1. RESUMO TEMA 6 SOCIAIS SEXTO
Chamamos actividade económica a calquera proceso que supón a xeración e o
intercambio de produtos, bens e servizos. Pode dividirse en 3 fases: produción,
distribución e consumo.
*O sector primario ocúpase de obter materias primas da natureza (agricultura,
gandaría, pesca, minaría,...). Hoxe en día, en España, menos do 5% da poboación
traballa neste sector, debido á mecanización.
*O sector secundario transforma as materias primas en produtos elaborados.
Traballa neste sector un 20% da poboación española.Podemos diferenciar tres tipos:
-Industrias de bens de equipo: fábricas de máquinas, coches, material eléctrico...
-Industrias de base: metalúrxicas e químicas.
-Industrias de bens de consumo:fábricas téxtiles, alimentarias, hixiene e limpeza...
* O sector terciario (ou servizos) ocúpase de prestar servizos. Hostalaría,
educación, sanidade, comercio, administración, transporte... Máis do 70% da xente.
Durante séculos, empregáronse moedas de metal. Co tempo, apareceu o papel
moeda e, ultimamente, as tarxetas e o diñeiro dixital. O euro (€) comezou a circular
no ano 2002. Emprégase en 19 dos 28 países da UE (Eurozona).
Hai diversos termos empregados en relación cos cartos que debes coñecer:
• Ingresos: son a cantidade de cartos que se recibe por un traballo.
• Gastos: son a cantidade de cartos que se dan a cambio de algo.
• Aforro: cando se obteñen cartos e non se gastan.
• Beneficios ou ganancias: diferenza resultante de restar os gastos aos ingresos.
• Investimento: diñeiro gastado en algo do que se espera obter un beneficio.
En relación ao traballo, a poboación divídese en poboación activa (persoas
entre 16 e 67 anos que están en condicións de traballar. Comprende tanto á
xente que ten traballo como á que non o ten e se atopa no paro) e
poboación non activa (persoas que non están en idade ou condicións de
traballar).
Chamamos autónomos ás persoas que traballan por conta propia. Os que
traballan para unha empresa son asalariados.
Unha empresa é unha organización creada con fins comerciais que satisfai as
necesidades en bens e servizos dos demandantes. Podemos agrupalas segundo:
*tamaño.- pequena (<50), mediana (entre 50 e 250) e grande (<250).
*sector económico: primario, secundario e terciario.
*ámbito: local, nacional ou multinacional.
A publicidade.- O obxectivo principal da publicidade é dar a coñecer un produto
ou servizo determinado e convencer a xente para que o consuma. Ten un papel moi
importante no resultado das empresas. Coidado: existe publicidade enganosa.
Tamén existe publicidade non comercial. Por exemplo campañas de prevención
de accidentes de tráfico, de doazón de sangue, contra do tabaco e drogas...
ACTIVIDADES:
1- A que chamamos actividade económica? En que tres fases se pode dividir?
2- De que se ocupa cada un dos sectores?
3- Di en que sector traballa o teu pai e a túa nai (se é o caso) e a profesión.
4- No sector secundario, que tres tipos de industrias podemos diferenciar?
5- Di o nome dalgunhas actividades que estean dentro do sector terciario.
6- Ordena os tres sectores de maior a menor ocupación da poboación en España.
7- Cando se comezou a empregar o euro en Europa? Serías capaz de dicir o nome
dalgunhas das moedas ás que substituíu? En cantos países se emprega?
8- Define: gastos, ingresos, aforro, beneficio, investimento.
9- Das persoas que viven na túa casa, di cales pertencen á poboación activa e cales á
non activa.
10- Que son autónomos?
11- Como se chaman as persoas que traballan para unha empresa?
12- Di se son autónomos ou asalariados os teus pais.
13- Que é unha empresa?
14- Coñeces o nome dalgunha empresa da contorna que sexa grande?
15- Cal é o obxectivo da publicidade?