1. بسم الله الرحمن الرحيم، والحمدلله رب العالمين، وصلي الله علي محمد و آله الطاهرين
Bo şımə xoşbəxt iyən səadətməndon zovğ iyən təkrimiku qıləy səlom bıbu, bo şımə ki, de kərimə-ğıroni dəvəti ləbbeyk votey bərobər və de veyə istiğbal karde ısət xıdo kədə ğonəğin. 1-nə sıxan ıme ki, bım yolə neməti ğədriku oğo bıbən və bım vahidə fərizə çı şəxsi, iştimai, psixi və beinəl-xalğiyə xusyətondə fik karde vasitə, bə çəy hədəfon nez bey xoto, cəhd bıkənən və bım ğonəğəti rəhim və ğadirə kəxıvandiku komək tələb bıkən. Az həm deşmə həmzıvoni iyən həmdıləti karde vasitə xıdovənde ğəfur iyən mənnaniku tələb kardəm ki, ıştə neməti boşmə komil bıkəy və bıçımi xoto ki, həcci səfəri tofiği ətaş kardə, komilə həcci icra karde tofiği həm əta bıkəy, və çəyku bəpeşt deştə kərimanə ğəbul karde vasitə həm şıməni de dastpurəti iyən komilə səlomətəti və afiyət bəşmə vətən bıvğandi ... inşaəllah.
Im nığıl iyən vahidə kanqresi foydəninə fırsətədə, psixi və mənəvi cəhətiku ıştəni pok və ujnən pesoxte kənoədə ki, həcci vey əsasi iyən əla nəticəon heste. Bə islam dınyo məsələon diğğət karde və bə islamiyə umməti vabəstə bıə muhimmə i minə dərəcə bıə movzuon bılınd iyən komilə diyə karde, həcci fərizə icraəkəyon ədəb və vəzifəyon i minə dərəcə koon heste.
Imruj və bım i minə dərəcə koon vey muhimmə məsələonku çı islamiyə umməti baxşon miyono co əkə anqılon oj karde, həmçinin mısəlmonon miyono ittihad pesoxte heste. Həcc çı vəhdət, ibemon, bıvəti mərkəz iyən mehvər vəbə yande komək karde simvole. Həccədə bəpe həmməy odəmon bə muştərəkə nuktəon diğğət karde və ixtilafon bə kəno noe dərsi umuton.
Dəvardə dıvrəonku istemariyə siyosəton nopok iyən notəmizə daston, ıştə mırdol iyən bevəcə hədəfon təmin karde xoto təfrığə pesoxte və coəti eğandeyku istefa kardedən, əmmo ımruj ki, de islamiyə oğoəti bərəkət mısılmonə milləton çı seyonist rejim və istıkbariyə cəhbə deşmınətiyon vey çok zıneydən və çəy vədə vindemon iyən moğavemətışon, mısılmonon miyono təfrığə eğande siyosət həm vey şiddətin be.
Hiylə və fəribkorə deşmən pidəşe ta de mısılmonon miyono kədə canqon otəşi bərpo karde vasitə, çəvon dılədə muğavemət iyən mubarizə əngizə və hədəfi munhərif bıkə ta seyonizm rejim və istikbariyə kişvəron xıdmətədə bıə hukuməton ki, həğiğiyə deşmənin, çı əmniyət və oroməti vırədə bıbon. Təkfiriyə terroristiyə qrupon pesoxte və bənə bım qropon ki, ısət Asiya ğərbiyə kişvəronədəfəaliyətışon heste, ım ğəddaranə siyosəti nəticəy. Im bəmə qıləy xəbərdorəti doydə ki, ımruj çı mısəlmonon miyono ibemon və ittihadi məsələ ıştəmilli və beyn-əlxalğiyə vəzifəyon sədr iyən vədə hisob bıkəmon.
Co muhimmə məsələ Fələstini məsələy. De 65 sor seyonist ğasibə rejimi pesoxteku dəvarde və bım həssas iyən muhimmə məsələdə cur bə curə bəpe iyən bejiyə hadisəon məxsusən de tojə soronədə xoninə hadisəon, ısət həmməy kəsonyo 2qılə həğiğət ruşin be. əvvəl ım ki, seyonist rejim və çəy cinoyətkorə himoyə əkəyon ğəsovət, deşmənəti iyən həmmə insoni və əxloğiyə əslon poymol karde məydonədə hiç sərhədeşon ni. Cinoyət, genosid, xərobə karde, hırdənon- jenon və bepənohon kışte və har təcavuz və zulm karde mobah zınedən ijən bə çəy icra karde həm fəxr kardedən.
