3. Ngapi da wapera ku kara nobuketjangero
edi na rongesesa mitili varongwa vendi?
Ngomurongi ya kara unene hepero kuhorowera
varongwa woge yitjangwa eyi ya va fira kuruganesa
monontambondunge dawo. Ehoroworo kapisi likare
tupu lya nkenye eyi ono kulizuvha asi yiyo nava resa
nye yi li ze nomapupi gawo. Nomunye ngesi tuzeni
tu tare asi ngapi omu ya wapera ku kara yikaramo
yonobuketjangero dawo.
38/22/2017 Mugolikadi Reino
5. Mukare yegameno mokukara nonondunge
Ngomurongi wa kara nosirugana sokutarurura nobuketjangero
omu nohorowera varongwa woge ava vana kulironga eraka
lyoRukwangali nobuketjangero edi dina kufumbura egameno
kuhamena omu nava vhura ku kara nonondunge. Mudinkantu
ogu a likida ukaro wouwa kureta mfumwa kovakondi vendi
yimo tupu nontundiliro zawo.
Sihonena: nsene varongwa va resa kuhamena efumadeko, awo
simpe kuvhura kulironga omu ava kara nonondunge
mononkaramwenyo dawo novakwaawo kumwe novakurona
nkenye.
58/22/2017 Mugolikadi Reino
6. Mukare yeharo
Buketjangero zokusimwitira yikaramo eyi yina
hama keharo kunkondopeka varongwa va pire
kulitavagana mononkondwarongero omu vava
tura omu va kara asi sinzi sawo kapisi
valitundakani ntani simpe kuninkisa varongwa
va kare neharo novakwaawo.
68/22/2017 Mugolikadi Reino
7. Mukare yoyizoresa, yokuherenzenza
Varongwa womapupi 10-12 kwahwa ngano ku kara asi
awo kwa hafa, nye poyiruwo yimwe tokanongonona asi
murongwa gumwe ndi sinzi konyara kapi va kara noyipara
yokunyanyuka , eyi kuvhura ku kara asi momapata aga
ava tundu kwa kara mo makotjangano aga gava ninkisa va
kare ngwendi ngoso. Ano nye nsene va resa
nobuketjangero edi da kara noyizoresesa tadi va hungu
mwenyo nokutura ruhafo moyipara yawo.
78/22/2017 Mugolikadi Reino
8. Mukare yokuhamena ufuuli, mbeyo
Erongo eraka kapisi kuronga yikaramo
yoRukwangali yelike, nye moomu tuna kuresa
yikaramo yonobuketjangero omu vana
kusimwitira kuhamena ufuuli nombeyo,
varongwa vepupi 10-12 kugwana mo mbudi
kuhamena omu ava tungu nombeyo kumwe
nokuhara kukara noufuuli.
88/22/2017 Mugolikadi Reino
9. Mukare yopampepo ndi youkriste
Eyi kwa kara mulyo unene, morwa varongwa va hepa
kudiva musiti gwawo nomugava hara unene awo va
kare nehuguvaro mwendi, asi mwendi mwelike tava
vhuru kugwana uvando wakahura ko. Varongwa apa
vana kuresa nobuke dangesi kuvaninkisa vanongonone
asi mulyo unene kudiva nokukwama Sankendengere
ntani yiwa unene ku kara mupuli nomukwami gokupira
kutjandjauka.
98/22/2017 Mugolikadi Reino
10. Mukare yomalihuguvaro
Nobuke edi adi fumbura kuhamena malihuguvaro
kuninkisa varongwa va lihuguvare-huguvare
moyituvadara yawo yomomarongwa. Sihonena:
nsene murongi ana gava siviyauka esi nasi vhura
kuruganwa monombunga varongwa ku yi hafera va
ruganene kumwe morwa va diva mulyo
gokuruganena kumwe awo hena va li huguvara-
huguvara. 108/22/2017 Mugolikadi Reino
11. Mukare yopampo
Mpo kwa kara sininke somulyo unene esi asi ninkisa muntu va
mu dimburure, unene po mwetu ose vasovagani. vaAfrika kwa
huguvara monompo dawo unene. Ano nobuketjangero edi adi
simwitire mpo kunkondopeka epuro lyovarongwa eli va kara
nalyo nare kuhamena nompo dawo yimo tupu hena nomokudiva
nompo dovakwaawo dokulidsiga-siga kumwe nokuditambura
ko. Nobuketjangero da ngesi simwe kuzakura ko murongi
mokuronga nompo ngerongwa pamundinda.
118/22/2017 Mugolikadi Reino
12. Mukare yokuhamena yopangesefa
Ngesefa kuninkisa vantu va paruke. Ano nobuketjangero
edi adi simwitire kuhamena yopangesefa kugava efano
omu nayi vhura kufwaturukira varongwa asi nani mulyo
unene kurugana ngesefa. Koneka asi ngomurongi apa ono
kuhorowora buketjangero zorupe oru kapi zina kara
noyikaramo eyi yina kusimwitira unangesefa worupe
rorudona, ngwe.a. kuvaka nongombe, kurandesa makanya
ndi ukakorora, ngo.ngo.
128/22/2017 Mugolikadi Reino
13. Mukare yelitungirofano
Horowora nobuketjangero edi nadi vhura
kuninkisa varongwa va litungire mafano
koyikaramo eyi vana kuresa. Eyi yangesi
kuninkisa varongwa va hare kuresa yireswa
yokulisiga-siga.
138/22/2017 Mugolikadi Reino
14. Mukare politika zokupira kuhandukisa vantu
Nsene to horowora buketjangero zokufira
varongwa womapupi 10-12 wa hepa
ngomurongi kudiva yikaramo yazo kumwe
nokunomena politikasimwitirwa asi za ha
handukisa si vantu ndi varongwa va zuvhe asi
kuna kuvaninkilira mo.
148/22/2017 Mugolikadi Reino
15. Mukare yomadayura
Varongwa vepupi 10-12 kwa hara unene nomuteu.
Buke ezi zina kara noyikaramo yomadayura kuva
ninkisa va zi hare kuziresa, posiruwo sooso simpe
hena awo tava kwama nawa yikaramo yobuke
kumwe nokuyikoneka nawa, morwa tava diworoka
madayura aga vana resa. Varongwa vamwe kuvhura
simpe hena kuga lisindisa.
158/22/2017 Mugolikadi Reino
16. Mukare yoyita
Esimwitiro yita monobuketjangero
kuninkisa varongwa va dive eyi ya horoka
kumwe nokudiva omu ya genda dogoro
sirongo setu si manguruke. Ediworunyando
oru va pita vakuronavawo kuvaninkisa
simpe hena va kare nefumadeko kumwe
nehuguvaro movakurona vawo.
168/22/2017 Mugolikadi Reino
17. Mukare youdinkantu
Varongwa womapupi 10-12 kwa hara unene kupurakena
nokuresa (ko)yininke eyi ya va hama. Nsene o
horowora buke ezi za simwitira kuhamena eyi ayi
horoka momaparu gawo ngovadinkantu, siho. egwano
mazimo nounona-nona, kukoka makanya, mutomonono,
kugenda sure, kugwana nonzapo, ngo.ngo kuva
ninnkisa va lirongere mo marongo gokulisiga-siga
kuhamena omu ava vhuru ku kara ngomudinkantugona
monkaramwenyo.
178/22/2017 Mugolikadi Reino
18. Siviyauka seliyombereso
Konakona kumwe nokuhorowora
yintokorwatjangwa yokuwapera
wontambondunge 4-7. Morwasinke ono
yihorowere?
188/22/2017 Mugolikadi Reino