3. Mulyo gokuresa yintokorwatjangwa yokulisiga-
siga yediwotango pakonakono:
1. Kudiva Eganotambo/ eganohoramo lyomutjangi.
2. Kulirongeramo omu ava tjanga yintokorwatjangwa yokulisiga-siga.
3. Kulirongeramo unkurungu wokukonakona yitjangwa.
4. Kugwana nokuzuvha yikaramo ya yeyi vana kuresa.
5. Varongwa kudiva omu ava tjanga nonkango deraka lyoRukwangali.
6. Varongwa kudiva nontumbwiso deraka lyoRukwangali.
7. Kunkondopeka ukonentu wovarongwa wokuresa. Nonkango zimwe asi kuninkisa
varesi va hare kuresa morwa vana diva omu ava resa pakonakono.
4. Koneka asi nsene varongwa woge va diva kuresa pakonakono, ngava diva simpe hena kugava nokonda
domulyo kuhamena buketjangero ezi vana kuresa. Yiyo yina karere hepero asi ngomurongi wa hepa
kuronga varongwa woge omu ava konakona nawa pakukwama nongendeseso dekonakono .
5. Nontambo edi atu vhuru kuruganesa ndi
kukwama nsene tatu resa pakana.
kuresa kuziguruka nomukumo.
kuresa nelituromo yipo asi yidivisoreseso yikwame nawa.
kuresa nawa nontumbwiso deraka.
kuresa pakuruganesa elindagurozwi nawa.
6. kuresa kuziguruka nomukumo
Nsene ta tu resa pakana yiwa unene kuresa nezwi eli lina kuzuvhika yipo asi nkenye
muntu ogu ana hamene mokuresa yipo a vhure kuzuvha nawa eyi yina kureswa.
Koneka asi wa hepa simpe kulikida asi ove kuna kuresa nawa nomukumozwi gomutaro
yipo o pire kuretesa po udwa kovapurakeni woge nanyamoge ove ono kuresa.
7. kuresa nelituromo yipo asi yidivisoreseso
yikwame nawa.
Epupumino kuresa kuretesa po epiro ekwatakano lyombudi ezi zina reswa. Diworoka
asi erwameno lyokugava mbudi, nye kapisi lyokumana usimbu kuresa. Sitambo
soyidivisoreseso kuninkisa muntu a ture mapwizumuko aga gana gwanene kukwama
yidivisoreseso eyi yina kara mositjangwa oso. Ngosihonena natuvenye twa diva eyi asi
rugana “sitwa” montanto. Aso kwa kara ngwendi simwe soyidiviso yomononzira eyi ayi
tuninkisa tu hageke kusinga siruwo songandi ntani tu twikira hena. Sitwa kuninkisa
muresi a ture mapwizumuko gongandi pokatji kokuresa komeho a twikire. Ano sipuliso
kulikida epuro montanto, ngo.ngo.
8. Kuresa nawa nontumbwiso deraka
Ntambo ezi kuninkisa muresi gediwotango a vhure kutumbura nawa nonkango deraka
moomu da divikwa asi yido nontumbwiso dado. Epukotumbwiso kugava etanto
lyopeke kovapurakeni. Ano nsene murongi ndi murongwa mwene a resa nonkango
pakuruganesa ntumbwiso nazopeke etanto kukara lyopeke lililimbike netanto eli lya
tjangwa. Mulyo unene kuresa nawa yipo o gave etantotumbwidiro lyomutjangi
kovapurakeni.
9. kuresa pakuruganesa elindagurozwi nawa
Elindagurozwi kwa kara sinakugwanesa somulyo esi na vhura muresi kuruganesa nsene
kuna kuresa yipo a rese ngwendi ta uyunga ntani yipo vapurakeni va dive nawa-nawa
mugendo gonontanto meraka lyoRukwangali. Epiro kuruganesa elindagurozwi
mouhunga kuretesa po epiyagana kovapurakeni. Ya ngesi simpe kuva ninkisa va
lipuragere kuhamena omu ava vhuru kutumbura nkangopukiso ozo mouhunga.
10. Yinakugwanesa yokuresa kuziguruka
Nontambo Ntumbwiso Mugedo Mukumozwi
Ntambo 5
9-10
Ntumbwiso zomutaro
zokuzuvhika nawa.
Kuresa nomugendo
gokuvyukilira.
Mukumozwi gomuwa sili.
Ntambo 4
7-8
Ntumbwiso nawa tupu,
nye mapuko masesu
Hamabara mugendo
muwawa tupu.
Mapuko gomasesu unene
gelindagurozwi.
Ntambo 3
5-6
Ehuro lyontumbwiso
hansa tupu.
Mugendo guna gwana
tupu.
Mukumozwi guna gwana
gu gave mbatero
komugendo.
Ntambo 2
3-4
Kuresa kapi kuna
kuzuvhika nawa.
Nontumbwiso kapi dina
kara domutaro.
Ana hepa mbatero
kuhamena omu na resa
nomugendo ogu guna
hungama.
Poyiruwo yimwe
mukumozwi guna li sigi.
Ntambo 1
1-2
Mapuko monontumbwiso
eyi nayi ninkisa mbudi zi
zuvhike mwapeke, ntudi
vafwaturure hena eyi
vana resa.
Kuresa nelitumangedo.
Muresi ana hepa mbatero
mokukeverera mugendo
apa ana kuresa.
Mukumozwi musesu ndi
mukumozwi gokulisiga-
siga.