so
much…”

26. 25
Main smile karte hue, “love you too my
baby…”
Aise mein wahan pe achanak Lalit aur uski
girlfriend Neha aa gaye.
Lalit:- “aare tum dono yahan… waise Namaste
Shruti bhabi…”
Shruti bhi usko Namaste bolte hue, Neha ko bhi
hii boli.
Main bhi Neha ko bola, “Namaste bhabi, aur
kaise hein aap…?”
Neha:- “Namaste..thik hun, aur aap dono..?”
Main aur Shruti ek sath unko bole, “maze mein
hein..”
Shruti mujhe dekh ke smile ki aur main bhi.
Phir woh dono ke chale jaane ke baad, shruti
boli, “waise kal chaya aur govind kahin long drive
pe jaane ka program banaye hein, aur woh hum
dono ko bhi invite kiye hain, chale kya..?”

27. 26
Main bola, “jaise tum kahoge mere jaane
mann…”
Shruti smile karte hue, “chalo ab chaya ke liye
kuch gift lane bhi jaana hai…”
Waise to hum dono boyfriend-girlfriend kam aur
husband-wife jyada the. Hum dono ek dusre se
saari batein share karte the, har wo choti cheez ko
ehmiyat dete the, ek dusre se aise bartao karte the
jaise hume ye ehsaas hota tha ki hum pati patni
hein.

Aare baba dhire chalo, Shruti piche se bol rehi
thi mujhe… Jab main karib 90km/hr ke speed se
bike chala raha tha…
Ye agle din ki baat hai, jab hum chaya aur
govind ke sath long drive pe nikle the, chaya ke
birthday ke din.
Main gaadi dheere karte hue bola, “par woh
dono bahut aage jaa rehe hein.”

28. 27
Woh boli, “to kya hua, tum aaram se gaadi
chalao, mujhe darr lagta he. Aur waise bhi main
tumhare sath jyada se jyada waqt bitana chahti
hun.”
Main bola, “okk, waise bhi jaldi kisko hai…”
Woh boli, “right…”
Main bola, “pata hai Shruti, jab se tum mujhe
mili ho mere zindegi ke mausam hi badal gaye hein.
Ab to bas raat aur din tumhe dekhna aur tumhari
baat sochna mera aadat ban chuki hai…”
Shruti peeche se mujhe jor se pakad te hue thodi
si dheemi awaz mein boli “Ajay, kabhi bhi mujhse
door na hona, aur ye ehsaan mujhpe humesha
banaye rakhna…”
Main bola, “aise mat bolo, main to aakhri saans
tak bas tumhara hi hun aur tumhe aise hi pyar
karta rahunga.”
Hum uss din Lucknow city se door ek tourist
place pe gaye the, phir wahan pe hum bahut sare

29. 28
photo bhi click kiye aur phir laut te waqt ek hotel
main hum sab khana khaye.
Chaya aur Govind ki taraf se uski birthday treat
thi. Phir laut te time bhi bahut saare masti kiye
hum sab.

Congradulation Shruti…
Thanks Ajay, and Love you…
Ye baat 17thoct 2011 ki he. Humari college
khatam ho gayi thi, aur Shruti ko ek achi company
mein job mil gayi thi. Uske 15 din pehle mujhe bhi
job mil gaya tha, aur main join bhi kar chuka tha.
Hum dono bohot khush the kyun ki zindagi ki ek
naye padao ki aur hum dono kadam badha rahe the.
Sab kuch badhiya se chal raha tha, aise mein
kuch din gujar gaye. Diwali ka time tha, Shruti
chutti mein apne ghar gayi thi, Aligarh…
Par ghar se laut te hi uski bartaaw thode thode
badli badli si nazar aayi. Haalat kuch aise banne

30. 29
laga jo mujhe ek andhere raste ki aur khincha le ja
raha tha. Woh aksar Akash se baat kar rahi thi.
Actually Akash humare sath college mein padhta
tha.
Jab bhi usse iss baare mein puchun toh wo bolti
thi, Akash se facebook ya phir whatsup pe chatting
kar rehi hai. Mujhe thoda ajeeb sa lagta tha, aur
haal kuch aise ban rahe the jiska mujhe bohot fikrr
sa hone laga.
Akash shayed Shruti ko pasand bhi karta tha
college ke waqt se, ye baat Shruti mujhe kain baar
batayi bhi thi. So maine Shruti ko bola, to woh boli,
“tum parishan mat ho, woh bas aise hi ache dost ki
tarah baat karta hai…”
Kuch din aise chalne laga, shruti mujhse kam
aur uss Akash se jyada baat karne lagi thi. Mujhe
bhi thoda insecure jaisa feel hone laga. Cause ye
baat ek ya do dino ki nahi roz ki thi. Chutti main
jaane se pehle main jiss shruti ko janta tha wo ye
bilkul nahi thi. Ek din maine usse bola, “dekho
shruti, mujhe ye sab pasand nahi hai ke tum uss

