1. A actividade económica
Todos os seres humanos temos unas necesidades (comer, vestirnos, divertirnos,…) que son
ilimitadas, pero os nosos recursos (cartos, tempo, bens, capacidades,…) para satisfacelas son escasos
(máis para uns que para outros), e moitos teñen usos alternativos, ou sexa hai que escoller en que
utilizan (por exemplo os cartos, o petróleo,…). Moitos dos bens que necesitamos para satisfacer as
nosas necesidades non veñen dados pola natureza, senón que hai que producilos empregando a súa vez
recursos,…
A Actividade Económica ten por finalidade a satisfacción das necesidades humanas
empregando medios escasos que se intentan aproveitar ó máximo. Ponse de manifesto en operacións
como comprar, vender, traballar, consumir, producir, distribuír,…As tres actividades económicas máis
importantes son a produción, o consumo e a distribución.
O tipo de actividades económicas que os humanos realizamos ó longo da historia evolucionou e
esta evolución podemos resumila en 5 etapas:
1ª ETAPA: o ser humano era nómade. Realizaba as actividades económicas de caza, pesca e
recolección de froitos silvestres .
2ª ETAPA: o ser humano para sobrevivir agrúpouse nas primeiras comunidades primitivas onde
apareceu a primeira especialización do traballo: os homes realizaban actividades de caza e pesca
e as mulleres de agricultura e gandería. Nesta etapa o ser humano producía e en ocasións obtiña
excedentes (máis cantidade da que necesitaba dalgún ben) e con eles producíronse os primeiros
intercambios de bens por medio do troco.
3ª ETAPA: o comercio xeneralizouse e apareceu o diñeiro para favorecelo. Cada vez había máis
produtos a disposición das persoas.
4ª ETAPA: A colonización de outros continentes, o aumento da poboación e os avances técnicos
fan que aparezan os bancos e as primeiras industrias que necesitan grandes aportes de capital.
5ª ETAPA: xeneralizouse o comercio internacional, e o sector industrial perdeu importancia en
comparación co sector servizos que pasou a ser o máis importante.
A economía como ciencia
Dende sempre os humanos temos pois un problema: como satisfacer as nosas necesidades
ilimitadas de maneira óptima, utilizando uns recursos escasos que teñen ademais usos alternativos. A
Economía é a ciencia que se ocupa disto.
2. Polo tanto podemos defini-la Economía como : “a ciencia que se ocupa de satisfacer, de
maneira óptima, as necesidades ilimitadas dos seres humanos, utilizando uns recursos escasos que
teñen ademais usos alternativos”.
Para entendelo mellor podemos dar outra definición de Economía:
“A Economía ocúpase da maneira en que se administran uns recursos escasos co obxecto de
producir bens e servizos e distribuílos para o seu consumo entre os individuos da sociedade”.
A Economía ocúpase pois da forma en que os individuos “economizan” os seus recursos, e dicir,
de como empregan a súa renda de forma coidadosa e sabia para consegui-lo máximo proveito ou
satisfacción.
Socialmente no seu conxunto, a Economía trata de como os individuos acadan o nivel de
benestar material máis alto posible a partir dos recursos que eles teñen dispoñibles.
A Economía é unha ciencia social e empírica (analiza o que pasa na vida real, saca conclusións
ou teorías e comproba que funcionan sempre ou case sempre). É unha das ciencias máis novas e polo
tanto se aproveita dos estudos e conclusións doutras ciencias coas que está relacionada: matemáticas,
estatística, xeografía,, psicoloxía,…
Tradicionalmente a Economía divídese para o seu estudo en dúas disciplinas: a Micro e a Macro
Economía.
A Microeconomía céntrase na análise do comportamento dos axentes económicos de forma
individual : as economías domésticas (familias) ou consumidores e as empresas así como as relacións
que se establecen entre elas a través do mercado. Por exemplo a microeconomía estuda que razóns
levan:
- a unha familia a consumir uns determinados bens
- a unha empresa a producir uns determinados bens…
A Macroeconomía polo contrario ocúpase do estudio do funcionamento da economía no seu
conxunto. Analiza o comportamento global da economía dun país ou rexión a través dos datos dun
número reducido de variables como: a produción total da economía, o seu investimento e consumo
globais, o nivel xeral de prezos, o número de parados, etc.
O seu propósito é obter unha visión simplificada da economía, pero que o mesmo tempo permita
coñecer e actuar sobre o nivel de actividade económica dun país determinado ou dun conxunto de
países.
Por exemplo a macroeconomía analiza como varia consumo global de todas as familias do país ou a
produción de tódalas empresas e as causas dese cambio.