2. 1. Mangorus
2. Onaan ya abong, etc.
3. Ama mi, Ave Maria tan Nagalang
4. Dalepdep;
Niño Jesus, pikasi yo kami, iyarawi yok amid bengatlan kaatapan,
bendicionan yo pay intiron mundo, say bansa mi, baley tan barangay
mi tan ami-amin ya manooley mi, manlapud sankatageyan ya anggad
sankaabebaan ta komon mankakasakey ira ya mangipaakar na maong
ya Sistema diad bansa tayo. Amen..
5. Panangisampot ya dasal
6. Say Bendicion
7. Kansion
PIKAKASI ED DALAW NA SANTO NIÑO
1. ONAAN YA ABONG:
O masamit ya Ogaw a Jesus nengneg mo kamin akadakmomo
ed arap na masagradon Imahen mo. Katekep miray pumapastol
ya manlapud giligilig day palandey; ontan da met na saray
taloran makabat ya nalapud bokig; si Virgin Maria tan San Jose
ya akatalimokor eed abay na atotong ya napnoy dayami, igalang
mi ka, peteg a Diyos ya amalsad sicami. Saraypusomi manlepua
ed liket, misalamat kamid sika lapud saray ag nabilang ya
palabom ya maispiritual tan makalaman ya diad kaabigan mo
tan panangasim et ipagamor mod sikami. Kerewen mi pa ya
bendicionan daratay angkelag ya limam ya akatagey ya
mamindicion ed sansinakoban tan kerewen mi so tolong mo ya
angiter na gracia ed inkaogaw mo pian diad pangalig mid sika
ed mapaabeban ugali magmaliw kami met ya marintek ya
ogogaw et nagamoran mi so pakaloob ed nanariay tawen met ya
manliket ed masanton gloriam ya kaiba mi Virgin
Maria tan San Jose tan amin day Angeles tan Sasantos ya
mangatatawen iran oley, ed ando lan ando. Amen.
2. KUMADUAN ABONG
O sankasimpitan ya Ogaw a Jesus, makapabpaibeg so
impanengneng mon panangaro ed mangatatawen ya Amam ed
impanumpal mo ray amin a Masantos ya pilalek to. Linma ka ed
mondo ya manliknay irap tan ompatey lapud sicami ta sikatoy
3. gustoy Amam. Diad Jerusalem matoor mon ginawa ray kimey na
Aman anggan ansakit ed kaisipan mo lapud paga nen Inam tan
si San Jose. Talomploy taon Kan nanbilay ya mapaabeba tan
maamot lapud satan so labay na Amam. Kerewen min itdan mo
kamiy gracia ya panumpal min naynay ed labay na Dios tan diad
pangikaindan mid saray kaliktan mid sayan bilay, naalmomimet
lan lamangiray amin ed bilay ya arapen ya andianggaan. Amen..
3. KUMATLON ABONG:
O sankasimpitan ya ogaw a Jesus, say panangarom ed
sankasantosan ya Inam tan si Jose ya sakey ya aron aralem ya
anggapoy aron macapiolibay diad mundo, samay makaumildin
abong ed Nazareth anggaman pobre tan kulang ed saray dakel
ya inawa tan liket day mayaman et sakey ya Paraisodiad mundo
lapud uksoy na aroan na balang sakey ya miembro na satay
melag ya boleg. Itdan mo kami pay matabol a pangaro ed Inam
tan si San
Jose tan amin ya miembro na familia mi, onkana kami kumon
ya aroen da ed onsoblay ya bilay ed ando lan ando. Amen…
4. KUMAPAT YA ABONG:
O sankasimpitan ya ogaw a Jesus na Espiritu Santo, ari ray arari
nanbilay kan sakey ya ogaw o matotolok ed anggad
sankamelagan ya kerew day duaran pinalsa; Maria ya inam tan
si San Jose ya pinagka Amam. Itdan mo kami pay graciam
manbilay ya sitolok ed saray inter n adios ya manoley ed sikami
pian makapinabang kami ed planarian ed tawen ed ando lan
ando. Amen…
5. KUMALIMAN ABONG:
O sankasimpitan ya ogaw a Jesus, intepel mo ray inpanmodmora
tan masakit ya nanlapo lad inkianak mod Bethlehem. Impolisay
daka na saray totoon nilam ya panserbian, inanak ed kamarin
day ayep ya abeba nen say nianakan na sankaabebaan ed saray
ontombok ed sika, imparokol ed atotong anto ni kasi so gawaen
mon mangipanengneng na panagpaabeba. Picasi min itdan mo
kamiy gracia ya mangitepel ya andi esel ed saray panmodmora
tan pasakit pian lapud pangawat mi ed saraya diad bilay et
napaatagey kamied onsoblay ya bilay ed ando lan ando. Amen….
