1. Maryam Mirzajani é unha
matemática iraní de 37 anos que
traballa na Universidade de
Stanford.
Licenciouse na Universidade de Tecnoloxía
Sharif de Teherán. En 2004 doctorouse na
Universidade de Harvard.
Desenvolveu a súa carreira nos campos do
espazo de Teichmüller, a xeometría
hiperbólica, a teoría ergódica e a xeometría
simpléctica. Os seus estudos abarcan
impactantes e orixinais investigacións sobre
xeometría e sistemas dinámicos. O seu
traballo en superficies Riemann e os seus
modelos espaciais conectan varias disciplinas
matemáticas (Xeometría hiperbólica, análises
complexas, topoloxía e dinámica) e inflúen en todas elas.
En 2014 convertiuse na primeira muller galardoada coa Medalla
Fields, considerado o premio Nobel das matemáticas.
A matemática descríbese a si mesma como lenta, pero constante. Necesita masticar os resultados
durante anos. Ela pensa as matemáticas con imaxes e enfoca os problemas difíciles garabateando
en grandes follas de papel.
“A maior parte do tempo, para min adicarse ás matemáticas é como facer montañismo,
pero sen ter unha senda que seguir nin un final á vista."
Á hora de dar consellos a futuros estudantes, non se define: “Non todo o
mundo debe ser matemático, pero penso que moitos estudantes non lle
dan unha oportunidade ás matemáticas”. Ela non tiña interese, nin
boas notas en matemáticas na escola secundaria. Sentía máis atracción
polas letras, ata o punto de que soñaba con ser escritora. “Pódome
imaxinar que se un non está interesado nas matemáticas, esta materia pode
parecer fría e sen sentido. A beleza das matemáticas aparece a aqueles que
son os seus fans máis pacentes”.