Story about a fish

1. ކުޑަކުދިންގެ ވާހަކަ-1 ސިކަންދަރުމަސް އިރު ބަލައިލަން ކުރި ދަތުރު

2. ކަނޑު އަޑީގައި ކުޑަކުޑަ ސިކަންދަރު މަހެއް އުޅުނެވެ.

3. އެސޮރު ކުރަން އެންމެ ބޭނުންވާ ކަމަކީ އިރު ބަލައިލަން މޫދުން މައްޗަށް އެރުމެވެ.

4. އެއްދުވަހަކު އިރު ބަލައިލަން ދާން ސިކަންދަރު މަސް ދަތުރު ފެށިއެވެ.

5. “ރަހުމަތްތެރި މަހާ! އެހާ މައްޗަށް އެކަނި ދާކަށް ނުވާނެ.” ސިކަންދަރު މަހުގެ އެކުވެރިން ބުންޏެވެ.

6. “އޭ ކުޑަކުޑަ މަހާ! އެހާ މައްޗަށް އެކަނި ދާކަށް ނުވާނެ.” މާފިޔަލި މަސްތައްވެސް ބުންޏެވެ.

7. އެވަގުތު ނުރައްކާތެރި ބުރަފަތިލިޔަ މަހެއް އެތަނުން ހުރަސްކޮށްލި އެވެ.“ކޮބާ ހީވޭތަ ކަމެއްހެން؟” މާފިޔަލި މަސް ބުންޏެވެ.

8. އެއްވެސް މަހެއްގެ ބަސް ނާހައި ސިކަންދަރުމަސް ދަތުރުކުރަމުން ގެންދިޔަ އެވެ.

9. ސަނދަރުބޯޅަތަކެއް ފެނިފައި ސިކަންދަރުމަސް ސިއްސައިގެންދިޔަ އެވެ.

10. ސިކަންދަރުމަސް ފަހަތުން މާގާބީރުމަސްތަކެއް އެބައާދެއެވެ.ސިކަންދަރުމަސް ވަރަށް ބިރުގެންފި އެވެ.

11. ސިކަންދަރުމަހާ ދެން ދިމާވީ ހިލަކޮތަރިމަހަކާ އެވެ.ހިލަކޮތަރިމަހުގެ ފިޔަގަނޑުން ސިކަންދަރުމަސް ގައިގައި ޖަހައިފިއެވެ.

12. “ހާ ހައްހައް ހާ! އޭ މިއޮއް ކުޑަކުޑަ މަހާ! ކަލޭ ބިރެއްވެސް ނުގަނޭތަ؟”“ނޫން، ބިރު ގަނޭ. އެކަމަކު އަހަރެން މިދަނީ އިރު ބަލައިލަން” ސިކަންދަރު މަސް ބުންޏެވެ.

13. ހިލަކޮތަރިމަހުގެ ކިބައިން ސަލާމަތްވެގެން ސިކަންދަރުމަސް ފަތަމުން ދެއެވެ.އެސޮރު މިހާރު ވަރަށް ވަރުބަލިވެއްޖެއެވެ.

14. އަޑެއް އިވިގެން، ސިކަންދަރުމަސް ފަސް އެނބުރި ބަލައިލިއިރު ކަމަކުދާކަށް ނެތެވެ.ފަހަތުން އެއޮއްގެން އަންނަނީ ބޮޑު މާހުދުމަހެކެވެ.

15. މާހުދުމަސް ފެނިފައި ސިކަންދަރުމަސް ރޯންފެށިއެވެ. އަދި ބުންޏެވެ.“އާދޭސްކޮށްފަ މިބުނަނީ އަހަރެން ކައިނުލާތި!”

16. ސިކަންދަރުމަސް ކައިލަންވެގެން މާހުދުމަސް އުޅުނެވެ.

17. ނަމަވެސް އެވަގުތު ގިނިޒޫމިމަސްތަކެއް މާހުދުމަހުގެ ކުރިމަތިން ހުރަސްކޮށްލައިފި އެވެ.

18. އެވަގުތު ސިކަންދަރުމަސް މާހުދުމަހަށް ފިލައިފިއެވެ.އަދި ފަތަމުން މައްޗަށް އަރަމުން ދިޔައެވެ.

19. ސިކަންދަރުމަހަށް ދެވުނީ މަޑުޗަކުންމަސް ކައިރިއަށެވެ.

20. މަޑުޗަކުންމަސް ހޭލިއިރުވެސް ސިކަންދަރުމަހަކަށް ނޭގުނެވެ.

21. މަޑުޗަކުންމަހުގެ ބޮޑު އަނގައިން ސިކަންދަރުމަސް ދިރުވައިލިއެވެ.

22. މަޑުޗަކުންމަހުގެ ބޮޑު ދޫ މަތީގައި ސިކަންދަރުމަސް ރޯން އިނެވެ.

23. ސަލާމަތްވެވޭނެ ގޮތެއް ހޯދަން ސިކަންދަރުމަސް ދުވަންފެށިއެވެ.އެހެން އުޅެނިކޮށް މަޑުޗަކުންމަހުގެ ކުޑަ ދުލުގައި ސިކަންދަރުމަހުގެ ނަގޫފަތް ޖެހުނެވެ.

24. ދެން މަޑުޗަކުންމަސް ގާތަށް ހިނިއައިސްފިއެވެ.

25. އެވަގުތު ކުއްލިއަކަށް މަޑުޗަކުންމަހުގެ އަނގައިން ސިކަންދަރުމަސް ބޭރަށް ނުކުތެވެ. އަދި އަވަހަށް ފިލިއެވެ.

26. ހެނދު އިރު އެރިތަނާ އިރުކޮޅަކުން ފެނުނީ ކުޑަކުޑަ މަހެއް ފެނުން މައްޗަށް އަރައި ތޮޅިލިތަނެވެ.އެއީ ........

27. އޭރު، ކުޑަކުޑަ ސިކަންދަރުމަސް ނައިސްގެން ހުރިހާ އެކުވެރިން ކަންބޮޑުވެގެން އުޅެއެވެ.