3. KARAKTEREAK
Gurasoek ondorengoei herentzian transmititzen dizkieten ezaugarriak dira. Hainbat mota
daude:
1. Fisikoak edo anatomikoak: ile kolorea, altuera, begi kolorea, behatz kopurua ...
2. Fisiologikoak: organismoaren funtzionamendurako entzimak, proteinak, ...
3. Portaerak: berezko portaera batzuk ( amatasuna, ehizarako portaera, ihesa, erasoa,
ierarkia sozialak...
4. GENEA
ADN zatia da, eta karaktere jakin baterako informazioa dauka. Informazio hori
base nitrogenatuen sekuentziaren bidez kodifikatuta dago.
5. ALELOAK
Karaktere batentzat gene batek izan ditzakeen informazio-aukera ezberdinak dira.
Informazioa adierazterakoan aleloen ahalmenaren arabera bereiz ditzakegu:
1. Alelo dominanteak edo gainartzaileak: bere kidearen adierazpena galarazten duena, zera dagoen bakoitzean
nagusitzen da. Letra larriz adierazten dira.
2. Alelo azpirakorrak: haren kidea dominanatea denean adierazten ez den aleloa da. Bakarrik adierazten da alelo
gainartzailerik ez dagoenean, zera bikotean alelo biak errezesiboak direnean. Letra txikiz adierazten dira.
3. Alelo kodominanteak:aleloen adierazteko ahalmena berdina da eta orduan bien informazioa adierazten da.
6. GENOTIPOA
Banako batek bere kromosometan duen gene multzoa da. Organismo diploideetan ezaugarri edo karaktere bat
adierazteko beharrezkoak dira kromosoma homologo bakoitzean dauden aleloak).
7. Genotipo motak:
1. Homozigotikoa:karaktere jakin baterako genotipoan bi aleloak berdinak dituenean banakoa da.
( arraza puruak ). Bi aukera daude:
1.1 Bi alelo dominanteak AA (homozigotiko dominantea)
1.2 Bi alelo errezesiboak aa ( homozigotiko errezesiboa)
1. Heterozigotikoa : Karaktere jakin baterako bi aleloak desberdinak dituen banakoa da ->Aa ( arraza hibridoa).
8. FENOTIPOA
Banako batek agertzen dituen karaktereen multzoa da. (fisikoak, fisiologikoak, portaerakoak).
Genetika mendelianoan fenotipoa da karaktere batentzat genotipoaren adierazpena. Baina
adierazpen honetan ingurumen faktoreek eragina dute.