Recension literaria morning star diego vilela 1bach a
1. Traballo feito por Diego Vilela Quintela 1ºBACH-A
Recensión literaria sobre Morning Star
A obra que tiven que ler este trimestre foi Morning Star, esta obra foi escrita
por Xosé Miranda e publicada en 1998, ata hoxe en día leva 16 edicións.
Destaca que gañou un premio Xerais.
Trátase dunha novela de aventuras ambientada e Galicia, en concreto na zona
de Pontevedra, xa que se nomea varias veces esta cidade e vilas do arredor. O
protagonista é un rapaz adolescente chamado Lourenzo Tasende. A obra
dividida en 8 partes con arredor de 4 capítulos cada unha, en total 31 capítulos.
A continuación redactarei un pequeno resumo sobre a trama principal da obra e
os seus principais personaxes.
Ao principio da novela, o protagonista conta como foi a súa infancia, tamén
conta que vive e traballa na taberna dos seus pais, que se chama “A Disputa”.
Nesa parte conta como se hospeda na taberna Lázaro Rivadulla, e que case
sempre esta bébedo, ademais o protagonista sempre fará a limpeza desa
habitación con Lázaro diante del vendo o que fai, xa que sempre pecha con
chave a súa habitación. A partir deste momento, comezarán a chegar
bandoleiros á taberna, e sempre estarán falando con Lázaro, ademais estarán
durante un tempo sen volver á taberna incluído ás veces o seu pai. Pouco tempo
despois, morre a súa nai, e lle dirá que non se xunte con Lázaro e que non siga
os pasos do seu pai. Pero Lourenzo formará parte da gavela, e comezará a facer
pequenas tarefas como pode ser o recoñecemento dos obxectivos aos que van a
asaltar. Neste parte saberá que hai unha banda rival dirixida por un portugués, e
ámbalas bandas buscan un tesouro que ninguén sabe onde está.
Un día chegará pola taberna un cura xunto a súa sobriña dende Lugo porque
van cobrar unha herdanza duns 600 mil reais. A banda ó saber isto organízase e
irán a atracar ao cura e roubarlle así a súa herdanza. Terán que ir ata un concello
próximo a Pontevedra, e cruzarán a ría en barca pola noite. Cando atracan ao
cura, o cura estará moi ben protexido con máis xente e escopetas, pero a banda
gañará e collerán todos os obxectos de valor. O importante é que a gavela vai a
violar ou matar á sobriña do cura, pero Lourenzo salvará a rapaza, que se chama
Helena, e fuxirán de alí. Estarán durante uns días no monte ata que os deixen de
buscar os membros da súa banda, durante a busca, Lázaro, que é o líder, matará
ao pai de Lourenzo. Cando pasa un tempo, Lourenzo e a rapaza irán ata
Pontevedra, e sorpréndense de que non hai gardas civís, debido ao levantamento
militar contra Narváez. Neste intre contacta cun cego, Campanachoca, e a súa
muller, que van de feira en feira gañándose a vida recitando poemas. Ademais,
2. Traballo feito por Diego Vilela Quintela 1ºBACH-A
estas persoas pertencían á banda rival, é dicir, a de Tomás das Congostras.
Pactan con eles que van ir ata Lugo a deixar a Helena, que lles dirá que é o
curmán de Lourenzo. No seu traxecto pararán en feiras de vilas galegas, e
destaca que ao parar en Santiago, atópanse coa guerra e coas tropas de Miguel
de Solís loitando. Logo chegarán a Lugo e deixarán a Helena xunto aos seus
familiares.
Regresarán a Pontevedra, para así non ser detido pola Garda Civil polo asalto á
casa do cura, e irán ata onde reside Tomás das Congostras, e lle dirá onde esta o
tesouro que tanto busca, xa que despois de longas investigacións por parte de
Helena e el, chegaron á conclusión de que estaba no pozo da casa da gavela de
Tomás. Destaca que o tesouro pertencía ao capitán Benito Soto do barco
Morning Star, que o descubrira polo cofre que gardaba Lázaro na habitación da
taberna. Cando recollen o tesouro, o levarán a Pontevedra o curmán de
Lourenzo e máis xente, xa que tamén pertencía á gavela. Lourenzo, Tomás e
máis bandoleiros serán atacados pola banda de Lázaro, e tras unha longa
batalla, Lázaro gañará e secuestrarán a Lourenzo para que lles diga onde está o
tesouro, Lourenzo despois de resistirse negocia con eles e lles leva ata onde
está. En Pontevedra loitarán contra os que gardan o cofre, pero a Garda Civil
lles deterá e irán ao cárcere.
Helena poñerase en contacto cos avós de Lourenzo, e o sacarán do cárcere.
Finalmente é libre e terminará casándose con Helena.
A verdade é que me gustou moito esta novela, xa que é de moita acción, hai
disparos, roubos e atracos, e para min foi unha novela moi interesante e
entretida de ler. Recoméndolla a toda a xente que lle gusta este tipo de libros,
porque penso que o vai desfrutar bastante e pasar un bo rato con ela. Ademais
poderá descubrir como é que funcionaban e traballaban este tipo de gavelas que
había en Galicia no século XIX, que seguramente non escoitara falar moito
delas, como é no meu caso.