1. 8M
DÍA INTERNACIONAL
DA MULLER
Marathon 09 MARZO
2013
Fotográfica
A IGUALDADE DE XÉNERO EN RELACIÓN AO MUNDO DO TRABALLO
BASES
REQUISITOS DOS PARTICIPANTES
Ser afeccionado á fotografía. Non poderán participar profesionais.
TEMÁTICA
A IGUALDADE DE XÉNERO. Este tema concretarase en tres propostas, que se
entregarán ao inicio da marathon e máis nos controis que se efectúen.
INSCRICIÓN
A folla de inscrición pode descargarse do portal municipal, www.vilagarcia.es,
e entregarse persoalmente na Área de Igualdade-CIM, situada na planta baixa
da Casa do Concello, ou por e-mail a muller@vilagarcia.es, ou por fax ao 986
512 226. O prazo de inscrición está aberto do 11 de febreiro ao 01 de marzo.
COMO PARTICIPAR
Participarase con cámaras dixitais. As fotografías entregaranse en arquivo JPEG,
RGB, e resolución de 300 ppp.
Ao remate da actividade entregaráselle a cada participante un pendrive para
gardar as fotografías, que posteriormente serán introducidas nun sobre pechado,
no que figurará o nº de identificación que se lles asignou ao comezo da marathon.

2. Saída: Ás 10,30 horas do día 09 de marzo, da Casa de Cultura de Carril. Neste
intre elixiranse os tres temas obxecto das fotografías, e darase información dos
mesmos ata o seguinte control, que será na Casa de Cultura de Vilaxoán, ás
13.30h. Nese momento entregaráselles ás/aos participantes un número de
identificación, que deberán conservar durante toda a marathon.
Temas e controis: Os temas estarán enmarcados na igualdade de xénero e o
traballo das mulleres. Os participantes terán que pasar os controis nos lugares
e horas sinalados, quedando descalificados aqueles que non o cumpran. As
fotografías terán que realizarse dentro do termo municipal de Vilagarcía.
Recollida das fotos e final da marathon: A recollida será no derradeiro control,
no Auditorio, entre as 18,30 e 19,00 horas, onde descargarán as fotografías,
que irán identificadas cun título (cada unha). Serán válidas as realizadas durante
a marathon e que sexan entregadas nos soportes facilitados pola organización.
PREMIOS
Haberá tres premios, un por cada tema, cunha contía individual de 200 euros.
XURADO
Será o encargado de seleccionar as fotografías, e estará composto por:
Presidenta: a Concelleira da Área de Igualdade, Ángeles Rodríguez.
Vocais: catro persoas relacionadas co mundo da fotografía, da imaxe, a
comunicación..., e unha polo Consello Local da Muller.
Secretaria/o: persoal técnico con voz pero sen voto, encargado de levantar acta.
A decisión do xurado será inapelable.
ENTREGA DE PREMIOS E EXPOSICIÓN
O veredicto do xurado e a entrega de premios terá lugar no Auditorio e será
comunicado aos/ás participantes con antelación. Ese día inaugurarase unha
exposición coas fotografías premiadas e as seleccionadas polo seu interese.
NORMAS DA MARATHON
Poderán participar todas as persoas previamente inscritas na Área de Igualdade-
CIM segundo as normas destas bases. Deberán acreditar a súa identidade no
control de saída co DNI, ou documento equivalente. As obras presentadas quedarán
en propiedade do Concello de Vilagarcía. O/A autor/a conservará a súa propiedade
intelectual, pero cederá en exclusiva e irrevogablemente os dereitos de reprodución
para a súa exposición, publicación ou calquera modalidade que o Concello
considere. Serán descalificados aqueles que non acudan aos controis nos horarios
establecidos, así como os que incumpran algunha das normas destas bases.
Durante o transcurso da marathon haberá un comité organizador facultado para
resolver as dúbidas ou circunstancias especiais que poderan xurdir, así como
para a interpretación destas bases. A súa decisión terá carácter definitivo.
A participación na marathon supón a aceptación destas bases.
+ INFO: Área de Igualdade - CIM
Praza de Ravella, nº1 - 36600 - Vilagarcía de Arousa
T 986 099 200 ext. 102 /109
muller@vilagarcia.es