"Цастын орны мэргэдийн оройн чимэг хэмээн алдаршсан Зонхова Лувсандагва (1357-1419) богдын туурвисан "Их бодь мөрийн зэрэг" хэмээх энэ их бүтээл нь "гурван төрөлхтний мөр" буюу хүн төрөлхтний оюун ухааны гурван их үе шатаар дамжуулан сэтгэл оюуны гэгээрхүйн их хутагт хүрэх арга замыг Бурхан буддхагийн заасан гэгээн үзэл онол, явдал мөрийн суртгаалд үндэслэн Хутагтын орны мэргэд дээдсийн оюуны бүтээлийн охь шимээр баяжуулан, хүний оюуны хөгжлийн дээд шатанд хүрэх арга замыг арга билгийн үүднээс тодорхойлон тайлбарласан гүн ухаан, оюун сэтгэлгээ, анхааран авах бясалгалын аньс шимийг хураасан оюуны их бүтээл үүнийг та бүхэндээ хэсэгчлэн хүргэхийг зорьж энэхүү хуудсыг нээлээ зочилж буй та бүхэн таалан болгооно уу"Их бодь мөрийн зэрэг"ийн товч агуулга Богд зонхава (1357-1419) бээр "Их бодь мөрийн зэрэг" хэмээх энэхүү бүтээлдээ нэгэн бодьгалийг гурван төрөлхийтний мөрөөр дагуулан хөтөлж бурханы хутагт хүргэх арга замыг дэлгэрүүлэн айлдсан онцлогтой. Чингэхдээ бурхан багшийн үндэслэсэн гэгээрхүйн хутагт хүрэх билиг барамидын эрхэм зарлигууд болон түүнийг залгамжлан увидас дамжлагын эзэд Майдрын гэгээн, "Замбу тивийн чимэг", "Их тэрэгчин" хэмээн алдаршсан Нагаржуна Асанга, Адиша тэргүүтэн их Мэргэдийн туурвисан тааллын тайлбар, их шастар номлолоор чимэглэн энэхүү увьдсаа айлджээ. Тийм учраас эл увдис гурван төрөлхтний мөр хэмээн алдаршжээ.