4. 6. KUMANEM YA ABONG:
O sankasamitan ya ogaw a Jesus, sika so nisumpa na amin a
pakayaridiad tawen tan diad dalin, nilabay mo balet so manbilay
ya mairap nanlapo lad inkaugaw mo. Si Virgin Maria tan San
Jose nibilang ira ed saray sankapobrian ya too ed Nazareth et
akibiang ka ed sayan kapobrian ed Espiritu ya onsian ed saray
kayarian diad dalin tan maliket kami ed andi anggaan tan mas
mabli ya kayarian ed sakey a bilay ed ando lan ando. Amen…
7. KUMAPITON ABONG:
O sankasamitan ya Ogaw a Jesus, nanlapu la ed inkaogaw mo
initdan mo kami na pangaligan ya pamabli ed kimey, kaiba ka
nen San Jose ya nankimey, ed andokey iran oras dimad
trabahoan toya anapan yon inagew-agew ya inkana tan maseseg
mon tinombok iman ya anapan tan diad patey nen Amam
sinosostonim si Inam ed kimey diad dilin limam. Itddan mo
kamiy gracian pamirbir mi ed tuan pagalang ed kimey diad
pankimey mi ed sayan bilay pian manpainawa kamin mareen ed
onsoblay ya bilay ed ando lan ando. Amen…
8. KUMAWALON ABONG:
O sankasamitan ya ogaw a Jesus, inpanengneng mo so maandon
olimek ed sinansakey, ed saray kakabusol mo ontan met ed
saray kakaarom, say sankasantosan ya inam tan say
pinagkaamam, sikay sankaolimekan tan sankatolokan ya anak.
Inawat mo ran nampapara ed olimek iray abeban pastol tan
ararin nanlapod bokig ya dinmago a mangiter na galang. Pikasi
min itdan Mo kami na olimek ed saray kaparami ran totoo pian
makapiolop kamid sika ya mangawat na tomang day matonong
ed panariay tawen ed ando lan ando. Amen…
9. KUMASIAM YA ABONG:
O sankasamitan ya ogaw a Jesus, intepel mo so sankabalgan ya
irap anggan diad inkaogaw mo balet ta anggapon ballot so
nangel ya imbalikas mon reclamo-kapobrian tan pankaukolan,
panamasegsegang day kabusol, kalamangan tan inkabaleg day
apilin totoon agda abirbir ya sika so anak na Dios. Amin iray tan
dakel ni so inanosan mon intepel lapud sikami. Kerewen min
5. itdan Mo kami pa na gracian mantepel ya andi esel, agmi
nabalang iray bendiciones Mo no ag ta naawat mi so tomang ed
saray pansobsobok pian manliket kame ed tawen ed ando lan
ando. Amen…
10. KUMASAMPLON ABONG:
O sankasamitan ya ogaw a Jesus, inkanam so gawam pananolong
ed amin leleg na maamot ya inpanbilay mod Nazareth. Say aron
inpagamor mo ed saray totood baley mo misimbangan labat ed
impangarom ed Virgin Maria tan San Jose. Itdan Mo kami pay
gracia ya mangaro ed kapara min totoo ed sayan bilay naitdan
kamiy tomang ed arapen ya bilay ya agmansampot no ag ingen
manando lawas. Amen…
PANANGISAMPOT YA DASAL ED INAGEW-AGEW
O ogaw a Jesus onapireng ak ed Sika diad panamegley na
masantos a Inam. Picsic ya tolongan mo ac pad sayan
nakaokulan ko (dia bitlaen so labay ya nagamoran). Mabiskegso
ilalok ya say inka Dios mo so mangiter na masantos ya graciam;
inaro ta ka ed intiron pusok tan pakayarik. Panermenan koray
kasalanan ko, isipoan koy agko la onsongpad sika. Manlapod
natan labay koy manlingkor ya matoor ed kablian mo. Lapud
panangarom o madivinon ogaw aroen koy kaparak a too a singa
siak a dili. O Jesus makapanyarin ogaw, oliten ko lamet so
pikakasik ya tulongan mM oak ed sayan pankaukulan ko. Itdan
mo ak pay graciam makapitipon ed sika ya kaolop koy Virgin
Maria tan San Jose ya mangigalanged sika tan saray Angeles tan
sasantos. Amen…
SAY BENEDICION
(Ateng ya laki, odino lider nay unit)
Say masanton ogaw a Jesus so mangisibuagkomon na Bendicion
to ed sayan abong tan sayan boleg ed ando lan ando. Amen..
KANSION ED SI JESUS
1. Maaron Jesus
6. Maaron Jesus, sobol na panangasi, Sikay bilay tan aro min
amin, akom payay lawas mogmon kerew mi, tan ag mo pa
komon ikaindan.
Ref.: Puson maaro, gawam pay puso mi, ya miolibay ed satay
simpit Mo.
Oy la kumon ta lawas maoyamo, so puso min manlinkor ed
sika tan diad nanarian mon andi angga, liket tan aro so
itumang Mo. Ref.
2. THE SWEETEST NAME OF ALL
Jesus, you’re the sweetest name of all.
Jesus you always hear me when I call.
Oh Jesus you pick me up each time I fall you’re the sweetest
the sweetest name of all.
Jesus. How I love to praise your name, Jesus you’re the first
the last the same, oh, Jesus, you died and took away my sin
you’re the sweetest the sweetest name of all.
Jesus, you’re the son and coming king.
Jesus we need the love that you can bring
Oh, Jesus, we lift our voices above and sing. You’re the
sweetest name of all…
3. COME HOLY SPIRIT
1. Come Holy Spirit we need you
Come Holy Spirit we pray
Come with your strength and your power
Come with your own special way
2. Come Holy Spirit we need you
Come Holy Spirit we pray
Come with your light and your guidance
Come with your own special way
3. Come Holy Spirit we need you
Come Holy Spirit we pray
Come with your peace and your love Lord
Come with your own special way
1. Gala masanton Espiritu
7. Nakakaukulan mika awit moy biskeg tan pakayarim
Dawes kad siak diad dilin langkap mo
2. Gala masanton Espiritu
Nakakaukulan mika awit moy silew tan
panangiwanwan mo
Dawes kad siak diad dilin langkap mo
3. Gala masanton Espiritu
Nakakaukulan mika awit moy deen tan panangarom
Dawes kad siak diad dilin langkap mo