Alegaciones Ao Proxecto De RexeneracióN Das Marismas Do RíO Belelle Sghn
1. SOCIEDADE GALEGA DE HISTORIA NATURAL Delegación de Ferrol Apdo. Correos nº 356 – 15480 Ferrol Tlfno./fax: 981 352 820 – Móbil: 616 388 935 www.sghnferrol.blogspot.com – www.sghn.org [email_address] ALEGACIÓNS Ao proxecto “Rexeneración das marismas del río Belelle”, término municipal de Neda (A Coruña). Ref.: 15-0502” BOP nº 181 de 7 de agosto de 2007
2. Antonio Ernesto Rodríguez Martínez, con DNI nº----- Secretario da Delegación de Ferrol da Sociedade Galega de Historia Natural , con enderezo, para os efectos de notificación, no Apartado de Correos nº 356 de Ferrol, CP 15480, actuando en representación da citada asociación, comparece e, como mellor proceda en dereito, EXPÓN: 1 --- Que por medio do presente escrito a SGHN - Ferrol formula alegacións ao proxecto “ Regeneración das marismas do río Belelle, término municipal de Neda (A Coruña). Ref.: 15-0502” , co obxecto de que se modifique nos seus actuais termos para axustalo segundo
3. criterios de maior respecto cara o medio ambiente. 2 ---- Como ben se detalla no Proxecto, as asociacións vexetais existentes no espazo constitúen hábitats de interese recollidos na Directiva Hábitat: -- Pradeiras de posidonia (Posidonion oceanicae), hábitat prioritaro, código 1120 -- Esteiros, código 1130 -- Vexetación anual pioneira con Salicornia e outras especies de zonas lamacentas ou areosas, código 1310 -- Pastizais salinos atlánticos ( Glauco-Puccinellietalia maritimae ), código 1330 -- Pastizais marítimos mediterráneos ( Juncetalia maritimi ), código 1410
4. O deterioro destes hábitats, como consecuencia da actividade humana, esixe certas rectificacións para conquerir a súa rectificación e dar lugar a un ecosistema equilibrado, obrigando a retirar aqueles condicionamentos de orixe antropoxénica para, de seguido, deixar actuar libremente á natureza, e que o espazo vaia evoluíndo cara as etapas climácicas dos hábitats enumerados no proxecto. Tratándose dun espazo sensible a calquera alteración, e dada a súa riqueza natural e paisaxística, haberá que proceder en consecuencia, coa fin de que as novas intervencións non danen o ecosistema establecido actualmente. Deste xeito, as intervencións que se fagan non deben supor unha
5. modificación traumática do ecosistema existente, senón que deben permitir que este vaia evoluíndo libre e lentamente. 3 ---- En orde a acadar o obxectivo antes indicado, consideramos preciso non eliminar os muros de contención nin a vexetación arbustiva e arbórea do contorno exterior da marisma. Segundo, de xeito natural, se vaian deteriorando, o efecto barreira que actualmente producen irá desaparecendo, o mar irá penetrando e cambiando lenta e progresivamente as condicións das marismas que se pretenden recuperar. Deste xeito, as asociacións vexetais irán adaptándose lentamente á nova situación, desparecendo aquelas que non se adapten ao novo
6. medio e aparecendo outras adaptadas á nova situación. Neste senso, somos contrarios a realizar intervencións tendentes a incorporar novas especies vexetais, xa que non é posible a simulación dunha seriación de vexetación de marisma ideal. Nun ecosistema marismeño, a seriación de vexetación non se cingue a unhas pautas concretas, pois soe conformarse con respecto a unha serie de canles de entrada e saída de auga que non é posible reconstruír dunha forma ideal (nivel de salinidade, acumulación de depósitos, etc). A natureza irá realizando ao seu propio ritmo os cambios que espontaneamente transformarán e farán evoluír o ecosistema. Isto pode orixinar, por exemplo, que nun ecosistema marismeño sen alterar non
7. aparezan certas asociacións que si existen na seriación prototípica. Dende outro punto de vista, a eliminación inmediata dos muros provocaría a desparición traumática de nichos ecolóxicos moi interesantes hoxe existentes. 4 --- Nesta liña de actuación, e, se o que se busca é a entrada paulatina do mar pola lenta destrución dos muros, os paseos deseñados por riba deles nos se deben construír, xa que a finalidade de restablecer o ecosistema orixinal pasa pola desparición natural, a medio ou longo prazo, do muro de contención. 5 ---- En concordancia co indicado nos puntos anteriores, referido a permitir unha evolución libre e natural
8. referido a permitir unha evolución libre e natural deste ecosistema constituído por hábitats prioritarios, a actuación humana será mínima e non deberá introducir ningún elemento artificial, como é o caso das dúas charcas proxectadas, e moito menos introducir especies que non existen actualmente na marisma. Semella unha contradición clara ter o obxectivo de eliminar especies alóctonas existentes, e, por outra banda, propor a introdución doutras especies novas que, ademais, poderían comportarse como invasoras ( Clematis, Jasminium, Lonicera, etc). 6 ---- Sendo este espazo de tanto interese como lugar de acubillo e aniñamento de aves, a presión humana
9. debe ser mínima. Polo tanto, non se debe proxectar paseos polo medio da marisma, como moito manter o existente na parte traseira da marisma do leste (lugar da Ribeira do Coto), dándolle continuidade despois da ponte peonil do río Basteiro seguindo o trazado que marca a pista asfaltada que dá servizo ás vivendas existentes na zona. 7 ---- No mesmo senso de protección dos hábitats, cómpre lembrar que a iluminación artificial incide moi negativamente na bioloxía das especies animais existentes (anfibios, insectos, aves, etc). Por este motivo, a iluminación artificial deberá ser a correcta, garantindo que os paseos (repetimos, sempre pola parte traseira da marisma, nunca a través nin por
10. diante) se iluminen cun pequeño LED para amosar o paseo e teñan horas de apagado ( 23.00 horas no inverno e 24.00 horas no verán). Os tramos iluminados deberán incorporar lámpadas de sodio de baixa intensidade, con apantallado cara abaixo que non difundan luz cara ao exterior. As pantallas serán homologadas polo I.A.C. (Instituto Astrofísico de Canarias). Por todo o exposto, SOLICITA: 1 --- Que se teña por formulado alegacións ao proxecto “Regeneración de las marismas del río Belelle, término municipal de Neda (A Coruña).
11. Ref.: 15-0502” e persoada a SGHN (Ferrol) como parte interesada no expediente de referencia, solicitando que lle notifiquen por escrito cantas actuacións e resolucións se practiquen en diante, sen prexuizo da obtención de cantas copias precise da documentación que obre no expediente . 2. Que se modifique o proxecto para axustalo ás nosas propostas, agardando que dean lugar a un traballo conxunto que xa noutras ocasións propiciou un alto grao de entendemento e achegamento de posturas. Ferrol, a 30 de agosto de 2007 O Secretario da SGHN - Ferrol Asdo. Antonio E. Rodríguez Martínez