2. Մատաղ սերնդի կրթության, ուսուցման, դաստիարակության գործում կարևոր և պատասխանատու դերն ստանձնում է դպրոցը: Այստեղ է անցնում երեխաների կյանքի ձևավորման ամենակարևոր և պատասխանատու շրջանը:
3. Մխիթար Սեբաստացի կրթահամալիրում ստեղծված են բոլոր ժամանակակից պայմանները, բարձր հագեցվածությամբ տեխնիկական միջոցները երեխաների ուսուցման պրոցեսն արդյունավետ և բարձրորակ կազմակերպելու համար:
4. Մինչ նոր ուսումնական տարվա սկսվելը կրթահամալիրի ողջ անձնակազմը բավականին լուրջ նախապատրաստական աշխատանքներ է կատարում՝ պատշաճ կերպով դիմավորելու նոր ուսումնական տարին, որին մասնակցություն եմ ցուցաբերում նաև ես:
5. Մինչ ուսումնական տարվա սկսվելը, դպրոցում իրականացված վերանորոգման աշխատանքներից հետո, մասնակցել եմ դասարանների կահավորման աշխատանքներին, զբաղվել և հետևել մաքրությանը, մասնակցել նոր ուսումնական տարվա հետ կապված ծնողների հետ կնքվող պայմանագրերի կնքմանը:
6. Այս տարի 8-րդ դասարան ընդունվեցին նոր աշակերտներ, որոնք արագ կերպով ներգրավվեցին աշակերտական կոլեկտիվի մեջ:Այս ուսումնական տարում ես հանդիսանում եմ 81, 82, 83, 84, 85 դասարանների դասղեկն, որոնցից 83-ը, 85-ը դարձան ՏՀՏ խորացված ուսուցմամբ դասարաններ: Իսկ կիսամյակի վերջում ւլեկտրոնային գրատախտակով ուսուցման դասարանների աշակերտների մի մասը ձեռք բերելով նեթբուքեր, անցան ուսուցման նոր տարբերակի:
8. Օգոստոս-սեպտեմբեր ամսիներին կատարել եմ բազմաթիվ աշխատանքներ՝կապված դասարանների կահավորման և մաքրության հետ: 8-4 դասարանի տղաների հետ միասին ծաղիկներ տնկելու համար սևահող ենք գտել և կրել: Երեխաների հետ հավաքել և մաքրել ենք դպրոցի տանիքը: Աշակերտների հետ միասին մասնակցել ենք ծառատունկի: Ճամբարի ընթացքում ,ջոկատի հետ միասին ,բարեկարգել ենք դպրոցի բակը:
10. Աշակերտներին բացատրել եմ այդ աշխատանքների օգտակարությունն ու անհրաժեշտություննն, որն էլ օգնել է նրանց բարձրացնել աշխատանքային և հասարակական ակտիվությունը: Շրջակա միջավայրն ենք մաքրել աղտոտվածությունից, ջերմոցի առաջին ծաղիկներն ենք տնկել և այլն: Յուրաքանչյուր շաբաթ տարբեր 8-րդ դասարանի աշակերտներ ստանձնել են պարտիզպանի պարտականությունները:
11. Աշխատանք աշակերտների հետ Դասարանի աշակերտական կոլեկտիվի կազմավորման և դաստիարակության հետ կապված, աշակերտներին համախմբելով համերաշխ և նպատակաուղղված կոլեկտիվում, նախապայմաններ եմ ստեղծել ուսումնա-դաստիարակչական խնդիրների հաջող և բարձր որակով լուծման համար: Աշակերտների գիտելիքների որակի և կարգապահության ամրապնդման գործում, հոգատարության և բացատրական աշխատանքի միջոցով աշակերտների մոտ փորձել եմ բարձրացնել գիտելիքներ ստանալու անհրաժեշտությունը:
12. Անհատական զրույցներ եմ վարել ետ մնացող աշակերտների, առանձնակի ուշադրություն պահանջող, փոքր ինչ ավելի «ակտիվ» վարքագիծ ունեցող աշակերտների հետ, օգնել նրանց հաղթահարելու իրենց մեջ եղած թերությունները, նրանց ներգրավել աշակերտական կոլեկտիվում, խրախուսել նրանց կատարած աշխատանքները: Վստահելի, անկեղծ, հարգալից վերաբերմունք եմ ցուցաբերել նրանցից յուրաքանչյուրի նկատմամբ, որը հանգեցրել է փոխադարձ ըմբռնման: Փորձել եմ աշակերտների մեջ ստեղծել առողջ մթնոլորտ,հատկապես ուշադիր եմ եղել նոր ընդունվածաշակերտների հանդեպ,նրանց հարմար դասասրանների կցել և ներգրավել նրանց կոլեկտիվի մեջ: Հարթել եմ աշակերտների միջև ծագած վիճաբանությունները,անհատապես զրուցել նրանցից յուրաքանչյուրի հետ:Դասարանում և դասարանների միջև ստեղծել առողջ մթնոլոrտ: Հետևել եմ աշակերտների հիգիենային:Հետևել եմ ,որ դասարանները և իրենց միջավայրը լինի մաքուր,ամենօրյա հերթապահություն նշանակել:
13.
