Нээлттэй засаг, ухаалаг төрийг байгуулах суурь материал болох нээлттэй өгөгдлийг дэлхийн олон орон эрчимтэй үүсгэж эхэллээ. Энэ судалгаагаар Монгол улсад төрийн нээлттэй өгөгдлийг үүсгэх боломжийг өгөгдлийн ил тод байдал ба бүртгэлжүүлэлт, хууль эрх зүйн чадамж, технологийн боломж зэрэг гурван талаас авч үзсэн. Судалгааны үр дүнд нээлттэй өгөгдөл хангалтгүй, хуульд тусгагдаагүй хэдий ч нээлттэй өгөгдлийг үүсгэхэд мэдээллийн технологийн орчин бүрдсэн зэргийг харуулав. Мөн энэ ажлаар санал болгож буй зөвлөмжүүдийг шуурхай хэрэгжүүлж төрийн нээлттэй өгөгдлийг үүсгэх боломжтой юм.