1. Эрдмийн зэрэг хамгаалуулах үеэр эрдмийн ажлын удирдагч дэд профессор
С.Наранчимэг докторант Дашнямын Солонгын талаар хэлсэн үг
2012.10.18 ны 14.30-14.35
Докторант Дашнямын Солонгын эрдмийн бүтээлд цаг заваа гарган үнэ
цэнэтэй шүүмж хийсэн профессор Р.Отгонбаяр, дэд профеесор З.Гэрэлмаа нарт
болон эрдмийн ажлыг шүүн тунгаан хэлэлцүүлж ач холбогдолтой асуулт асууж,
санал зөвлөмж өгсөн эрдмийн зөвлөлийн эрхэм гишүүд та бүхэнд эрдмийн ажлын
удирдагчид, зөвлөхийн нэрийн өмнөөс талархаж буйгаа илэрхийлье.
Докторант Д.Солонгын талаарх товч танилцуулгыг хийхийг зөвшөөрнө үү?
1996 онд ШКТЭ-ийн ерөнхий сувилагчаар ажиллах тэр үеэс Солонгыг
таньдаг болсон юм. 2000-2001 онд сувилагч нар хүний биед хүрдэг, хариуцлагатай
ажил хийдэг мөртлөө хийсэн ажлаа бичиж тэмдэглэх батлагдсан баримт бичиг
байдаггүйг асуудал болгон дэвшүүлж, “сувилахуйн бичиг баримтын хөтлөлт”
сэдвээр сувилахуйн ухааны магистрын зэргийг хамгаалахад миний бие эрдмийн
ажлын удирдагчаар ажилласан юм. Өнөөдөр өвчний түүхэнд сувилагч хөтлөх 2-3
хуудас хавсрагддаг болсон нь судлаачийн магистрын ажлын үр дүн гэж хэлж
болно.
2001-2004 онд ШКТЭ-ийн Сувилгаа эрхэлсэн орлогч даргын албыг
мэргэжлийн өндөр түвшиж хашиж чадсан менежер, лидер хүн. 1999-2000 онд тус
эмнэлэг дээр шинэчлэл өөрчлөлт хийгдэж, хүний нөөцийн 60 аад хувийг эзэлдэг
сувилагч нарыг мэргэжлийн удирдлагаар хангах, нэгдсэн баг байгуулах ажлыг
эмнэлгийн удирдлага санал тавьсны дагуу нэг жил гэрээтэйгээр ажиллан, цаашид
сувилагч нар өөрсдөө удирдах ѐстой хэмээн Солонгоо шавьдаа ажлаа хүлээлгэн
өгч байсан юм.
Сувилагч хүн том эмнэлгийн орлогч даргын ажлыг хийлээ, тасгийн эрхлэгч
нартай баг болон ажиллахад үгүйсгэх, үл тоох зэрэг олон асуудал гарч байсан

2. хэдий ч Солонгын хүлээцтэй, тэвчээртэй, хүнийг хүндэтгэдэг, зөөлөн аргаар
ажилладаг арга барил нь олон бэрхшээлийг давж туулахад тусалсан юм.
2003-2009 онд МДИ, АУС-ийн Сувилахуйн тэнхимд үндсэн багшаар ажиллаж
ЭМШУИС-ийн 2-р курсийн 700 гаад оюутны үйлдвэрлэлийн дадлагыг, өөрөөр
хэлбэл анх удаа эмнэлэгт хөл тавьж буй энэхүү үйл ажиллагааг шинэ шатанд
гаргахад онцгой үүрэг гүйцэтгэсэн сурган хүмүүжүүлэгч, багш гэдгийг хэлмээр
байна.
Солонгын “Гэрээр сувилахуйн тусламж үзүүлэх мэргэжилтнийг бакалаврын
зэрэгтэй сувилагч нараас магистрын буюу мэргэжүүлэх сургалтаар бэлдэх“
асуудал дэвшүүлж байгаа нь нэг талаас хол хөндий, хэрэгжих магадлал муутай
сонсогдож байгаа ч хөдөө, орон нутаг баг, суманд ажиллаж буй мэргэжил нь бага
эмч, боловсрол нь дунд, хийж буй ажил нь эмчийн, авдаг цалин нь бага, өсөн
дэвжих шатлал байхгүй бага эмч нарын ажлыг судалгааны баг судалж явахдаа
АНУ-ын Сувилахуйн магистрын зэрэгтэй сувилагч буюу Nurse
practitionerийнхийж буй ажил үүрэгтэй дүйцэж байсан гэдгийг хэлмээр байна.
Өнөөдрийн хүн ардын хүсэн хүлээж буй зүйл нь зөвхөн онош тавьж эмчилгээ
бичих бус, эдгэрэн илаарштал асаргаа, сувилгаа хийж зөвлөгөө өгөх
мэргэжилтнийг хүсэж байна. Насжилт өндөртэй, сувилахуйн шинжлэх ухаан өндөр
хөгжсөн орнуудад энэ ажлыг магистрын зэрэгтэй сувилагч хийж гүйцэтгэдэг.
Хувь хүнийх нь хувьд доктор хүнд байх шударга, үнэнч, нухацтай, тууштай,
сэтгэлээсээ юманд ханддаг, хүмүүсийг хүндэтгэдэг, багаар ажиллах зэрэг олон
шинж, чадвар Солонгоо шавьд маань байдаг юм.
Ээжийгээ олон жил асран сувилж, мэргэжлийн өндөр түвшинд сувилагч
мэргэжлийнхээ мөн чанарыг өөрийн биеэр харуулж чадсан сайн мэргэжсэн
СУВИЛАГЧ гэдгийг бас хэлмээр байна.
Цаашид Солонгоо доктор хэмээх эрхэм хүндтэй цолыг өндөрт өргөж явах бүрэн
боломжтой сэхээтэн, багш хүн гэдгийг удирдагч багшийн хувьд бахархалтайгаар
хэлье.
БАЯРЛАЛАА!