1. Årsmøtereferat Nestangen Laugarlag 2009 cccp
Nestangenårsmøtet vart gjennomført i god tradisjon laurdag 7.mars i kulturhuset!
Arrangementskomiteen hadde på førehand lova godt innhald. Og dei leverte. Økonomisjefen sitt
heldig laguttak var: K. Almås, O. Ellingsen, J. H. Lie ,K. I. Kristoffersen, M. Wiggum, og D. Skram som
aktiv innbytar . Dei har hadde som venta lite felles og utfylde kvarandre derfor godt som team. Lie
meldte forfall, så Gisle Solheim fekk for første gong referenten kjenner til offisiell rolle i laget med
takkformaten‐tale. Ellingsen var svært oppteken av å få med seg opninga av nytt kunstgalleri, men
fekk markert seg kraftig på første timen av årsmøtet.
Kronologisk gjennomgong av programmet:
Kl 1700‐1900: Bowling og øl
‐ Dette var ein braksuksess! Folk samla seg rundt fire baner og
konkurranseinstinktet hos medlemmane tok raskt overhand. Eit par kalde
øl bidrog ikkje til å dempe stemninga og K.I. kom stadig med
oppmuntrande ord til Almås og oss andre. Diverre hadde bana underteikna
og Asle Roar Hundere delte ei håplaus konveks utforming, i motsetnad til
den konkave nabobana der renna låg i midten. Presidenten kan bekrefte
dette då tok pause i elixirprepareringa for å prøve to kast for
økonomisjefen. Uansett var resultatet til Jan Terje Nondal på 176 i
første kamp mykje truleg dagens suverent beste.
Kl 1900‐2100: ÅRSMØTE i Kulturhuset. Heile 25 medlemmer møtte!
Ja… Mykje kan seiast og mykje vart som venta sagt… Lokalet i år var klasserom
108 og ikkje vetlesalen. Fleire proklamerte ”Deja Vu‐ kjensler”
‐ Presidenten leverte si årsmelding med noko attåt. Referenten beklagar at
han sat heilt på sida i salen og ikkje greidde lese teksten på veggen.
‐ VAL!!! :Presidenten sjokkerte forsamlinga ved å forkaste Adjutant
Salveson. Ny høgrehand føreslått av valnemnda er Ove Ellingsen. I ein
kommentar til at Presidenten ytra seg særs kritisk til kvinnfolka slo
Ellingsen fast at han alt innleiingsvis hadde erfart og rekna med at
høgrehandsvervet i åra framover vart ”j...lig hardt og travelt!”.
Fleire forslag til endringar i Presidiet hadde ikkje valnemda.
‐ Økonomisjefen om lagsøkonomien. Dette supplerte årsmeldinga. Laget
handterer finanskrisa på beste måte og revisor og kontrollkomité har
sjølvsagt godkjent rekneskapen.(Den opne delen av rekneskapen er
vedlagt. Innleiande notar er fjerna, då det inneheld sensitive detaljar
om naudhjelp og kompetanseoverføring til naboklubbar med raude tal.)
o Generalsekretær Sataøen (og medlem Fretland) helsa møtet
‐ Adjutant og travel høgrehand Ellingsen held raskt sitt innlegg med
verbale treff ala Chris Iwelumo (skotsk spisskollega) før han hasta mot
snorklipping på nytt kunsthus i parken (?!).
‐ Ålmås og Wiggum analyserte trenargjerninga i klubben og tok opp viktige
spørsmål stilt alt i 2008. Kvar blir det av den gode foreldresamtalen og
personlege oppfølginga? Korleis fordeler spelarmaterialet seg i ulike
ferdigheitsnivå som skrik etter individuell tilrettelegging?
‐ Tom Chr Wergeland viste at Nestangen føl med på siste nytt i utvikling
av treningsmetodar. Ei videoanalyse av trening var gjennomført med
intervju av trenar og spelarar i etterkant. Strålande jobb, Tom! Berre
so synd at videoen tydelegvis vart vist med sterkt redusert hastigheit.