14. Ծնողների հետ կատարած աշխատանքի մասին Սերտ կապ եմ պահպանում աշակերտների ծնողների հետ: Նրանց տեղյակ եմ պահում իրենց երեխաների վարքի, առաջադիմության վերաբերյալ: Ծնողների համար բացվել են անհատական մեյլեր, որոնց միջոցով ծնողները ստանում են իրենց անհրաժեշտ տեղեկատվությունը: Ծնողների հետ կապը պահպանվում է նաև օրագրերի միջոցով:Ամեն ամիս անցկացվել է ծնողական ժողով բոլոր դասարաններում,ծանոթացրել ծնողներին այն ուսուցիչների հետ,ովքեր առաջին տարին են դասավանդում իրենց երեխաներին,զբաղվել ծնողներին հուզող հարցերով: Նոթբուկերով նոր դասարանի վերաբերյալ զրուցել,վարձերի վճարման մասին խոսել: Ծնողներին ընդգրկել եմ թթու դնելու և հարիսա եփելու արարողությանը:
16. ՈՒսուցիչների հետ քննարկել եմ աշակերտների առաջադիմության, կարգապահության վիճակը: Կարծիք փոխանակել առանձին աշակերտների վարքի, նրանց վրա ներգործելու մեթոդների մասին:
17. Կրթահամալիրի կայքի հետ աշխատանքի մասին Կրթահամալիրի կայքի համար անընդհատ աշակերտների հետ պատրաստել ենք և թողարկել եմ նյութեր:
27. Ցուցահանդեսների,համերգների,մրցումների մասնակցության մասին Մասնակցել եմ «Մեդիա կենտրոնում» կազմակերպված պաստառների ցուցադրությաը և ռոք համերգին: Մասնակցել եմ դպրոցում անցկանցվող ֆուտբոլի առաջնությանը,որտեղ հաղթանակ տարավ 8-1 դասարանը: Գեղարվեստի դպրոցում ներկա ենք գտնվել դասական համերգի: Մասնակցել եմ թենիսի, վոլեյբոլի, բասկետբոլի մրցումներին: Մասնակցել եմ Նոր Տարվա դիմակահանդեսին և այլն:
28. Կրթահամալիրից դուրս սեմինարների,կոնֆերանսների,հավաքների մասնակցության մասին Կրթահամալիրից դուրս ՝«Արպես»կենտրոնում,մասնակցել եմ լսողական խնդիր ունեցող երեխաներին նվիրված սեմինարին: Մասնակցել եմ « Նորարար ուսուցիչներ» ֆորումին, ստացել պատվոգիր
29. Ընտրովի դասընթաց -« Էքսկուրսավարություն-հայրենագիտություն» Դասավանդում եմ «Հայաստանի Հանրապետություն», «Էքսկուրսավարություն- հայրենագիտություն», «ռուսաց լեզու» : Այստեղ իմ առջև խնդիր եմ դրել սովորողներին ուսուցանել մեր երկրի պատմամշակութային օջախների պատմությունը՝ հուշարձանների, եկեղեցիների, պատմական տեսարժան վայրերի, նրանց ծանոթացնել մշակույթի նշանավոր գործիչների ստեղծագործություններին:
30.
31. Կազմակերպվել են հետաքրքիր և բովանդակալից էքսկուրսիաներ: Մինչև էքսկուրսիայի կազմակերպելը՝կատարվել են որոշակի նախապատրաստական աշխատանքներ: Սովորողները տեսականորեն գիտելիքներ են ստացել տվյալ պատմամշակութային օջախի կամ մշակութային գործչի վերաբերյալ: Այնուհետև համակարգչից օգտվելով՝ավելացրել ենք տվյալ նյութի վերաբերյալ ստացած գիտելիքները և ամբողջական տեղեկատվություն և պատկերացում ստանալուց հետո մշակել ենք երթուղի, թե ինչպես հասնել տվյալ վայրը ,այնուհետև կատարել էքսկուրսիա:
32.
33. Էքսկուրսիայի ընթացքում օգտագործել ենք բջջային հեռախոս,լուսանկարչական ապարատ:Էքսկուրսիայի ավարտից հետո միշտ մեզ համար հետաքրքիր ժամանց ենք կազմակերպել: Պատրաստել ենք տարբեր ուսումնական նյութեր - « Նորավանք» «Լուսին և աստղեր» «Խաչքարեր» «Գորգարվեստ» «Ձեռագրեր» «Էջմիածին» «Գյումրի» «Կապույտ մզկիթ» «Ստեփանավան» «ԱԼ. Սպենդիարյան» «Մատենադարան» «Մ.Սարյան» «Գառնի»
34. Ինչպես նաև՝ Աշխատանք եմ տարել միջին դպրոցի հատուկ կարիքներ ունեցող երեխաների հետ: Երկարօրյայի մեջ ընդգրկված եմ:Տվյալ աշակերտներին օգնել եմ կատարել տնային հանձնարարությունները,կայքի համար նյութեր ենք պատրաստել,խաղեր խաղացել և այլն: Առաջին կիսամյակն աշխատանքային և ուսումնական առումով հագեցած և հետաքրքիր է եղել,որն իր շարունակությունը կգտնի երկրորդ կիսամյակում: