4. Efwatururo lyombuyungofano
Nombuyungofano yido
eruganesoraka panonkedi dokulisiga-
siga asi muntu o vhure kuzeresa esi
ono hara kutanta, yipo asi muresi ndi
mupurakeni a mone paureru efano eli
gana ku mu pa magazaro goge. Marudi
gombuyungofano manzi unene. Yisewe
nonomuse nayo ruha rombuyungofano.
8/22/2017 MUGOLIKADI REINO 4
5. Yitja yokulisiga-siga yomutaro
mokukonakona
sintokorwatjangwa.
1. Yisewe: Yihonena yimwe
a. ( Simutwe) sa dwere mbamba, kusidimburura
mundambo.
b. Kuwoko kumwe kapi a ku pandura udano.
c. Nyiki kapi azi tura nosinsira.
d. daNamulya naNamulya, daKapara kaNantinda,
domuzo nomuruguro.
8/22/2017 MUGOLIKADI REINO 5
6. e. Rera vanyime komungura ngava ku lye.
f. Singomba kwa muharera komenya, nye nyama
zendi ururu.
g. Hwika mpire, o mone ntene.
8/22/2017 MUGOLIKADI REINO 6
7. h. Mazego yisupa, marungu nyama zovantu.
i. Kagoma mbetakuvali.
j. Karambo kampunza, kukongorora makuvi
gomanzi.
k. Singurukutu kapi asi lizuvhu edumba lyasene.
l. Wa ha hambwira pemanya, alyo erva lyeli.
m. Kavagara tjava nawa, wa ha za nongumbu za
wova.
8/22/2017 MUGOLIKADI REINO 7
8. 2. Nomuse: Yihonena yimwe
a. Ekoro lyankuvi ( lyokugwanekera perambo).
b. Kanona komokasavi ( nzara0.
c. gwaKapango kaMukuve ( Mukwangali).
d. Naina to si mono esi ga mwene mbwindi
momuduva ( To mono udigu).
e. Naina to mono sokupwa (To mono udigu).
f. Mvhura zoutumbi ( mvhura zonombadi).
g. Mukunda guna mu gunana ( Mukunda guna mu
nyenge).
8/22/2017 MUGOLIKADI REINO 8
9. h. Pomuliu vana tara ( Ta hara kudogoroka).
i. Ana tjida nombambi ( Ana dogoroka).
j. Ta li sigoro sonkombo ( Ta li, age kuna
hingilisa konyonga).
8/22/2017 MUGOLIKADI REINO 9
10. 3. Efanekeso
Sininke simwe kusifaneka nosikwawo esi sa lisiga
naso, nye kwa kara nomalizokumwe monkedi
zimwe. Montanto zangesi kuruganesa mo
nonkangokwatakanesi ngwendi, nga/ ngo.
a. Mukadi ta tende nongongo ngwendi
mbangura.
b. Mugara ta nokora kumina ngwendi nkororo
ana kumina eputu.
8/22/2017 MUGOLIKADI REINO 10
11. c. Muswamane ta pundauka kugenda ngomuntu
gokukorwa.
d. Mukwetu nage kuna musindi ngame.
e. Yimuna yendi kuna likana po nu ngayange.
8/22/2017 MUGOLIKADI REINO 11
12. 4. Etumbwisofano ( metafora):
Metumbwisofano namo kwa kara mo efaneko, nye
kwa vanda ( Kwa horama). Mevega lyokufaneka
sininke simwe kosikwawo, muuyungi kutumbwisa
tupu siuyungwa nedina lyesi sa si fana:
a. Muduni komakunde sikombo sa lipwira.
b. Hausiku mbanze, nokumutura si mositora.
c. Mbwa zendi mpepo.
d. Nonkango daKarunga ramba zomonzira zeguru.
e. Vagendesi wositora yido nongundi dorudi.
8/22/2017 MUGOLIKADI REINO 12
13. 5. Eperesoneko
Eperesoneko nalyo rudi rometafora, ano mwalyo
muuyungi kugava ndi kutumbwisa nkareso zopantu
koyininke yopagano ndi kweyi ya hana mwenyo:
a. Ezuva lina ka hwilira mononguwo dalyo ( lina zi
momaremo).
b. Mbanze saSimbungu kwa kere kousita.
c. Nyime nEkuvi kwa likwete ukwawo.
d. Ezimo lyange kuna kukuga ( nina fu nzara).
e. Ezuva tali tu zunzu momaremo.