31. 30
Akash ke sath baat karo… So ya to tum usse baat
karo ya phir mujhse, kisi ek ko chun lo. Aur main
yeh baat aakhri baar bol raha hun…”
Woh boli, “main aise nahi bol rahi hun ke tumse
baat nahi karungi, par main usse bhi baat karna
nahi chor sakti.”
Main toh ekdum se dang reh gaya uske muh se
ye baat sunke. Phir kya hona tha, roj roj humare
bich bewazah ke jhagde hone lage. Mujhe toh
yakeen nahi ho raha tha ke kya yeh wohi shruti he
jo mere bina 1 din bhi nahi reh paati thi. Jo
humesha itne pyar se mujhse baat kiya karti thi, jo
mere alawa kisi aur ko dekhti tak nahi thi, wo aaj
mujhse lad rahi hai kis aur se baat karne ke liye.
Agle din chaya mujhe phone kar ke boli, “Shruti
ne bataya ki tum dono ke bich bohot parishaniyaan
chal rahi hai…”
Maine usse saare baatein ache se bata diya.
Phir woh boli, “thik he, main shruti se baat
karungi…”

32. 31
Uske baad chaya najaane Shruti se kya boli, par
shruti mujhe phone kar ke ekdum gusse mein boli,
“tumhe kisne kaha tha usko ye sab bolne ke liye...”
Main bola, “tum hi to pehle usse boli thi ki
humare beech problems chal rahe hain…”
Woh thodi si jor awaz mein boli, “haan, par
tumhe usse ye sab bolne ki kya jaroorat thi,
dhendora pit rehe ho kya duniya walon ke samne,
kya dikhana chahte ho ke main tumhe dhoka de
rahi hun…”
Main bhi thoda pareshan ho gaya, aur halki
aawaz mein bola, “kitne jor awaz mein baat kar rehi
ho shruti. Tum kya chahti ho hum dono ke rishte ke
bare mein kisi ko pata na chale!!! Ruko main ab sab
ko humare bare mein bata deta hun…” ye baat
main thode gusse mein aa ke bol diya, par mere
baat ka aisa matlab nahi tha.
Achanak woh rone lagi, phir bhi jor se bol rehi
thi, “wah, yehi karoge tum, mujhe pata tha. Tum
mujhe dhamki de rehe ho, blackmail karna chahte
ho… Aaj se tumhara aur mera rishta khatam,
mummy sahi bolti thi, tum aise hi ladke ho…”

33. 32
Actually kuch mahine pehle hi uski mummy ko
humare rishte ke bare mein pata chal gaya tha. Woh
mujhe phone pe bahut kuch sunayi thi, par baad
mein woh mujhe kahin baar phone bhi kar rehe the
aur ache se baat bhi kar rehe the. Pata nahi kyun,
par mujhe laga ki woh sayed raaji hein. Par sayed
unme unki koi matlab ho.
Mujhe to kuch samajh mein nahi aa raha tha ki
ye sab mere sath kya ho raha hai, ye sab shruti se
sunke, mere aankhon se aansoon nikal rehe the aur
main shruti se yehi keh raha tha, “aise mat bolo
shruti…”
Woh boli, “please mujhe phone mat karna…”
Yeh baat bol ke usne phone kaat diya. Uske
baad maine usse kahin baar phone kiya par woh
phone receive nahi ki… Jiss pyar ko itni siddhat se
tarasha tha, usko berbaad karne mein bilkul bhi
waqt nahi laga. Samajh main nahi aa raha tha
mujhe, ke main kya karun, waqt ke iss khel ke aage
meri nasamajh dimag aur dil jaise apne aap mein
ek jung lad rahe the…

34. 33
Act: IV
19th December 2011
Aaj meri Shruti mujhe tanha chor ke chali
gayi, aisa lag raha hai duniya ne hi dil tod diya.
Tum agar mere paas hote, to main duniya ke
sare gum hasake bhi seh leta. Magar tumhare bina
aaj meri kahani udta hua ik dhuaan aur mit ta hua
nishaan ke jaise ho gaya hai.
Ab to woh mujhse muh mod li he, aisa lag raha
tha jaise zindagi ne hi muhn mod liya ho, mujhe
zindagi se nafrat hone laga tha, main aur jeena
nahi chahta tha. Main soch raha tha ki maine aisa
kya kar diya, jo woh mujhe aise bolti he ke main
usse blackmail kar raha hoon, usse jabardasti apne
paas rakhne ki koshis kar raha hoon.
Main kuch samajh nahi pa raha tha. Bilkul
akela ho chukka tha.

35. 34
Main usse bahut samjhane ki koshish ki, par
woh naa hi mere upar bhorosa karti thi naa hi mere
baaton ka.
2-3 din aise hi chala gaya, main bas usse
samjhane ki koshis kar raha tha ki woh jaise
samajh rehi hai waisa kuch bhi nahi hai, main sirf
usse be-intehan pyar karta hoon aur uske siwa jee
bhi nahi sakta.
Phir maine bola tum hi batao ke main kya
karun, kaise tumhe mere baaton par yakeen
dilaun?
Woh boli, “tumhare paas jo kuch bhi hai humari
chize sab khatam kardo, jaise ki jo kuch photo he
sab delete kar do, aur baaki ke chize mujhe de do.”
Tum pyar karte ho toh sabit karo, ye sab cheezon ke
bina.
Mere labz thirak uthe, pata nahi saari yaadein
jaise mein ek pal maein khone ja raha tha, wo kya
ehsaas tha main bata nahi sakta. Main achanak se
roo pada aur bola, “woh sab humari yaadein hein,
un sab photo ko kaise delete kar dun.”

