Panghalip at Pang-uri

1. PANGHALIP PANAO
at
PANG-URING PANLARAWAN
at PAMILANG

2. PANGHALIP PANAO
● Panghalip
Ito ay mga salita na humahalili o pamalit sa
pangalan ng tao, bagay, hayop, lunan o lugar at
pangyayari.
● Panghalip na Panao
Ito ay uri ng panghalip na humahalili o pamalit sa
ngalan ng tao.

3. Mga halimbawa:
● Ako ay mahilig kumain ng gulay.
● Si Ana ay matalino. Siya rin ay mabait.
● Sasama sila sa amin na mamasyal mamaya.

4. Kailanan (Anyo) ng Panghalip Panao
Ang panghalip panao ay may isahan, dalawahan at
maramihang anyo.
● Isahan (unang panauhan) - ako, ko, akin
(ikalawang panauhan) - ikaw, ka, mo, iyo
(ikatlong panauhan) - siya, niya, kanya
● Dalawahan (unang panauhan) - kata, kita

5. ● Maramihan (unang panauhan) - tayo, kami, atin, amin,
natin
(ikalawang panauhan) - kayo, inyo, ninyo
(ikatlong panauhan) - sila, nila, kanila

6. PANG-URING PANLARAWAN
● Pang-uri
Ito ay salitang nagbibigay turing o naglalarawan sa
isang pangngalan o panghalip.
● Pang-uring Panlarawan
Ito ay tumutukoy sa anyo, hugis, kulay, lasa, amoy,
sukat, ugali, katangian at kayarian ng pangngalan o
panghalip

7. Mga Halimbawa:
● Ang bag ko ay luma na.
● Si Nygel ay isang mabuting kaibigan.
● Ang mga bulaklak sa hardin ay mahalimuyak.

8. PANG-URING PAMILANG
● Pang-uring Pamilang
Ito ay salitang tumutukoy sa bilang o dami ng
pangngalan o panghalip na inilalarawan.
● Mga uri ng Pang-uring Pamilang
Patakaran Pamahagi
Panunuran Palansak
Pahalaga Patakda

9. ● Patakaran - ito ay ang karaniwang paraan ng
pagbilang.
Halimbawa:
Ako ay may tatlong lapis.
Si Jomar ay may sampung alagang pusa.
Si Aling Nena ay may dalawang kapatid.

10. ● Panunuran- ito ay nagsasaad ng ayos o
pagkakasunod-sunod ng mga tao o bagay.
Halimbawa:
Siya ang unang kakanta mamaya.
Ang bahay nila ay pang-apat mula sa amin.

11. ● Pahalaga- ito ay tumuturing sa halaga ng isang bagay.
Halimbawa:
Ang baon niya araw-araw ay limampung piso.
Si Ate ay may ipon na dalawang libong piso.
Isandaan ang binigay ko sa kanya.

12. ● Pamahagi- nagsasaad ng bahagi ng isang kabuuan.
Halimbawa:
Kinain ko ang kalahati ng cake.
Binigay ko sa kanya ang ikaapat na bahagi ng pizza.

13. ● Palansak- ito ay nagsasaad ng pangkatan, maramihan o
minsanan ng pangngalan.
Halimbawa:
Limahan lang ang kasya sa kahon na ito.
Ang upuan nila ay pang-tatluhan lang.

14. ● Patakda- ito ay nagsasaad ng tiyak o hustong bilang.
Halimbawa:
Ako ay nag-iisang anak ng aking mga magulang.
Dadalawa lamang ang nurse na nag-alaga sa kanya.