Kopertinat e vellimit poetik "Koha ne eklips"

1. Ibrahim HAJDARI
(P o e z i)
KOHA NË EKLIPS - poezi
SHTËPIA BOTUESE
« MJELLMA »
Verviers, Belgjikë
Maj 2004

2. Shënime për autorin
Ibrahim Hajdari u lind më 2
qershor 1968, në Mushtisht të
Therandës. Shkollën fillore
dhe të mesme i kreu e Prizren
ku edhe u vendos menjëherë
pas lindjes. Studimet
universitare i kreu në
Universitetin e Prishtinës,
Fakulteti i Xehetarisë dhe
Metalurgjisë ne Mitrovicë, ku diplomoi më 24 tetor 1994 duke marrë
titullin inxhinier i diplomuar i gjeologjisë. Për një kohë të gjatë ishte
kryetar i Unionit të Pavarur të Studentëve të FXM-së dhe kryetar i Klubit
Letrar “Hivzi Sulejmani” të po këtij Fakulteti.
Ishte kryeredaktori i parë i të parës revistë parapsikologjike në gjuhën
shqipe “MJELLMA” dhe aktualisht bashkëpunëtor i saj.
Me shkrime, kryesisht me poezi, filloi të mirret që në rininë e hershme.
Botimet e tij të para i hasim në Rilindjen për fëmijë, që atëbotë dilte të
marteve. Më vonë, disa nga shkrimet e tij gjejnë dritën në gazetën
studentore “BOTA E RE” dhe disa syresh, kryesisht në prozë, në të
përditshmen e atëhershme “BUJKU”.
Nga përndjekjet e regjimit serb, u detyrua, si shumë shqiptarë, që ta lëshojë
Kosovën, për të kërkuar strehim të përkohshëm gjetkë, në Evropë.
Aktualisht, jeton dhe vepron në Verviers të Belgjikës, ku është duke i
ndjekur studimet postuniversitare në Universitetin e Liezhës, në lëmin e
Mineralogjisë. Ky është libri i tij i parë. Punon ne Bruksel, si ekspert per
energji në qeverinë belge, në ministrinë e infrastrukturës.
P.S.
Në të vërtetë, ky libër ishte përgaditur për botim që në vitin 1993, por, në
mungesë të mjeteve dhe për shkak të rrethanave të njohura të kohës, botimi i tij
u shty deri më sot. Duke ruajtur në tërësi të drejtën redaktoriale të redaktorit
Jakup Ceraja, i cili nuk është më mes nesh, poezitë botohen autentike, të
paprekura që atëherë. Vëllimi në tërësi, përfshin fazën e hershme krijuese të
autorit (’88-’93).
Libri përshkohet nga katër kapituj (somnulenca, katalepsia, eklips dhe zgjimi),
sinonimë të një gjendje të thellë shpirtërore, gati hipnotike, që do ta ndihmojnë
lexuesin që të mishërohet me vargun dhe me atë që fshihet prapa tij. Duke
kaluar nga një kapitull në tjetrin, lexo nga një nivel përmbajtësor në tjetrin,
lexuesit do t’i bëhet e qartë se për t’u kuptuar mirëfilli, arti duhet përjetuar në
thellësi. Në kapitullin “Zgjimi”, rikthimi në realitet do ta gjejë lexuesin në
kërkim të vetnjohjes, por mbi të gjitha me një “diell në zemrën e tij” dhe duke e
“vizatuar përditë nga një ylber” në qiellin e imagjinatës së tij.