36. 35
Woh boli, “haan to mere paas hai woh sab photo,
aur jab mujhe tum par bharosa ho jayegi to main
tumhe phir se de dungi… Waise agar tum wo sab ko
rakh ke sayed mujhe aur blackmail karne ki koshis
karoge to, kya bharosa tum par.”
Main kuch bolne ke halat par nahi tha us waqt,
kaise meri shruti mujhe bol sakti hai, kya main itna
bura insaan ban gaya hun uske liye ab, jiske liye
kabhi main sabse pyara tha. Pyar bhoroshe se
chalti hai. Agar koi insaan kisise pyar karta hai
usko ek had tak pata hota hai ki wo kaisa hai.
Lekin shruti ki baatein sunke bilkul bhi nahi lag
raha tha ki usse wo pyar hai. Sab bas ek matlab lag
raha tha.
Phir maine apne aap ko saabit karne ke liye
uski har sart maan liya, ek baar bhi nahi socha, na
aage na peeche, na sahi na galat bas uski khushi
dekhi maine aur jo usse chahiye tha. Kyun ki mujhe
pata tha ke main galat nahi hoon, haan bas thoda
sa gusse main bol diya tha. To main bola, “thik he
tum jaise kahogi main waisa karunga.”

37. 36
Phir main sab kuch khatam kar diya, par uske
baad bhi woh boli, “kya pata tum aur bhi kuch rakh
diye hoge, kya pata.”
Main bola, “tume biswas dilane ke liye tum jo jo
bole sab kiya, par agar tum mujhse door jane ki
thaan li ho to, sach mein main tumhe jitna bhi
koshis karlu rok nahi paunga.” Kanhi na kanhi
andar se main bohot dara hua tha, kyun ki pyar
labzon se bayan toh ho jata hai lekin mehsoos dil se
hota hai. Lekin shayad usne apna wo darwaza band
kar liya tha. Ek bujhti hui roshni ki tarah wo meri
nazar se dinwo din ojal hoti ja rahi thi aur main
kuch nahi kar pa raha tha.
Dhire dhire woh mujhse baat karna bahut kam
kar di, main to jaise bechein sa ho raha tha har
waqt. Subha office jata tha, aur office main bhi
mann nahi lag raha tha, us mahine mera office
mein performance bhi kharap ho gaya to mujhe
warning bhi diye gaye. Phir shaam ko office se ghar
lautke bas akele hi waqt bitata tha, woh 3-4 din
mein ek baar baat karti thi wo bhi 2-4 minute ke
liye.

38. 37
Main to bas pagolon jaisa ho raha tha. Raat ko
nind nahi aata tha, har waqt becheni sa lag raha
tha, na hi khana thik se kha paa raha tha nahi thik
se soo paa raha tha nahi aur kuch kaam thik se kar
paa raha tha.
Waqt bhi kitna ajeeb hai na, Jab usse pehli baar
pyar hua tab bhi nind chain gumshuda the aur aaj
dekho usse bichad ke bhi sab ghum hai. Kyun hota
hai aisa? Iss sawal ka waqt ke pass bhi koi jawab
nahi tha. Bas akela main apne aap se lad raha tha.
4 din baad new year tha, phir dil me ek halki si
aash thi ki shayed ye Naya Saal kuch acha lekar
aayegi mere liye, bhagbaan ko bas yehi maang raha
tha ki jitna dard mujhe dena he aapne diya, mujhe
koi sikayat nahi, bas meri shruti mujhe lauta do.
Tujhe to main bas duaa se manga tha aur teri
mohabat ko jeet ke tujhe paya tha. Par mera to
yahan tere siva koi aur nahi hai, kis ke sahare mein
jee paunga ab. Yaadon ke ghere main akela unn
khushiyon ke palon ko palkon mein liye jaise main
tadap raha tha, taras raha tha.

39. 38
Waise to har saal meri shruti mujhe sabse
pehle wish karti hai aur main bhi usse, par is saal
ke chalte waqt ko dekh ke asha nahi tha, aur wohi
hua. Woh new year ke 4 din pehle se hi mujhse baat
nahi ki thi.
Main 31st December ko Lalit ke ghar chala gaya,
kyun ke aise khas din par mujhe bahut akela
mehsoos ho raha tha, phir raat ke 11.50 minute se
chatt pe ja ke usse phone laga raha tha, kyun ke
mujhe usse sabse pehle wish karna tha, par uski koi
jawab nahi mili. Phir thik 12.01 am ko uski phone
waiting pe aayi, to main gusse se phone cut karke
room me aa gaya. Phir 12.05 am ko uski phone aayi
to Lalit bola “ja ache se baat kar lena aur gussa mat
hona.”
Phir maine phone receive kiya aur 2 minute
baat kiya, mujhe pata tha ki woh ab mujhse pehle
wish lena nahi chahti, kyun ke uske life me mera ab
koi wajood nahi tha, koi ehmiyat nahi tha.
Mujhe usi time pata chala ki woh apne uncle ke
ghar gai he.

