1. Augusta Ada King, Condesa de Lovelace
(1815-1852), única filla lexítima do poeta
romántico Lord Byron, foi unha matemática
inglesa coñecida mundialmente por describir
a máquina analítica de Charles Babbage.
Lady Byron estaba obsesionada con que a súa filla non
herdara nada do seu pai e educou a Ada profundamente nas
matemáticas e na música intentando desa maneira alimentar
a súa parte racional e obxectiva para afastala da parte
emocional e subxectiva que supostamente, alimentan a
poesía. Aínda así, a súa vida foi unha constante loita entre
o raciocinio e a emoción, o obxectivismo e o
subxectivismo, a poesía e a matemática.
Charles Babbage (profesor Lucasiano de matemáticas na Universidade de Cambridge e pai das
computadoras) quedou tan impresionado coa capacidade analítica da xoven Ada que a apodou
como “A encantadora de números”.
En 1834, Babbage tiña plans para a construción dun novo tipo de máquina de cálculo, unha
máquina analítica de carácter xeral. A máquina analítica é o deseño dun computador moderno de
uso xeral que representou un importante paso adiante na historia da computación.
Ada foi a primeira persoa no mundo que describiu unha linguaxe de programación de carácter xeral
ao interpretar as ideas de Babbage mesmo mellor que el mesmo. En 1843 publicou unha serie de
notas sobre a máquina analítica de Babbage que firmou so coas súas iniciais por medo a ser
censurada pola súa condición de muller.
Describiu conceptos como o bucle e a subrutina. Solía definirse a si mesma como analista e
metafísica ou científica e poetisa, algo bastante máis avanzado para a súa época que o pensamento
dos seus primitivos conxéneres.
Ada escribiu un completo plan onde se describiu o algoritmo necesario que permita calcular os
valores dos números de Bernoulli utilizando dous bucles, amosando as capacidades de bifurcación
da máquina analítica. Asimesmo describiu como realizar operacións trigonométricas que facían uso
de variables tamén na máquina analítica de Babbage. Tamén definiu o uso de tarxetas perforadas
para programar a máquina de Babbage.
Lady Ada Lovelace foi outro dos grandes xenios que por unha causa ou
outra morreron de forma prematura -no seu caso por un cancro de útero-
privando ao mundo das súas capacidades e sabiduría. Se a maquina
analítica de Babbage é hoxe recoñecida como un modelo temprano de
ordenador, as notas de Ada serían unha descripción do seu software, polo
que Ada é considerada a primeira programadora da historia.