2. ‐ Trenar Navarsete held eit innlegg der han tilbakeviste all kritikk og
stilte plassen til disposisjon. Valnemnda såg ingen grunn til justering.
‐ 50‐årsmarkering med æresprisar til Terje Rømo og Jan Inge Fardal
‐ Cupfinalenytt!‐ Turleiar Jan Inge Fardal la fram plan om å ta opp att
tradisjonen. Avstemming synte at over 20 i årsmøtet ville delta!
‐ Kulturinnslaget i år hadde tema og henta inspirasjon frå bortebaner over
kanalen. Den unge referenten sleit lenge med å formulere essensen i
foredraget og måtte til slutt gje opp. (Lokalfotballhistorisk anekdote?)
Beklagar.
Kl 21‐ 23 :China House
I år okkuperte vi kjellaren på China House. Prisen per medlem for 4 gode
matrettar og ei raudvinsflaske vart kr 300 av innsamlingstekniske årsaker.
Kvar mann betalte 20 kr i drinks. Walnum var innkrevjar og ingen våga mukke.
‐ Kulturinnslag held fram: Gitaren var henta fram og her var meldingane
ikkje til å mistyde. Stemninga var god.
‐ Tangoprisen: Johan informerte om at i år var ingen kvalifisert
‐ Tømmekvarter: Det var i grunn uvanleg stilt og fredeleg i år. X‐Adjutant
Salveson handterte sitt siste oppdrag særdeles godt.
‐ Benkeforslag: Gisle Solheim stilte tidleg til val, men halve måltidet
gjekk før ein oppfatta i kva rolle. Presidenten let seg ikkje skremme.
‐ Takk for maten ‐ tala. Her greip Solheim sin sjanse og gjorde det godt!
‐ Det var mykje god diskusjon om fotballhistorie og litt om
rettskrivingsreglar i årsmelding (og i Sogn Avis).
‐ HJ Walnum sa nokre få ord som nykommar om brukbart oksygenopptak grunna
gode treningar og høgt nivå i laget.
Ca 23‐: Lægreid. Ingen sak vert referert, men etter sigande hadde kultursjef og turleiar lang heimveg.
Måndag: Turleiar oppsummerte i ein kjapp kommentar på veg inn på Meny at det no var vondt men
at årsmøtet hadde vore ”best ever”!
For Presidenten,
Mvh
Øyvind H Larsen
‐‐‐økonomisjefen‐‐‐
‐‐‐referent‐‐‐‐
Vedlegg 1 Årsrekneskap 2007/2008

3. Vedlegg 1 Rekneskap 2008/2009
Prinsippet lagt til grunn for økonomistyringa er som i 2007/2008:
Stram kostnadskontroll
Det har heller ikkje dette året vore unødvendige dyre innkjøp
av nye isposar, bandasjer, vaskemiddel til treningsvestar …
Og laget har vore ein vinnar på overgongsmarknaden. Alt på free transfer
Økonomisjefen vil også i år få rette ein stor takk til Presidenten!
for at han skaffa nye gratis treningsvestar‐ type gul, xxxl, merke Fatso
men ikkje minst
for at han heller ikkje i år tok med seg visakortet for lagskonto på
sydenferien. …i motsetnad til i sesongen 2006/2007… då han og mista det…
Balansen syner at det no står pengar på laget sin konto.
”The state of the union is good!”
Revisor slår fast at årsmøtet ikkje bryr seg med detaljar som summar.
Økonomisjefen er i år som i fjor bekymra for den framtidige inntektssida i
budsjettering av neste sesong. Etter fjordårets vellukka fokus på rekruttering
håpar han årsmøtet no tek følgjande temaet grundig opp til debatt:
Betalingsdisiplin!!
For alle kritiske spørsmål :
viser økonomisjefen til revisor…
og alle rekneskapstal og revisor si beretning er levert Presidenten i einerom.
Vyrdsamt
Økonomisjefen