2. Por que una mazá?
O Proxecto Abalar ten a súa orixe na palabra celta "Abal", que
significa mazá, a froita da sabedoría, e no termo galego "Abalar" para
transmitir a mensaxe de promover e facilitar o movemento, o cambio
e a transformación na educación.
3. Que é o Proxecto Abalar?
É un compromiso da Consellería de Educación e Ordenación Universitaria coa
cidadanía galega, no ámbito da integración das TIC na práctica educativa, cuxo
obxectivo principal é o de transformar os centros educativos tradicionais en centros
educativos dixitais para:
o Acadar a plena alfabetización das TIC entre os profesores e alumnos galegos.
o Modernizar o sistema educativo galego.
o Mellorar a calidade da ensinanza en Galicia.
o Reducir o fracaso escolar.
Garante a dotación e o mantemento da infraestrutura TIC nos centros educativos coa
entrega de ultraportátiles aos alumnos/as e a dotación de aulas dixitais por medio do
portátil para o profesor/a, o encerado dixital interactivo e o proxector, os armarios de
carga dos ultraportátiles e as redes Wifi, fomenta a cultura dixital por medio da
formación aos docentes e as familias, dota ao profesorado e o resto da comunidade
educativa de contidos e recursos educativos dixitais e establece novas canles de
comunicación entre a comunidade educativa e presenza na Web por medio do
espazoAbalar.
4. Equipamento e Infraestruturas
o Un ultraportátil para cada alumno. É o Un proxector
un equipo de tipo Tablet PC e táctil,
que ten funcións de ordenador
portátil e lector de documentos
electrónicos. o Un armario para a carga dos equipos
o Un portátil por aula para o uso dos
docentes. Forma parte da aula
dixital, polo que o docente terá que
utilizar o portátil que lle corresponda
segundo a aula na que estea a o Rede Wifi xestionada e configurada
impartir a clase. directamente dende a Consellería de
Educación.
o Unha pizarra dixital interactiva
(SMART Board )
5. Contidos Educativos
Estase a dotar ao profesorado, así como ao resto da comunidade educativa de
contidos e recursos educativos dixitais.
o Facilitando o desenvolvemento de novos modelos pedagóxicos e a
incorporación dos últimos avances tecnolóxicos na educación.
o Aproveitando as mellores prácticas desenvolvidas nos centros máis
avanzados.
o Fomentando o espírito colaborativo e participativo dos docentes.
o Creando un repositorio de información que se alimentará con contidos
internos e externos á Xunta de Galicia.
6. Recursos
o A plataforma de recursos educativos permite ao profesorado introducir e
catalogar materiais educativos dixitais, podendo personalizar a súa
carteira de recursos con materiais do servidor ou de produción propia e
compartir o que considere de interese para a súa comunidade educativa.
o Os recursos no servidor están deseñados para que o alumnado participe
na súa aprendizaxe utilizando o ordenador ou a pizarra dixital. Funcionan
directamente nos equipos do alumnado a través da Intranet.
o Os recursos son de uso libre ou con licenzas Creative Commons para
utilizar no traballo co alumnado e proxectos didácticos ou educativos.
7. Formación e Fomento da Cultura Dixital
O obxectivo é dar resposta ás necesidades de todo o profesorado e das familias para
acadar e adoptar a integración cultural das TIC en todos os ámbitos do proceso
educativo.
o Nos docentes, deseñando un plan de formación específico e proporcionándolles
recursos educativos dixitais para empregar nas distintas materias.
o Nas familias, difundindo as novas canles e soportes audiovisuais de comunicación.
o Acadar que todo o alumnado, ao completar a súa formación, posúa competencia
dixital.
Trátase de cambiar dun modelo de centro educativo tradicional a un novo centro
educativo dixital, fomentando o tránsito:
o Da aula de informática á informática na aula.
o Dos actuais libros de texto aos libros dixitais.
o Da aprendizaxe pasiva á aprendizaxe colaboradora, a investigación e a aprendizaxe
activa e interactiva.
o Do profesor que ensina informática ao profesor que usa a informática para ensinar.
8. Integración e Participación
O Proxecto Abalar dispón dun portal propio, o espazoAbalar proporciona:
Ás familias:
o Información directa do absentismo e seguimento académico dos fillos.
o Comunicación directa e multicanle co profesorado e titores: Solicitude de citas de titoría,
xustificación de faltas de asistencia, consulta de incidencias e avisos.
Aos profesores:
o Facilita novas canles de comunicación entre pais, profesores e a dirección do centro: Xestión
de citas de titoría, avisos, incidencias e notificacións.
o Permite a consulta de información persoal e de ligazóns.
Aos centros:
o Dispón dunha área virtual que permite manter informada a toda a comunidade educativa.
o Comunicación directa cos responsables e profesorado por medio de avisos a colectivos e a
grupos.
A toda a comunidade educativa: familias, profesores, centros e alumnos:
o Ferramentas e mecanismos para o acceso aos materiais, e recursos para a actividade escolar
no centro educativo dixital por medio do repositorio de contidos dixitais.