Carta a xefe de reparto zona 1 sobre as intruccións en reparto.

1. Local sindical: 2ª Planta, Edf. Xefatura Provincial Correos . 15070 A Coruña
Tfno-981.223496, RICO 83230 * E – mail: cgtcorreosacorunha@gmail.com
Sindicato Federal de Correos e Telégrafos
CONFEDERACIÓN XERAL DO TRABALLO
Sindicato Provincial de Correos de A Coruña
2ª Planta Edificio Xefatura Provincial de Correos . 15080 A Coruña
Tlfes: 981.223.496. Rico: 83230. Móvil: 636312271
Mail: cgtcorreosacorunha@gmail.com
ATT: Director de Rede de distribución.
Asunto: Eleccións municipais 24 Maio de 2015.
Desde CGT estamos recibindo, con desagradable sorpresa, noticias desde os centros
de traballo, onde se nos comunica que as persoas responsables de estes centros están
a dar instrucións verbais que son incorrectas, confusas , supostamente en fraude de
lei, sobre o reparto fora da xornada e a prioridade dos obxectos postais electorais.
Tamén nos sorprende que, unha vez máis, se deixe correr a información inexacta nos
centros de traballo sobre o feito de que a correspondencia electoral é un traballo
voluntario e que debe facer fora do horario habitual. Isto é falso, e ningunha instrución
de Correos comunica de esta voluntariedade nin que esa correspondencia teña que ser
traballada de unha maneira diferente a calquera outro obxecto que se reparta en
distribución.
Simplemente queremos lembrarlles algunha lexislación ao respecto de este tema:
 BOE 104, de 29/04/2015 Nomeando a Correos como prestador SPU en ditas
eleccións
 INSTRUCCIÓN DO PRESIDENTE DE CORREOS, de 5 de Maio, na que concreta: “ En
el tratamiento de la correspondencia ordinaria se dará prioridad al curso y
entrega de los envíos de propaganda electoral, dentro del período de campaña
electoral”.
 Circular 2/2015 da dirección de RRHH de Correos, na que en ningún lugar se
autoriza ou especifica que se poida traballar fora da xornada, salvo que se
autorice expresamente.
 ART. 50 e 55 do convenio colectivo sobre Xornada e Horarios.
Tamén queremos recordar que o traballo fora da xornada supón un grave risco para a
plantilla porque estaríase a conculcar gravemente o dereito á saúde dos traballadores,
regulado na Lei 31/95 de Prevención de Riscos Laborais, que estarían a desempeñar as
súas tarefas sen ningún tipo de protección e avaliación de riscos e sen ningunha
cobertura sociosanitaria por atoparse fóra da súa xornada legal. Calquera accidente
laboral sucedido fóra do horario establecido non gozaría do recoñecemento e
protección establecidos para estes contratempos.

2. Local sindical: 2ª Planta, Edf. Xefatura Provincial Correos . 15070 A Coruña
Tfno-981.223496, RICO 83230 * E – mail: cgtcorreosacorunha@gmail.com
Tendo en conta todo o arriba mencionado a CGT ínstalle, urxentemente, a:
 Realizar a contratación necesaria de persoal eventual para realizar o reparto da
correspondencia electoral dentro da xornada laboral.
 Realizar e difundir, entre os responsables de unidade, unha circular urxente
lembrando que a correspondencia electoral é prioritaria ao respecto da
correspondencia ordinaria, que se debe facer dentro da xornada laboral.
 Reforzar as USES para entregar correctamente o voto por correo desde esas
unidades, ou garantir o cobro da gratificación individual por este concepto no
reparto ordinario, tendo en conta que o incremento do 15% de traballo en todas
as unidades de reparto ordinario supérase no 100% dos casos.
 Garantir o cobro da gratificación anterior para todo o persoal do CTA de
Labacolla, tendo en conta que son frecuentes as arbitrariedades neste centro por
parte das persoas responsables á hora de escoler as persoas que traballan eses
obxectos, creando graves inxustizas á hora de ter acceso ao cobro da
gratificación.
 Garantir que o reparto na xornada electoral do 24 de Maio, sexa realizado por
persoal voluntario, e que todo o mundo teña o mesmo dereito a participar se o
desexa nesa xornada, por sorteo ou calquera outro procedemento xusto. Lonxe
das habituais arbitrariedades das persoas responsables dos centros.
 Informar a este sindicato, e ao Comité de empresa e Xunta de persoal, das horas
extras realizadas para realizar os traballos ou tarefas complementarios fora da
xornada habitual.
 Reunir, con urxencia, o Comité de seguimento recollido no punto 5 das
“instrucións en materia de produtividade e remuneración recollidas na circular
2/2015”. Convocando ao sindicato CGT por ser sindicato representativo.
Desde a CGT observaremos con atención todo este proceso e procederá nas
seguintes xornadas a realizar unha pertinente denuncia á inspección de traballo
provincial sobre estes aspectos sinalados.
Sen máis, e agardando unha resposta.
Saúdalle:
Xan Jove González
Segredario Xeral de CGT Correos A Coruña
Na Coruña, a 8 de Maio de 2015.