Instrucións para a realización dun proxecto profesional

1. Proxecto profesional
Cada un de vos realizará un proxecto profesional persoal en formato power point que presentará ó resto
da clase.
Ese proxecto profesional debe ter como mínimo os seguintes apartados:
- Título.
- Ïndice.
- Meta profesional: explicar cal é o futuro profesional que desexas acadar. Por exemplo: “desexo ser
profesora Xeografía e Historia en Educación Secundaria Obrigatoria”.
- Perfil profesional actual: explicar a formación que se ten na actualidade:
o Cursos superados da ESO
o Coñecementos de idiomas.
o Coñecementos de informática.
o carnés ou cursiños que se poidan ter.
o Experiencia profesional que tes ou coñecementos adquiridos sobre esa profesión na
actualidade. (Por exemplo se a miña nai é mestra e a escoito falar de asuntos relacionados
coa educación, ou se eu din clases particulares de forma informal a xente da miña
familia...).
o Aspectos da túa personalidade que serían beneficiosos para ese emprego.
- Análise do mercado de traballo: facer unha pequena reflexión sobre a demanda dese traballo no
teu entorno e as posibilidades reais que terías de acadalo ou as solucións posibles (desprazamento
a outro lugar onde sexa máis demandado, por exemplo). Indagar no mercado de traballo para
valorar se hai ofertas e que piden.
- Planificación do camiño: explicar que debes facer para acadar ese posto de traballo:
o Estudos necesarios, detallando os cursos e materias que deberás superar na ESO, estudos
posteriores necesarios e onde os realizarías. Explicar tamén un pouco que se estuda neles.
o Outra formación ou coñecementos necesarios: cursos, carnets, etc.
o Experiencia necesaria...
o Aspectos da túa personalidade que deberías modificar, mellorar ou fortalecer, necesarios
para ese emprego.
- Describir como sería ese traballo: autoemprego, emprego por conta allea, emprego público, etc. E
os pasos que terías que realizar para acadalo unha vez conseguida a titulación requerida (por
exemplo enviar currículums ou facer unhas oposicións, etc.).
O que se valorará na nota do traballo:
No power point:
- Que recolla todos os puntos obrigados.
- Que cada diapositiva conteña pouco texto e algunha imaxe que o acompañe.
- Que afonde en todos os aspectos importantes de cada apartado.
- Que a redación, expresión e ortografía sexa axeitada.
- A seriedade.
Na presentación oral:
- Que se mire ós compañeiros e profesora ó explicar, sen ler todo o tempo.
- Que a explicación sexa fluída e natural, empregando vocabulario axeitado.
- Que se domine o tema que se explica.