1. Dita e Kombeve të Bashkuara, 2005. Proklamatë nga Presidenti i
Shteteve të Bashkuara të Amerikës. (20 Tetor 2005)
Shtëpia e Bardhë
Zyra e Sekretarit të Shtypit
22 Tetor, 2005
Gjashtëdhjetë vjet më parë, Kombet e Bashkuara u krijuan
për të përhapur shpresën dhe lirinë, për të luftuar varfërinë e
sëmundjen dhe për të ndihmuar në sigurimin e të drejtave të
njeriut dhe dinjitetit njerëzor për njerëzit kudo. Në Ditën e
Kombeve të Bashkuara, ne i ripërkushtohemi idealeve mbi të
cilat u themelua kjo organizatë.
Përgjatë gjithë historisë, shpirti njerëzor është vënë në provë
nga forcat e errësirës dhe së keqes. Qysh nga koha e
themelimit të tyre në ditët pas rezultateve të Luftës së Dytë
Botërore, Kombet e Bashkuara kanë punuar për të zgjidhur
probleme dhe për të bashkuar instinktet më të mira të
njerëzimit. Sot, ne duhet të vazhdojmë përpjekjet për të
lehtësuar vuajtjet, për të përhapur lirinë dhe për të hedhur
themelet e paqes jetëgjatë për fëmijët dhe nipërit tanë.
Në ditët e pasojave të cunamit të vitit të kaluar në rajonin e
Oqeanit Indian dhe tërmetet e këtij muaji në Azinë Jugore,
ne kemi qenë dëshmitarë të aftësisë së madhe të
dhembshurisë njerëzore. Mbështetja nga Kombet e
Bashkuara demonstroi se si kombet e botës mund të
bashkohen në një qëllim të përbashkët për t’u ballafaquar me
sfidat të vështira. Kjo e vërtetë jetëgjatë frymëzoi nga ata që
i krijuan Kombet e Bashkuara dhe vazhdon ta bëjë këtë edhe
2. 60 vjet më vonë. Me kurajo dhe ndërgjegje, ne do të
përmbushim përgjegjësitë tona për të mbrojtur jetët dhe të
drejtat e të tjerëve. Ndërkohë që e bëjmë këtë, do të
ndihmojmë përmbushjen e premtimit të madh të Kombeve të
Bashkuara, për të siguruar që të gjithë njerëzit të mund të
gëzojnë paqen, lirinë dhe dinjitetin që Krijuesi ynë kish pasur
si qëllim.
TANI, PËR PASOJË, UNË, XHORXH U. BUSH, President i
Shteteve të Bashkuara të Amerikës, nëpërmjet autoritetit që
më jepet nga Kushtetuta dhe ligjet e Shteteve të Bashkuara,
në këtë mënyrë
shpall 24 tetorin 2005, Ditën e Kombeve të Bashkuara. Nxis
Guvernatorët e 50 Shteteve, Guvernatorin e Komonuellthit të
Puerto Rikos, si dhe zyrtarët e zonave të tjera nën flamurin e
Shteteve të Bashkuara për të nderuar respektimin e Ditës së
Kombeve të Bashkuara me ceremoni dhe veprimtari të
përshtatshme.
NË DËSHMI TË KËSAJ, në këtë mënyrë kam shkruar me
dorën time këtë ditë të njëzetë të tetorit, në vitin e Zotit tonë
dy mijë e pesë, dhe në vitin e dyqind e tridhjetë të
Pavarësisë së Shteteve të Bashkuara të Amerikës.