8/22/2017 MUGOLIKADI REINO 13
14. 6. Ezapuko
Mbuyungiso ezi kuziruganesa nsene muntu ha wa
za mokuuyunga, mokatji keuyungo to tura mo
ntanto ndi epuro komuntu gomukalipo ndi
gomupilipo:
a. Ngandi kuna mulire momeya-meya- ano ove
ono yi rugana eyi kapi yina kukukora
komutjima ndi.- nye Hompa munongo , nga
mu gusira po eyi ga zona moupirankondo
wendi wopantu, nga mu hengagwide.
8/22/2017 MUGOLIKADI REINO 14
15. b. Masiku mudima kapi tuna rara, Morwa nzogera –
one nyamweni one o mu zogerere ngesi vantu,
kapi mwa paka nonzugo dokurara ndi? – neyi
nina kuza koyirugana, nomusi tupu ni rugana.
c. Katu rorokere kukambadara kugusa po udigu
wetu – ove yinke ko dilire kutukwafa? - nye
kau tu vhulire.
8/22/2017 MUGOLIKADI REINO 15
16. 7. Etemwininohagaro
Nonkangorugano ndi nkangodina kuliza
nonomuhagaro ndi mazwi aga a zuvhu mupurakeni:
a. Mvhura kuna ndunduma oku tazi duka
moupumezuva.
b. Etjeketjeke kuna kuteremba peguru lyononzugo.
c. Etuwa ( etukutuku) lyendi forta.
8/22/2017 MUGOLIKADI REINO 16
17. d. Embakumbaku tali tutu yitji.
e.Mugara ta siki mburumbumba asi, “
mburumbumbu- mburumbumbu, nyame kahupa ani
pyopi, kagoma ni mburumbumbe!”
8/22/2017 MUGOLIKADI REINO 17
18. 8. Etantururo
Monontanto dangesi kurugurura mo nonkango ndi
nongweda, unene dokulisiga-siga, nye domuhagaro
googo ( gokulifana):
a. Omama, Situngu, kuna tunguka mugongo
pokutunga esasa lyawo.
b. Sigweda ana gwederere ko hena komakongo
gendi.
c. Petu ta patana asi patupu poto pepata lyawo.
8/22/2017 MUGOLIKADI REINO 18
19. 9. Malizondandazwi
Monontanto omu muna kara nomuhagaro
domalizondandazwi kukara mo muhagaro
gondandazwi zoozo ( kapisi ndandazwi, nye
muhagaro gwazo) mononkango dokulisiga-siga:
a. Haita kuna paindisa nayinye nomagadi
gokuwapaikisa yikungu.
b. Naita kuna rugana naina harutaima.
c. Zauka o ya vatuke naRauna!
8/22/2017 MUGOLIKADI REINO 19
20. 10. Elimbakaneso
Elimbakaneso yilyo eyereko lyonkango ndi egazaro
limwe kekwawo monkedi zokuninka asi malilimbo ga
bubuke:
a. Pokulya mukoli, nye poyirugana mudwa.
b. Mokuuyunga mupongoki, nye yirugana yendi
yousatana.
c. Ndingi lya kura komutwe, komaguru simpe ali
nyanga.
8/22/2017 MUGOLIKADI REINO 20
21. 11. Elimbakaneso lyekehu
Monontanto delimbakaneso lyekehu kugwana mo
nonkango donontwe, dokulyenga ado nonsupi,
dokuza komakehu ( omu namo kwa kara mo
elimbakaneso lyekehu):
a. Nkenye muntu kwa hara kupukura pevhu, nye
nagumwe si ga hara kukurupa.
b. Koyirugana kumusininika, nye pokulya
kupupumina!
c. Gokuyirugana gumwe, nye wokuyilya vanzi!
8/22/2017 MUGOLIKADI REINO 21
22. 12. Epwakanesonkango
Mombuyungiso ezi, muuyungi kuruganesa
nkango zokuta pavali menome lyokuninka asi a
pwakanese mupurakeni, ni.a. mupurakeni ta zi
zuvhu monkedi peke, kapisi moomu ana zi
Gazara muuyungi. Pamwe kuyininkira
mokuhara kuzoresa, ano pamwe
mokusengerekeda.
