1. NOTA DE PRENSA
Desconvocada a folga de Comercio Alimentación da provincia de
Pontevedra.
26 de marzo de 2013
Hoxe día 26 ás 00:30 horas alcanzouse un acordo na negociación do Convenio de
Comercio Alimentación da provincia de Pontevedra, o que propiciou a
desconvocatoria da folga que comezou onte día 25 e que tiña previsto rematar o
día 30.
Nunha xornada de negociación que comezou ás dez da mañá e que se celebrou
mentres se estaba a levar a cabo a xornada de folga, a representación empresarial
e sindical (CC.OO., CIG e UGT), chegamos ao seguinte acordo:
• Vixencia para os anos 2012, 2013, 2014 e 2015.
• Cláusula de ultraactividad que garante a continuidade do convenio cando
remate a súa vixencia e mentres non se asine outro que o substitúa.
• Incremento salarial: 2012 sen incremento, 2013 0'25%, 2014 1% e 2015
1%.
• Se topar a antigüidade nun máximo de 7 cuadrienios ao 6% cada un.
• Recuperación das vacacións non gozadas por encontrarse en situación de
baixa por IT.
• Reserva de posto de traballo para as excedencias por coidado de fillos e de
persoas dependentes.
• Posibilidade de acumulación da lactación en 20 días naturais.
Deste acordo queremos destacar a conservación da antigüidade no convenio e,
sobre todo, a inclusión da cláusula de ultraactividad, que vai supoñer a eliminación
dun dos principais prexuízos que a reforma laboral ocasionou á negociación
colectiva.
Queremos destacar igualmente a alta participación dos traballadores e
traballadoras nesta xornada de folga, que loxicamente axudou á consecución deste
acordo. A folga foi secundada por un 80% das plantillas e cunha alta participación
nos piquetes informativos dos traballadores e traballadoras do sector, que tiveron
que soportan un día de intensa chuvia e que mostraron un alto nivel de civismo
durante toda a xornada, cunha ausencia case total de incidentes.
JORGE CARNEIRO PENEDO
Responsable de Negociación colectiva de FECOHT-Galicia CCOO
Teléfono 660-106961