40. 39
Yeh baat sunke mere dil ko aur bhi thess
pahuncha, kyun ke aisa pehli baar hua tha ki woh
mujhe na batakar apni ghar bhi chali gayi aur phir
apne family ke sath new year manane ke liye uncle
ke ghar.
Mera dil to jaise baar hi baar bas toot hi raha
tha, koi umeed najar nahi aa rahi thi aur isi tarah
mere zindagi ka sabse dardnaak saal ki suruwat
hui thi. Aisa lag raha tha jaise meri manjil mujhse
ruswa ho gayi thi, aur main apna har raasta kho
chuka tha. Ek bhatakta hua musafir bangaya tha.
Us din main shaam ko mandir gaya aur
bhagbaan ji se bas ek hi guzarish ki ke, ‘hey
bhagabaan mujhe meri shruti lauta do.’
Meri duniya mujhse gum ho gayi thi, kyun ki jis
duniya ko mein waqt ke hatheli se chura ke laya
tha aur apna banaya tha aur jiska har mod pe sath
nibhaya tha, woh meri duniya aaj mujhse kho gayi
hai. Aansu ke boond pe bhi jaise uski hi tasveer thi.

41. 40
“Yeh zindegi bhi humein kabhi kabhi aise mod par
le aati he, jahan se hume sirf dard hi dard najar
aati he, par us dard ke aage kabhi jhukna mat,
kyun ke yehi humein aage le ja kar kamyabi tak
pahunchati hai…”
“AJit”
Kuch din beet gaya, par woh mujhse bahut kam
baatein kar rehi thi. Ek din mujhe bahut jyada uski
yaadein satane lagi thi, maine usse 4-5 baar phone
kiya par woh phone nahi receive ki, phir kuch der
baad maine phir se phone kiya to woh phone receive
kar ke bohot hi shaqt voice mein boli, “main abhi
office mein hun, baat nahi kar sakti.”
Aur phir usne phone disconnect kar diya, mujhe
toh jaise becheni sa ho raha tha, main us din lunch
bhi nahi kar paya, phir raat ko phir se phone kiya
to bhi woh receive nahi ki.
Phir maine ek sms bhej diya ke, “jab tak tum
baat nahi karoge main khana nahi khaunga.”

42. 41
Main to bas isliye aise bol diya ki sayed usse
mere liye thodi fikr ho jaye aur woh apni time nikal
ke mujhse thoda baat karlegi.
Par jo main soch raha tha sab uska ulta ho
raha tha, achanak uski sms aayi, “han, aise hi tum
bas mujhe dhamki dete rahoge ke baat nahi
karungi to khana nahi khaoge.”
Phir main usse phir se phone kiya, 4-5 baar ke
baad woh phone receive ki aur wohi sab baatein
sunane lagi ki main usse dhamka kar rakhne ki
koshis kar raha hun. Us din main usse baat karte
waqt itna roya sayed pure zindegi mein bhi nahi
roya hoga, par usse jara bhi fark nahi pada.
Jo mujhse itna jyada pyar karti thi usse mujhpe
rehem tak nahi aya.
Kya yeh wohi shruti thi jo kabhi mere aankhon
se ek boond bhi aansu nikal jaane par khud roo
padti thi. Kya waqt itna badal gaya ya fir uska
pyar.

43. 42
Un dino woh mujhse milne se bhi inkaar kar
rehi thi, bol rehi thi pehle biswas ho jaye phir ja ke
mujhse milegi, aur phir karib dedh mahine baad
February mein usse mulaqat hui.
Jaise hawa badal gayi thi, wese uski fitrat bhi
jaise badalsi gayi thi. Hum ek sath baithe to the,
par jaise pehle jaisa kuch bacha hi nahi tha humare
bich. Jaise mera sath usse ghut ta tha. Baaton mein
koi gehrai nahi tha, bas ek tassali ke liye baat hoti
thi.
Aise humara milna bhi kya milna, jo hum dono
sath hote hue bhi mujhe tanha sa lag raha tha.
Mujhe to uske sath aur bhi jeena tha, uspe aur
marna bhi tha. Par mere dil mein naajane kyun
aise judaai bhar gayi hai, najaane kis chiz ki mujhe
itni sazaa mil rahi thi.
Baat chit ab kabhi 4-5 din mein ek baar to
kabhi 8-10 din mein ek baar hone laga tha, kya
waqt aa gaya tha, ek waqt tha jab hum roj ghanton
baat kar rehe the. Ab to woh ye bhi bolne lagi ki
agar uske ghar wale raaji nahi honge toh woh mere