8/22/2017 MUGOLIKADI REINO 22
23. Yihonena yepwakanesonkango
a. Hoveni tanko kunwa mo one vakondi, ntani natu
nwa mo nose.
( Muuyungi ta gazara mukurona gokulitateka!).
b. Wa ha ninka mutwiku a kua ku retere posa, ta ka
Zumba nombilive doge. ( = Muntu ga hana kudiva
kuresa).
8/22/2017 MUGOLIKADI REINO 23
24. 13. Erumbarumbonkango
Merumbarumbonkango omu, muuyungi kuruganesa
nonkango mbali dokudira kuliza, mokuhara
kupameka ntanto zendi:
a. moKavango namumvho ta mu kara nzara zokufa
nokutara.
b. Mukongo nyime ana mu vyokere yiyo ana fu
nsika.
c. Mukadona kwa kara noudwa wokunukuruka.
8/22/2017 MUGOLIKADI REINO 24
25. 14. Mbuyungondimbakaneso
Mbuyungo ezi nazo kwa za kombuyungiso
zombuyungondimbakaneso, nye malisigo gado kwa
kara mononkango donontwe dononsupi nomagazaro
gokulilimbakanesa ( gokulitanganesa). Azo hena
ndimakaneso kulipatana zene montanto:
a. Ogu a gazara asi kapi a tura nzo, yige
guhyanonzo!
b. Mugara kuna gana asi nga lifira kufa!
8/22/2017 MUGOLIKADI REINO 25
26. 15. Esemeneno
Mombuyungiso ezi muuyungi kutumbura suma
sokulilimba nesi ana hara kutanta:
a. Suta ngwendi kegogwa vana zi tulike, ano li kare
ezuru lyendi ngwendi papa ava hetere nombu:
mugara gosi kouwa! ( = mugara mudona
unene!).
b. Kapi tupu wa kara nonondunge! ( = evaya lya ka
hura ko!)
8/22/2017 MUGOLIKADI REINO 26
27. 16. Esandu/ ekehu
Mombuyungiso ezi muuyungi kuvyukilira kutumbura
suma sokulilimba nesi ana hara kutanta:
a. Sizuru sendi kwa dyamuka, yiyo ana kuuyungira
momazuru!
b. Nzugo zendi za mu wapera, sinyongo soyinguru!
c. Nzugo kwa nyata ngwendi gogu a rara
nononhunhwa!
8/22/2017 MUGOLIKADI REINO 27
28. 17. Mbuyungosenzereko
Mombuyungiso ezi muuyungi kupura/ kulimburura
ndi kuuyunga kuhekereka kombinga zeyi ana hara
kudiva, aga ga hana kuyitumbwilira. Nesengerekedo
mo li li:
a. Kani zuvhire munkuwira asi yoge koSidiema (
CDM): yosili ndi yimpempa?
8/22/2017 MUGOLIKADI REINO 28
29. b. Ezuvake nomu katuka mu ze koUkwangali? ( Ga
hana kuzuvha asi tatu zi koUkwangali! Ta
senzereke kupura a divilisire mo).
c. Vakadi vamwe, sinene a pira po mugara gwendi,
makura ta kara ndembenge/ sikumbu!
8/22/2017 MUGOLIKADI REINO 29
30. 18. Mbuyungosengo
Ezi mbuyungiso zokudira kutumbura suma kedina,
nye kusitumbisa koyininke peke eyi ya si hama:
a. Pena ( = mutjangi) nonkondo unene kupitakana
rufuro ( = mukwayita).
b. Popyera ezana ( = evega lya hana vantu
wovanzi), sihwa ( = mbunga zovantu) mugeni.
8/22/2017 MUGOLIKADI REINO 30
31. 19. Mbuyungosesupiko
Mbuyungiso ezi nazo foroma zombuyungosesupiko,
nye mevega lyokutumbwisa suma kweyi ya si hama,
kutumbura ko ruha rumwe royininke eyi zina
tamba:
a. Tu pa ko naina mboroto zetu zankenye ezuva
( mboroto = nayinye eyi atu li mezuva).
8/22/2017 MUGOLIKADI REINO 31
32. b. Peni nge ko kavagara ni ka terekese ko
( kavagara = yitare)
c. Epopora lyovanzovhu pwetu lina gurumukire
(=vanzovhu wovanzi).
