Gauti bestur í boltanum 1

1. Rannveig Lund, 2013
Teikningar: Rakel McMahon
@Lestrarsetur Rannveigar
Lund

2. Bls. 1
Ég er alger auli í fótbolta.
Þess vegna hata ég fótbolta.
Í haust varð ég auðvitað að
keppa með bekknum mínum á móti 4. S.
Fyrir leikinn var ég alveg í mauki.
Ég kveið svo fyrir.

3. Bls. 2
Leiknum lauk 2-0 fyrir okkur.
Í bæði skiptin var það ég
sem skoraði.
Ég sem er vonlaus í fótbolta.
Þetta er bara draumur, hugsaði ég.
En þá flautaði dómarinn leikinn af.
Þetta var ekki draumur.

4. Bls. 3
Í fyrra skiptið sem ég
skoraði var aukakast.
Ég stóð nákvæmlega þar
sem boltinn kom inn á.
- Skjóttu Gauti, hrópaði Sæmi,
rauður í framan af æsingi.
Ég lokaði augunum og spark.
Boltinn þaut beint í netið.

5. Bls. 4
Sá í markinu
átti ekki von á þessu.
Hann kraup og var að reima skóinn sinn,
þegar boltinn flaug inn.

6. Bls. 5
- Klaufi, aumingi,
kölluðu hans menn.
Hvað varstu að hugsa?
Svo bauluðu þeir á hann.
- Aumingja hann.

7. Bls. 6
Hitt markið kom
enn meira á óvart.
Alger hundaheppni.
Það var Mikki maur
sem skaut í átt að markinu.
Þótt hann sé smár skýtur hann
rosalega föstum skotum.
Skotið fór í stöngina.

8. Bls. 7
Boltinn þaut
eins og eldflaug
aftur út á völlinn,
í áttina til mín.
Ég beygði mig til að fá hann ekki í hausinn.
Samt lenti hann rétt ofan við augað á mér.
Boltinn rauk í netið,
óverjandi skalli og mark.

9. Bls. 8
Allt í einu lá ég undir
haug af strákum.
Ég var orðinn sá besti.
- Þú gerðir allt laukrétt í stöðunni, sögðu þeir.
- Og hugsið ykkur, sagði Mikki maur,
Gauti sem æfir ekki einu sinni með liði.

10. Bls. 9
- Gauti, þú neyðist
til að byrja að æfa.
Okkur vantar gaur
eins og þig
í 1. deild hjá Nautunum.
Við erum á botninum.
Þeir fá aldeilis á baukinn
ef þú ferð að spila með okkur.

11. Bls. 10
Ég flaug í loftinu
alla leið heim.
Ég hef aldrei hlaupið
eins hratt.
Nú verður pabbi ánægður með mig.
- Pabbi, ég vil fara í fótboltalið.
Ég vil byrja að spila með Nautunum.

12. Bls. 11
Pabbi lá upp í sófa og hraut
en vaknaði við hávaðann í mér.
- Loksins, tautaði hann fyrst.
- Gauti minn, ég er búinn að bíða
svo lengi eftir þessu augnabliki.
Loksins, kom að því.
Síðan þaut hann upp, rauk á mig
og faðmaði mig.

13. Bls. 12
Svo saug hann fast upp í nefið.
Hann er með kæk.
Ef hann er æstur,
sýgur hann upp í nefið.
Svo strauk hann mér aftur og aftur um hárið.
Ég skildi ekki hvað hafði hlaupið í pabba.
Hann, sem er oft svo fúll þegar ég vek hann.

14. Bls. 13
- Pabbi, ég þarf að fá buxur,
bol og góða fótboltaskó.
Þú veist að það kostar
mikið að kaupa svona dót.
Þú átt örugglega ekki til aur fyrir því.
Þú átt aldrei aur þegar ég bið um dót
sem mig langar í.
Manstu skautana, manstu bílabrautina,
manstu rauða bolinn?

15. - Gauti minn, ég elska að kaupa allt
handa þér sem þarf í fótboltann.
Pabbi raulaði þegar hann þaut út.
Hann ætlaði að hitta vini sína í laugunum.
Ég veit alveg hvað hann talar um í heita
pottinum.
Bls. 14