44. 43
sath nahi rehegi. Aisa lag raha tha jaise usko apna
kiye hue vaade tak bhi yaad nahi. Sab bandhan
jaise tootne laga tha. Jaise wo jaan bujh ke mujhse
door jana chahti thi, Koi bazah mujhe nazar nahi aa
raha tha aur idhar main pal pal mar rah tha. Jaise
usko mera sath ghut ta tha aur wo bas mujhse
chutkara chahti thi. Kyun agar koi sath rehna
chahhe toh uske Vadon se jyada uski icha aur
badhai hue kadam maine rakhte hain..
Aaj se pehle to woh kabhi bhi mujhe aise gam
nahi di thi, par najaane kyun aaj mujhe aise tanha
chor di hai. Woh to humesha se mujhe apna maan ti
thi, phir aaj woh apni adaa kyun badal rahi hai.
Aisa usne kyun kiya..?.
Mera to zindegi badtar ho chuka tha, mujhe
dheere dheere ehsas hua ki main sach main isse
apne sath nahi rakh sakta, kyun ki agar woh hi
mere sath rehna nahi chahti to main lakh koshish
karlu koi fayeda nahi.
Waise bhi dard to sirf mujhe hi ho raha tha, woh
to shayad apni zindagi mein mast thi, khush thi.

45. 44
Usse koi farak nahi padta tha, janha usse meri
parwah tak nahi hai wanha sirf aansu bharke
aankhon mein kya pyar jata pata.
Sayed ladkiyan aise hi hein, woh bahut jaldi sab
kuch bhool jaate hein. Itne saalon ke rishtey ko woh
kitne jaldi bhula dete hein. Sach mein ladkiyon ki
soch bahut jaldi badal jaati hai. Woh to waqt ke
sath bahut jaldi aage badh jaate hein. Par ladkiyan
kabhi bhi ek ladke ki dard ko nahi samajh paati
hain. Ki wo chahe jitney bhi shaqt kyun na ho par
ek ladki jisse wo pyar karte hain un mein unki
duniya basti hai. Wo chahe sab kuch karle lekin fir
bhi uss ladki ki zaroorat unhe apni zindagi ki har
wo cheez mein hoti hai. Unke bina ek ladka adhoora
hota hai.
Phir main ye sochne laga ki sayed yehi sahi waqt
hai iss duniya se dur hone ka aur khamosh rehne
ka. Agar woh meri hogi to jaroor wapas aayegi, agar
nahi hogi, toh nahi. Chor diya sabkuch halaat pe.
March mein maine usse aakhri baar mila tha,
hum dono ek restaurant gaye the. Us din main usse

46. 45
apne sari yaaden jaise ki wo sab photo dene ko bola,
par woh nahi di, boli jab usse biswas ho jayega tab
degi. Main thode gusse se usse bol diya, “agar dena
nahi chahti ho to sidhe bol do, aise baat baat pe
khilwad mat karo zindegi ke sath.”
Phir main thoda shant ho ke bola, “mere dil
mein aaj bhi tumhare liye utna hi pyar hai, jitna
pehle tha. Main tumse bahut pyar karta hun, main
shayad tumhare bina nahi reh sakta, par tumhari
aise activity ke sath main tumhare sath bhi nahi
reh sakta. Aaj ke baad main tumhe koi phone ya
sms nahi karunga, jab mere liye tumhari dil mein
pehle jaisa khashiyat aur mohabaat mehsoos hogi
tab mujhe phone karna, warna aise dikhawe ke liye
please mat karna.”
Phir main wahan se uth kar chala aaya. Uske
baad na hi usse mila hun na hi baat kiya hun. Woh
bhi uske baad phone nahi ki.
Jab ek ladka haar maan jaata hai, uska matlab
nahi ki woh usse pyar nahi karta, bal ki isliye kyun
ki wo chot khate khate thak jata hai.

47. 46
Aur usse mehsoos hota hai ki woh ladki uski parwa
hi nahi karti.
“Zindegi aaj humein aise mukam par le aaya hai,
bas uski yaadein reh gayi hai. Aise to aur bahut se
chize hein paas, par wohi ek jeene ki wajah jo kho
gayi hai…”
“AJit”
Dhire dhire waqt guzarne laga, main apne taraf
se pura khamosh ho chuka tha, aur woh shayad
khush thi apne zindagi mein.
May ke mahine main sunne ko mila ki uski badi
behen Ranu ki shaadi hone wali hai woh bhi kisi
dusre ladke ke sath. Pata nahi kya ho raha tha sab,
uski behen Ranu 5 saal se zid kar ke baithi thi ki jis
ladke se woh pyar karti hein usse hi shaadi karengi
warna nahi karengi. Pata nahi sab kuch itne tez
badalne laga tha. Kuch to tha jo sahi nahi ho raha
tha.

48. 47
Waqt bhi apne raaste par chal raha tha, jo ki
mujhse meri sari khusi chin liya tha. 3 mahina ho
gaya hum dono ko alag hue, par mujhse to woh
December se hi door chali gayi thi. Lekin aaj bhi
sayed main wahin par khada tha.
Kabhi kabhi agar koi dost mujhe uske bare mein
puchte hein to mere paas koi jawab nahi hota tha.
“Zindegi me kabhi kabhi aise waqt aa jate hein, koi
agar beeta hua kal se kuch sawal puch le, to
humare paas uska jawab nahi hota, hum bas
khamosh reh jaate hain aur baat ko taal dete hein,
par dil me ek dard sa jaag uthta hai...”
“AJit”
Kaatne ke liye to mere aage ek lambi umr tha,
par najaane kyun main bas usi ke piche hi bhaagne
laga tha. Ek zindagi hai meri ye bhhol chukka tha.
Mera dost Samir mujhe humesha bolta tha, “jo
ho gaya sab bhool ke ek naye se shuruaat kar, kyun

