1. AIXERROTA BHI DBH 4 - HAUTAZKO JAKINTZAGAIA
ORIENTAZIO SAILA
JAKINTZAGAIA: EKONOMIA
Ikasiko duzuna:
Banku-kontuen mota desberdinak, interpretatu bankuak gure kontuen inguruan bidaltzen duten informazioa.
Banku interesak eta komisioak zer diren, Txartel mota desberdinak eta haien erabilgarritasuna eta arriskuak.
Zorpetzeko erak: mailegua zer den, bere ezaugarriak eta kuota.
Inbertsioa eta aurrezkiaren arteko diferentzia. Inbertsio motak.
Aurrekontuaren garrantzia: norberarena, enpresarena edo gizarterena: sarrerak, gastuak eta desbideratzeak.
Aurrekontu partehartzailea zer den.
Enpresen diru-sarrera eta kostuen esanahia eta egitura eta irabazien / galeren kalkulua.
Zergak zer diren eta zergatik diren garrantzitsu errenta birbanatzeko eta gizartea orokorrean (koronabirusen
gastuak). Enpresa eta norbanakoei ezartzen zaizkien zergak bereiztea.
EAEko akordio ekonomikoaren berezitasuna, garrantzia eta esanahia. Zergatik guk Espainian baino hezkuntza
maila, osasun maila altuagoa daukagu: kontzertu ekonomikoaren sistema eta bere garrantzia.
Gizartearen ongizatearen esanahia (denontzako osasun sistema beharrezkoa da?, denok izan behar dugu
etxea?, ume eta gazte guztiek ikasteko eskubidea izan behar dute? Zer eman behar du Gobernuak eta zer
lortu behar du norberak?).
Gaur egunean asko entzuten diren kontzeptuen azalpena eta hausnarketa: langabezia, kaleraketak, ERTEak,
inflazioa, krisi-ekonomikoa, jasangarritasuna, pobrezia, euribor, hipoteka , desjabetzeak, etxea ordainean
ematea, …
Nola lortuko duzu nota?
Ebaluaketa bakoitzean 2 azterketa egingo dugu bakoitzak ebaluaketako notaren %30 da, egingo ditugun ariketak
beste%30 eta jarrera %10.
Ariketak nota askotakoak izango dira: pelikula ikusi, klaseko ariketak, galdetegiak erantzun, komikia irakurri, zure
etxeko datu batzuk jaso eta ebaluaketa bakoitzean talde lan bat…
Egingo dituzun jarduera bereziak (Irteerak, taldekoak …)
Komikiak irakurri; pelikulak ikusi; zopa-letrak eta gurutzegramak, egunerokotasun gaiak eztabaidatuz: iruzurra,
zergen igoera, gobernuen erabakiak...
TALDEKA: irla isolatu batean oinarrizko ekonomia ezarri taldeka; irla bateko agintariak izan biztanleen egoera
hobetzeko ardurarekin(online jokoa); hauteskunde kanpaina aurrera eraman gure aurrekontu-partehartzailea
erabakitzeko.
Egokia zara gai hau hartzeko horrelakoa bazara:
Derrigorrezko ikasketak bukatzerakoan neska-mutil guztiek gutxienezko ezagutza ekonomikoa izateko funtsezko
irakasgaia dela uste dugu. Beraz, ikasle guztiak dira irakasgai hau hartzeko egokiak, bizitzarako prestakuntza
delako.
Zure inguruan, zure gizartean gertatzen dena interesatzen bazaizu, orduan gai zara ekonomia ikasteko. Ez da
behar trebetasun berezirik ikasgai honetan, interesa izan behar da, hori da eskakizun bakarra.
Etorkizunean ikasiko duzunari begira, komeni zaizu:
Arlo sozialean interesa duenak (pertsonen eskubideak, gizartearen antolamendua, gizartearen zeregina,
eskubideak, …) irakasgai honetan badu zer ikasi: zuzenbidea, psikologia, enpresa ekonomia, ekonomia, Giza-
harremanak, marketing, soziologia…
Matematika eta teknologiak gustoko dituenak ere, ikas dezake berarentzat etorkizunean interesgarriak eta
erabilgarriak izango zaizkion kontzeptuak.
