1. GUIÓN PARA A ANÁLISE DE OBRAS ARTÍSTICAS (É igual que o do curso pasado)
Non é para seguilo ao pe da letra en todos os casos, senón para ter ideas
Un comentario dunha obra de arte é unha redacción na que falamos da obra en cuestión. Nesa redacción deberemos
demostrar que coñecemos o estilo ao que pertence a obra, ou incluso a obra mesma, e sabemos explicar as súas principais
características e situala no contexto histórico correspondente. Por cuestións de estilo narrativo, debe ter unha moi breve
introdución, o comentario en si mesmo e unha pequena conclusión ou parágrafo final .
Vexamos algunhas ideas:
Para a introdución redactamos un pequeno parágrafo no que podemos poñer, por exemplo, unha pequena descrición do
que temos diante:
- Que é: obra arquitectónica, templo, palacio, observatorio astronómico, museo, busto, relevo, retrato, paisaxe...
- Nome da obra ou do autor/a (se o sabemos).
- Estilo (se o sabemos con seguridade, se non o sabemos o deixamos para poñelo disimuladamente na conclusi ón).
Para o desenvolvemento, buscaremos a forma de redactar varios parágrafos nos que expliquemos o seguinte:
- Aspectos materiais etécnicos se son relevantes. Por exemplo explicar as vantaxes do óleo se é unha pintura flamenca
do século XV. Non ven a conto, sen embargo, falar do óleo nunha pintura do século XX. Na arquitectura barroca galega
sería importante falar da dureza do granito que deu orixe ao famoso barroco de placas, etc.
- Análise formal da obra: explicar os elementos que ten. Describiremos a obra polo miúdo relacionándoa co estilo ao
que pertence ou co estilo concreto da autora ou autor.
o En arquitectura falaremos dos elementos sustentantes e sustentados, e dos elementos ornamentais.
Estrutura da planta... Intentaremos relacionalos coas característi cas dun estilo determinado.
o En escultura explicaremos a súa forma (vulto redondo, altorelevo, baixorelevo, busto, etc.); falaremos da
composición (aberta,pechada,simétrica...),do espazo que ocupa (avanza cara ao expectador, helicoidal,etc.);
do movemento ou estatismo, da superficie (policromada, dorada, pulida...) , do naturalismo ou abstracción,
etc.
o En pintura falaremos da composición,a perspectiva (sea hai ou non, perspectiva aérea, perspectiva lineal),os
colores, o debuxo, a pincelada, a luz, idealismo ou realismo, minuciosidade ou esquematismo, etc.
- Análise contextual:
o Explicar porque se fixo esa obra e de esa maneira. Por exemplo se se fixo para algún cliente determinado, ou
cunha intención precisa... É interesante sinalar que no Barroco se construían moitas igrexas e palacios para
ostentación da nobreza e o clero; mentres que no neoclasicismo destacan os edificios destinados ao saber
(museos, observatorios, bibliotecas...).
o Relacionar a obra co contexto histórico, por exemplo nas pinturas posteriores ao descubrimento da
fotografía, esta tivo unha influenza fundamental, ou imitándoa ou buscando algo diferente que esta non
aporte...
o Pode ser que veña a conto comparar esta obra con outras deste ou doutro estilo...
- Conclusión:
o Para non rematar así de golpe, debemos redactar un paragrafiño final. Algunhas ideas para facelo poden ser:
Resumir o máis importante do que falamos, por exemplo “Esta obra recolle, por todo o exposto, os
valores do pensamento racional e o gusto por Grecia e Roma, propio do despotismo ilustrado”
Relacionar a obra analizada co pasado ou co presente, por exemplo: “como podemos ver, a Arte
Neoclásica reflicte á perfección o pensamento racional ilustrado, que derivará, no século XIX no
liberalismo”.
Se non puxemos a que estilo pertence na introdución, porque non tiñamos seguridade, poñerémolo
agora con certa precaución “malia que presenta un frontón partido, algo moi típico do Barroco,
predomina en toda a obra a estabilidade, a sobriedade na composición e outras características
analizadas, que se corresponde máis co estilo neoclásico. Podemos dicir que é unha obra neoclásica
que garda aínda moito do Barroco”.