49. 48
ke aise haath pe haath rakh ke kuch nahi milega
yaar, aur jo sab yaadein uski hein wo sab dheere
dheere mitt jayengi.”
Yehi soch kar zindegi ko aage le jaane ka socha,
Lekin main usse kaise samjhata jab kisi se iss tarah
ka pyar hota janha hum apne jism ruh se kisi se
mohabaat karte hain, wanha apni har angdai mein
bhi kisi ki aahat chupi hoti hai.
Wahan mujhe woh sari yaadein jaise khall rahi
thi. Kuch din baad mera office mein mera transfer
Lucknow se kisi aur city mein ho gaya. Main socha
acha hai, waise bhi yahan rahunga to uski yaadein
aur bhi jyada satayegi, so maine kahin door kisi aur
ek jahan chale jaana mere liye acha rehega iss baat
ko maan liya tha.
Mera dil se ek hi awaz aa raha tha, chal kahin
door jaate hain… Uske yaadon se door… apne
andar ki iss dard se door… mohabbat se door…
Phir main apne zindegi ke raaste ko mod kar is
jahan se door chala gaya. Aisi jagah, jo ek naya
seher tha, wahan ke log naye the aur shayad sab

50. 49
kuch naya lagta tha. Najaane kyun ab akele rehne
ki aadat si ban gayi thi.
Mera dil aaj bhi usse yeh keh raha tha, “ye baat
humesha yaad rakhna ki, bas tere hi khatir main
yahan jee raha hoon. Aur tum bas jahan bhi raho
mehfooz raho, main to bas yehi dua karunga
bhagban se. Par pata nahi tere bina main kaise Jee
paunga.”
Honton pe muskurahat lekar dil mein yehi
armaan saza rakha hoon ke, ek din tum mere liye
wapas aaogi, aur apni pyar mujhe wapas dogi, jo
bhi hawayein mujhe choon kar jaate hein, main to
aaj bhi unhi mein tumhari ehsaas ko mehsoos karta
hun. Tum yanha nahi ho sakti ho, lekin yanha
tumhare yaad ko chor ke sach mein mere pass aur
kuch nahi hai. Ek zindagi toh hai mere pass par
zinda nahi hun main…
Main to bas tumhari hi intezar kar raha hun…

51. 50
ACT: V
5 Months Later:-
Oh nooo, kya yeh sapna tha..??? phir se ek sapna
toot gaya…
25 november 2012. Subha main 8 baje utha.
Uthte hi mujhe shruti ki yaad bahut satane laga,
raat ko maine usi ki sapna dekha tha ke shruti
mere paas laut aayi he aur nind khulte hi jaise
sapne ke sath sath mera dil bhi toot sa gaya.
Meri aankhein to kain raaton se usi ke intezar
mein jaagi he, aaj bhi mujhe bas usi ki kami nazar
aa rahi hai.
Main to tumhe har ghadi har sapne mein paata
hun, phir bhi najaane kyun aaj tumse juda hun...
Par najaane kyun aaj dil se ek alag sa awaz aa
raha hai, Jaise wo mujhe bula rahi thi, jaise wo
mujhe awaaz de rahi thi, jaise ye subha subha ka

52. 51
sapna koi sapna nahi sach hai. Sunday ka din hai,
mera office bhi aaj chutti hai, Bangalore pe aaj
subah ka mausam bhi badhiya hai, to main chair pe
beth kar chai pii raha tha, par iss mausam ne
najaane kyun aaj shruti ki kuch jyada hi yaad dila
rahi thi.
Mere paas ab uski bas ek hi photo hai, jo mere
dost Avinash ne ek khas mauke par humara yeh
photo khincha tha, maine to sab photo usse wapas
de diya tha, par bahut din baad Avinash se puchne
par woh bola ki haan uske E-mail pe sayed woh
photo hai, phir usne mujhe woh photo diya tha.
Ab to jo bhi hai bas yehi hai, us photo ko nikala
aur aaj bahut dino ke baad main shruti ki photo
dekha, achanak aisa mehsoos hua ke jaise shruti
mere aur aa rehi hai.
Main jhat se chair se uth ke khidki se bahar ke
taraf dekhne laga, phir socha sayed ye sab mera
behem hai.
Waise bhi purani yaadein jab yaad aate hein to
dimag bhi apne bas mein nahi rehta.

53. 52
Dil gumsum sa ho gaya, kuch bhi acha nahi lag
raha tha.
“Kabhi kabhi iss dil ko naajaane kya ho jata hai,
achanak se dil gumshum sa ho jata hai, duniya ke
har chizen bewajah lagne lagta hai, zindegi jaise
fikii si lagne lagta hai…”
“AJit”
Maine socha kuch der bahar ja ke ghum aata
hun, suhana mausam hai, sayed thoda acha lagega,
so main tayar hone laga. Achanak se door ka bell
baja aur jab main ja ke door khola to main dang reh
gaya…
“Shrutiiii….”
Ye bolte huye kuch der ke liye mera muh khule
ka khula reh gaya, aur main bas bina palke
jhapkaye usse dekhta raha.

