Halimbawa ng Talumpati na ang pamagat ay 'Ideya ng Pagkakaisa'

1. IDEYA NG PAGKAKAISA
Sa ating maganda at magaling na guro, magandang umaga. At sa aking mga mababait,
masasayahin, mga gwapo at magaganda kong mga kaklase, nawa’y sa maikling sandali ay
hayaan ninyong hiramin ko ang inyong mga taynga upang aking maipahayag ang aking ideya
patungkol sa kahalagahan ng pagkakaroon ng pagkakaisa ng bawat Pilipino.
Nakakita na ba kayo ng langgam na mag-isang naghahanap ng pagkain? Langgam na
nag-uunahan sa pagkuha na sari-sariling makakain sa taglamig? Ang mga maliliit na langgam ay
sadyang napakasipag, matulungin at madiskarte sa buhay. Ang mga langgam ay may pagkakaisa
at kung sila’y kumilos ay tulong tulong hindi kagaya natin na nagbibilangan ng mga ginagawa o
ginagawa lang kapag iniutos ng magulang o ng amo para masabing masipag sila. Mayroon
namang mga tao na nakikita na nga lang ang kapwa nila na nahihirapan ngunit mas pinili nilang
pagmasdan at kuhanan ng video at iupload sa social media. Hindi kagaya ng mga langgam, kung
napapansin ninyo kapag may nakita silang kasamahan nila na nahihirapan ay dali-dali nilang
tinutulungan at ipinupunta sa kanilang tirahan.
Paano tayo magiging isang maunlad na bansa kung ang mga nasasakupan nito ay hindi
nagkakaisa? Problema dito, problema doon, walang katapusang suliranin na kinakaharap ng mga
Pilipino, mapakomunidad man hanggang sa buong mundo. Huwag masyadong umasa sa tulong
ng gobyerno bagkus tayo ay magtulungan, tulungan nating mapalago ang ekonomiya sa
pamamagitan ng bayanihan. Mga bagyo, lindol at maging ang mga simpleng problema ay
kailangan natin ng karamay, kasama upang bumangon muli. Pagkakaisa ang pangunahing
solusyon upang mawakasan ang mga suliranin sa ating bansang Pilipinas.
Tanong ng karamihan, paano mawawakasan ang kahirapan gamit lamang ang ideya ng
pagkakaisa? Maipapakain ba sa mganagugutom ang pagkakaisa? Likas na saibang mga Pilipino
ang lumaban sa mga ideya na salungat sa kanilang paniniwala na kesyo ganito ang magandang
gawin sa bansa, hindi na nabibigyan ng boses ang ibang tao sa kanilang mga mas magandang
ideya para sa ikabubuti ng bansa. Paano magkakaroon ng katiwasayan sa buhay kung tayong
mga Pilipino ay naglalaban-laban, dugo sa dugo, Pilipino sa kapwa Pilipino. Hindi natin
makakamit ang magandang kinabukasan para sa ating mga anak at apo sa hinaharap kung hindi
tayo makikipagtulungan sa namamahala ng bansa. Hindi matatapos ang isang gawain kung mag-
isa ka lang na kumikilos. Hindi matatapos ang isang bahay kung mag-isa lang ang trabahador.

2. Sa kasagsagan ng nakahahawang sakit na CoVid-19 ay pinatunayan lamang ng mga Pilipino ang
pagkakaroon ng pagkakaisa, ang “community pantry” ay isang halimbawa. Ngunit marami pa din
ang pasaway at pinagkukuha lahat ang mga nakalagay sa pantry.
Sa lahat ng naririto, nais ko po sanang inyong muling sulyapan ang ating kasaysayan.
Noong mga panahong tayo’y napapasasakal pa sa mga mapaniil na dayuhan. Mahigit tatlong
daang taon tayong sinakop ng mga Espanyol at sa mahigit isandaang taong pag-aalsa ng ating
mga ninuno ay napatunayan ang pagmamahal ng mga kapwa natin Pilipino sa ating bansa.
Ibinuwis nila ang kanilang buhay, sumugal sa walang kasiguraduhang tagumpay, para lamang
makamit ang matagal nang inaasam na kalayan at kapayapaan. Nagkaisa ang ating mga ninuno
upang makamtan ang tinatamasa nating kalayaan. Hindi tayo magkakaroon ng kalayaan kung
walang bayanihan.
Kaya gumising na tayo, tayo’y nakararanas ng kahirapan sapagkat salat tayo sa
pagkakaisa. Noon mayroong bayanihan, ngayon nawalang parang bula. Maging sa mga opisyal
ng gobyerno ay marapat lamang na magkaroon sila ng pagkakaisa, mapalokal man at maging
sa nasyonal upang mapabuti ang pinakaiingatan nating bayan, ang bansang Pilipinas.