Xabier Amuriza autobiografia

1. EGITEN JAKIN. Santillana AUTOBIOGRAFIA
Autobiografian idazleak bere bizitzako gertakari aipagarrienak kontatzen ditu lehen
pertsonan.
Gertakariaz gain, idazleak bizitako sentimenduak eta sentsazioak ere azaltzen ditu.
Iluntzean, gautu aurretik, Autzaganera jaitsi ginen; han izan ohi zen Bizkargitik bueltako
erromeria. Aitaren ondoan, Autzaganeko taberna bietan batetik bestera ibili nintzen,
errepidea aitaren eskutik gurutzatuz. Gure aita kantari zebilen, beti bezala. Halako batean,
bertsotan hasi zen, jendeak “hori, hori, Luzio!” oihu egiten zuela. Ni aitaren prakei lotuta
nengoen, azpitik gora ezer gutxi ikusten nuela. Halako batean, ez dakit nola, tabernako
barraren gainean jarri ninduten. Aitak bertso bat amaitu eta “aupa, Jabi” esan zuen.
Taberna bete-beterik zegoen eta denak isildu ziren. Ez dakit nola baina, kantatzen hasi
nintzen. Gero aitak jarraitu zuen eta, nik ere… ez dakit zenbat bertso izango ziren, baina
huraxe zen nire bizitzako lehen saioa.
Kantatzen ari ginela, gizon bat txapela pasatzen hasi zen. Txapela diruz betetzen ikusten
nuen barraren gainetik. Gizonak bere lana amaitutakoan zapia zabaltzeko agindu eta dirua
bertara bota zidan. Huraxe izan zen nire bertsolaritzako lehenengo jornala.
Aita ez zen praketan kabitzen pozaren pozez. Hantxe sortu zen “Torreburuko mutiko
bertsolariaren” mito txikia, nire bizitzaren zati handi bat betiko markatuko zuena.
XABIER AMURIZA. Enaz banaz.
(moldatua)
Lehen saio markatzailea

2. EGITEN JAKIN. Santillana AUTOBIOGRAFIA
1- Zer kontatzen du egileak testuan? Aukeratu.
Bertsoak entzun zituen lehenengo aldia kontatzen du.
Bertsoak lehen aldiz kantatu zituenekoa.
Bertsoak entzuteko asmoz taberna batera sartu zen lehen aldia
2- Erantzun galdera hauei.
 Zer dela eta jaitsi ziren aita-semeak Autzaganera?


 Zertan ibili zen aita tabernan?
 Non kokatu zuten umea bertsoak kantatzeko?
 Zertan ibili zen gizon bat bertsoak kantatzen ari ziren bitartean?
3- Nola bota zituen Amurizak lehen bertsoak? Deskribatu
4- Aita ez zen praketan kabitzen? Zer adierazten du horrek? Aukeratu.
Aita oso lodi zegoen.
Aita pozez zoratzen zegoen.
Aita haserre zegoen.

3. EGITEN JAKIN. Santillana AUTOBIOGRAFIA
5- Aukeratu autobiografiaren ezaugarriak direnak.
3. pertsonan idazten da.
Norberaren bizitzako gertaerak kontatzen dira..
Idazleak ez ditu bere sentimenduak eta sentsazioak azaltzen.
Kontatzen diren gertaerak asmatutakoak dira.
Denbora eta leku zehatzak aipatzen dira.
Gertakariak lehenaldian kontatzen dira.