54. 53
Kuch der baad woh boli, “apna muh to band
karo, warna makhhi ghus jayega...”
Aur phir woh mera haath pakad ke andar chali
aayi. Tab tak mujhe pata nahi chal raha tha ke yeh
sapna he ke haqeeqat, pata nahi kya ho raha tha.
Woh boli, kuch bologe bhi ke aise hi dekhte
hehoge. Main to ekdum se shock ho gaya tha, mere
aankhon par mujhe biswas nahi ho raha tha, kahin
ye sapna to nahi tha. Main bas usse dekhta hi reh
gaya.
Phir woh achanak se roo padi, aur boli.
Shruti:-
I am sorry Ajay, main jaanti hun maine tumhe
bahut dard di hai, aur jitne sorry bolne par bhi woh
dard kam nahi ho sakte, par please mujhse naraj
mat ho, aur mujhse baat karo, main tumhe phir
kabhi bhi chor ke nahi jaungi, promise…
Pata nahi Ajay mujhe kya ho gayi thi, par main
bas tumhare khusi chahti thi. Main us waqt
tumhare sath najaane kya kya harkat kar baithi.

55. 54
Karib ek saal ho gaya hai, tumhe pata nahi hai
Ajay, ke main kaisi apni dil pe pathar rakh di thi
bas tumhare bare mein soch ke.
Actually humare ghar mein sab ko humare
rishte ke bare mein pata chal gaya tha, aur chacha
jee ne mujhe dhamkake bole ke woh unke kuch
logon ko mere upar dhyan rakhne ko kehenge aur
agar main tumhare sath phir se milunga to woh sab
tumhe maar dalenge.
Main bahot dar gayi thi, kya karun kuch samajh
nahi aa raha tha mujhe. Phir mummy bhi boli,
“agar tum us ladke ka bhala chahti ho to usse bhool
jao.”
So majburan mujhe ye sab karna pada, taa ki
tum mujhe nafrat karo aur mujhse door ho jao.
Agar tumhe ye baat bhi batati toh tum kabhi nahi
mante, mujhe pata hai tum mujhse kitna pyar
karte ho. Lekin main tumhare sath meri wazah se
kuch galat hote hue nahi dekh sakti thi. Bahut din
ke baad mujhe ehsaas hui ki tumhare bina meri
zindegi ki bhi koi ehmiyat nahi hai. Maine tumhara

56. 55
dil bohot dukhaya hai par main tumhare bina nahi
jee sakti.
Tumhara wo pyar mujhe bahut tadpane lagi,
phir maine tumhe wahan pe bahut dhundne lagi,
par kahin se kuch pata nahi chala tum kahan ho,
kya kar rehe ho, tumhara number bhi not in service
aa raha tha.
Phir Lalit se 3 din pehle Lucknow mein achanak
se mulaqat hui, usse bahut puchne par woh
tumhare bare mein bola aur ye bhi ki tum yahan
Bangalore mein ho. Phir usse tumhara address li,
aur usse bola ki tumhe mere bare me kuch na bole.
Main tumhe seedha aa ke milna chahti thi. Main
tumhe aur dukhi nahi dekh sakti, please mujhe
apne duniya me wapas le jao. Mujhe bhi le jao iss
duniya se door apne sath kisi aur duniya main
janha humari khushiyaan chinne wala koi na ho.
Ajay:-
Uff, Mere aankhon mein bhi jaise aansu aa gaye,
main bola, “kyun mujhe chor ke door chale gaye,
tumhe pata thi na ki main tumhare bina nahi jee

57. 56
sakta. Bahut tadpayi he tumne mujhe, ab phir
kabhi mujhe chor ke nahi jaogi na ?”
Woh bhi rote hue boli, “kabhi bhi nahi.”
Bahut dinon ke baad jaise mere chehre par
khusiyon ka leher tha, uske chehre par bhi halke se
muskurahat najar aane lagi.
Tum mil gaye, mere zindegi ko jaise aaj sukoon
mil gaya. Tumhari iss hansi ko main dhund raha
tha, ab tum jo aa gaye mujhe woh sara khusi mill
gaya. Tumhare bina yeh dil jaise gam se bhar gaya
tha. Barson se main thak chuka hun bas tumhare
aane ke intejar karte karte. Tumhare bina to main
har pal bas khamosh rehta tha.
Ab jo tum mil gaye ho to aisa lag raha he jaise
mujhe sab kuch haasil ho gaya. Mera zindegi ka
rashta jaise muskilon se bhar gaya tha, Inn sahilon
ko jaise aaj kinara mil gaya. Kyun ke iss dil ka
dhadkan to tumhi mein basa tha, mujhe toh aaj
jaise apna jaan hi mil gaya…