Gəzzə tojə 50 rujiyə canqi ars ru əkə səhnə və ləhzəon bım tarixiyə cinoyət iyən ğeyri- ğanuniyə hərəkətiku oxnə nımonə be ki, əlbəttə dəvardə 50 sori mıddətədə vey tikror be.
2minə həğiğət əve ki, bım səffaki(ğəddorəti) iyən faciə pesoxtəti çı ğasib iyən işğaləkə rejimi lider iyən himoyə əkəyon hədəfi təmin bıkə. Im xəbisə siyosətçiyon beməxə orzo əvəzi ki, bo seyonist rejim iğtıdar iyən istehkam və zumandəti pesoxteydumoon, əmmo ım rejim har ruj bəştə məhv bey iyən həlok bey vey nez be. Bepənoh iyən muhasirədə bıə Gəzzə 50 rujiə mığovimət çı seyonist rejimi həmmə bə məydon dəşə bıə zumandəti və imkanaton vədəvə oxoysə ım rejimi məğlubiyət iyən bə domo oqarde, həmçınin muğavemətiyə qropon şərton vədə təslim bey, bım zəeifəti, sıst bey iyən bepoyə bey oşkurətiku qıləy nəmoyeşqah be. Çəy məna ıme ki, fələstini millət bəpe həmmişəku vey umidvar bıbu, Cəhad iyən Həmasi mubarizə qropon bəpe bəştə cəhd-səy və təlaş əlovə bıdən, ğərbiyə sahil ıştə daimiyə fəxrinə ruədə de zumandəti iyən istehkamə hərəkətış bıbu, mısılmonə milləton ıştə dıvlətonku tələbşon bıbu ki, Fələstiniku həğiği və ciddiyə himoyəşon bıbu və mısılmonə dıvləton həm ım ruədə sadiğanə hərəkətşon bıbu.
3 minə muhim iyən i minə dərəcə bıə məsəlonku çı islam dınyo əktivə sutədılon huşinə diyə hıste ki, bəpe həğiğiyə islam və Aerkaiyə islami miyono farğon barədə bıbu və ım 2corə islami miyono səhv, şək və şubhə iyən ğələt karde barədə ıştəni və co kəson oğo bıkən. 1minə kərə çəmə yolə bə rəhmət şıə İmom ım 2qlə islami barədə farğonku

2. votşe və əvış siyosiyə sirə(rəftor) iyən ədəbiyotədə daxil ka.Həğiğiyə islam çı səfa, məhəbbət, mıhribani iyən mənəviyə islam heste,təğvanin bey və demokratikə islam, Çı “ اشداء علي الكفار رحماء بينهم “-i islam.
Əmmo Amerkaiyə islam, islamiyə libosi çı əcnəbiyə nokəron tanədə takarde iyən islamiyə umməti vədə deşmənəti karde hıste. Qıləy islam ki, mısəlmonon miyono təfrığə otəşi rost bıkə, bəilahiyə vədəon xatircəm bey əvəzi, bə xıdo deşmənon xatırcəmbey bois bıbo, seyonizm və istıkbari vədə mubarizə karde əvəzi mısılmonə bıvə ələyh canqış bıbu, co milləton ələyh və ya xudıştə milləti zidd de mıstəkbirə Amerka i bebu, İslam ni, xətərnak iyən həlokəkə nifağe ki, har sadiğ iyən rost votə mısılmon bəpe çəy vədə mobarizəş bıbu.
De nığıl iyən bəsirətinə diyə vasitə çı islam dınyo həğiğəton dılədə ım həğiğət və muhimmə məsələon bo har həxi pəyduəkə insoni ruşin bəkay və ımrujnə vəzifə iyən məsuliyəton de şəffafə forma təyin kardedə.Həc və çəy bərnamon iyən rəsmo adəton, bım bəsirati bədast vardey xoto qıləy foydənin iyən çokə fırsəte. Umid heste ki, şımə xoşbəxtə həcci icraəkəyon və hacion, bım ilahiyə nemətiku komilə istifadə xıvand bıbən. Şıməni bə yolə xıdo aspardəm və şımə səy və təlaşi ğəbul bey,çı xıdovənde-xalığiku tələb kardedəm.
والسلام عليكم و رحمته الله و بركاته
Səyyed Əli Xamenei
Hicri ğəməri 1435 sori zilhəccə manqi 5minə ruj, bərobər de hicri şəmsi 1393 sori mehr manqi 8 nə ru