58. 57
Phir woh boli, “pata he Ranu didi ki shaadi ho
gayi he, najaane woh bhi kaise ghar waale ke
baaton par raaji ho ke unke pasand ke ladke se
shaadi kar li. Par 3 mahine tak sab kuch thik tha,
phir pata chala ki jiju ke kisi aur ladki ke sath avi
bhi Affair he aur phir ye baat pata chalte hi Ranu
didi ghar wapas chali aayi…”
Main bola, “kya mila, aise mein koi bhi khush
nahi reh paaye, kitno ki zindegi barbaad ho gayi…”
Phir woh boli, “mujhe humesha ke liye apna
banalo, aur intezar nahi hota, chalo hum shaadi kar
lete hain.”
Bas aur kya, mere sare sapne to sach hone lage
the, jaise ek andhere raat ke baad subah ka suraj ki
roshni charon aur khilne lagi thi. Murjhaye hue
saare phhol wapas iss bag mein khilne lage.
Phir main apne ghar walon aur friends ko turant
bula liya aur 30 november ko humari shaadi ho
gayi. Shaadi ke din mere 3 dost bhi aaye the.
Avinash ne humein wish kiya aur ek badhiya
baat bola, “humesha ye baat yaad rakhna…

59. 58
Ek rishtey Main sabse bada dikkat hota hai ek
ladka aur ek ladki ka soch. Kyun ki dono ki soch
humesha ek jaise nahi ho sakte, lekin ladkiyaan
ladkon se unhe samjhane ki ummid karti hain
janha ladka uske jagah wo hi ummid lagaye baith
ta hai. Jab koi parishani suru hoti hai toh, har waqt
main kyun samjhun? ye baat apne dimag mein aati
hai.. tab suru hoti hai nok jhok. Sabse jyada rishtey
bebazah toot jaate bas yahi soch ke antar ke bazah
se.. Sochna kuch nahi bas ek ladka aur ek ladki ki
soch thode alag hote hain, dono ki zarooratein,
ummidein, halatein alag hoti hain.. Bas ek ladka
aur ek ladki ek dusre ke bicharon ke antar ko
samajh ke unke sath khade rahe aur apna farz
nibhaye toh kabhi bhi ek rishta kamjor nahi
padega.”
Shruti ko ye baat bahut pasand aayi.
Phir shaadi ke baad hum dono Bangalore pe hin
settle ho gaye.
“Lucky to have the best partner to spend my life
with you Shruti…”

60. 59
“Yeh zindegi bhi hume bahut se surprises deta
rehta hai, kabhi kabhi ye iss jahan bhar ka
khusiyan bhar deta he to kabhi kabhi duniya bhar
ka gamm, yehi toh zindegi hai jisse aaj tak koi nahi
samajh paya…”
“AJit”
Yeh dil aaj kisi tarah bas tera sukriya adaa
karne chahta hai, tera ye ehsan main kabhi nahi
bhulunga. Maine to kabhi pyar ko samjha hi nahi
paya tha, par tum aake jaise iski paribhaasha hi
sikha diye, Apne wazood ko dhoondna kya hota ye
mujhe tumse mohabbat karke pata chala. Tujhe paa
ke aaj main jaise duniya ki sabse badi daulat pa
liya hai. Ab mujhe kuch nahi chahiye Bas Tum Ho
Toh Zindagi Hai…
Bas itni si hai ye kahani…


61. 60

AJit :
Zindegi aisa hi hai, kabhi bhi kisi ko bhi
surprise deta rehta he. Zindegi mein bahut se bure
waqt aate hein. Kyun ke musibaten kabhi puch ke
nahi aati hai, aur inn bure waqt se nikalna bahut
muskil hota hai. Par hume haar na mankar bas
himmat dikhana padta hai. Log to aashani se bol
dete hein par jo inn raaston ko paar kar ke aaye
hein, woh hi mehsus kar sakte hein iss dard ko.
Humesha ek baat yaad rakho, yehi bure waqt
humein majboot banata hai, jab hum akele iska
samna karte hein, aur phir dhire dhire ek din waqt
bhi humare aage jhuk jata he.
“Khusiyon ke bina kya he zindegi.
Agar gam na ho, to kya he zindegi.
Inhi khusi aur gamon ka jo mitha sa dard hota he,
isi ka naam he zindegi…”
“AJit”

62. 61
Yeh duniya pyar ke bina jaise adhoora sa he. So
duniya mein sabhi ko bahut sara pyar do, apne
jeevan saathi, friends, family, sabko. Aur dekhna
badle mein apko bhi dher sara pyar milega. Kyun
ke iss pyar ke bina zindegi jaise khali sa, adhura sa
aur suna sa hai. Aur pyar humari zindegi ko
khusiyon se bhar deta hai aur khubsoorat bana
deta hai…
“Love Makes Life Beautiful…”
A Story By
“AJ”

63. 62
Thank you, dear readers…
If like this story, than share it with your friends &
family.
Special Thanks To:-
One of my little sister Miss. Suchismita Sahoo.
&
My friend the best editor and multi-tallented Mr.
Abhisek Jena, who remains the first reader and
editor of my story…
&
To my family and friends.
Cover photo :- My little Bhaanji Miss. Ritika Sahoo

64. 63
Story, Quotes & Designing :-
AJit Kumar Sahoo
Editting :- Abhisek Jena
Send your feedbacks at:-
ajitrock92@gmail.com
Date:- 19th December 2015
END
  