8/22/2017 MUGOLIKADI REINO 32
33. 20. Nonkenga
Nonkenga edi kudiruganesa muntu pokutumbura
suma monkedi zokusipepura, si dire kuzuvhika
yoyidona momatwi gomuuyungi:
a. Nina rugana epuko ( = nian tura nzo).
b. Jeremia ana hulisa ugenda wendi wepevhu ( =
jeremia ana dogoroka).
c. Oguhwo lya twara embungu ( = oguhwo va
dogoroka).
d. Johanna ana mono munona ( =Johanna ana
hampuruka munona).
8/22/2017 MUGOLIKADI REINO 33
34. 21. Mbuyungonunupiko
Enunupiko lyombuyungiso ezi, yimoneka tupu,
zene- zene kwa tamba kunenepeka ( kuapmeka).
Azo kuruganesa nonkangopatani, yimo ali moneka
enunupiko, nye nani kwa tamba kunenepeka (
kupameka):
a. Vana mu tjida sa moyirugana, Morwa kufaura-
faura, vagaviyirugana kapisi vagova.
8/22/2017 MUGOLIKADI REINO 34
35. b.Mukurona kapisi mugova, asi a tarerere vana
vendi va hendauke sure!
c. Age yige mugova a ka vake, awo vantu kuna
kumutara?
8/22/2017 MUGOLIKADI REINO 35
36. 22. Euyungopitakaneso
Meuyungo lyangesi, muntu narunye kugwederera ko
damwene kousili, dogoro usili wene ngwendi o tante
asi, “ kuuudivilira mo”, nye age mwene kapia a
tamba kutanta yimpempa, kwa hara tupu kugava ‘
Mukumo’ kononkango dendi. Tara Yihonena eyi
konhi:
a. Tu popereni, tuna fu nzara, twa hura kumakera
nondya sivike sina!
b. Sirongo mudima/ ndi uzuni mudima wa diva
upote woge!
8/22/2017 MUGOLIKADI REINO 36
37. c. Nonzugo domositata New York, moAmerika, kwa
ka twa komaremo ( = dene-dene nonde unene, nye
kapisi sili kwa ka twa komaremo).
8/22/2017 MUGOLIKADI REINO 37
38. 23. Mbuyungotjayameko
Mobibeli, unene moMapisarome, kwa zura mo
Yihonena yombuyungiso ezi. Mononzumo namo
kutumbura egazaro lyoolyo nononkango dokulisiga-
siga:
a. Karunga kuunga, Mukisi kupumagura.
b. Kukurupa kutenga, kumena rumvhi ruhepo.
c. daNamulya naNamulya, domuzo nomuruguro,
daKapara kaNantinda.
d. Kapi mwa pyopya naKarunga, mu uyunga
naSuku.
8/22/2017 MUGOLIKADI REINO 38
39. 24. Efanekodina
Efanekodina, kuruganeswa unene kombinga
zovantu. Po ve li vantu vamwe ya fumanena Yuma
yongandi ( moBibeli kwa zura yihonena yangesi:
Rubena, mbeli zaJakopo; Benyameni, nsiraura
zaJakopo: muharwa; Mosesa: mupoperwa konomfa
dokomema; Goliata egara lyetundusika; Ndafita :
muhondedi gomulitezuruli; Betseba: mukadi
gomuhurukutu, gomurunde; Jeremia: munehudi;
Mangadarena: sikumbu somulitezuruli; Judasa
Iskarioto: muhorowoli, murio=unde; Tomas
musinganyekipuro.
8/22/2017 MUGOLIKADI REINO 39
40. Koneka asi pokutumbwisa muntu edina lyagumwe
govantu ava tuna tumabgura, kuan kutanta asi
sikara somuntu ogo vana pe edina lyomuntu gwina,
kuna lifana nosikara esi sa fumana ndi nava
tumbwisa ogo: ngwe. a
8/22/2017 MUGOLIKADI REINO 40
41. Yihonena yefanekodina…
a. John Bulla kwa tompwere unene moyita youzuni
yauvali.
b. Sinsinsina saAkilles soVakavango wovanzi,
kunwa.
c. Veta zopanomuhoko kwa tokora asi vaJudasa
kuvatokwera konomfa ndi kodorongo zoukaro
mudima. Ngo.ngo.
8/22/2017 MUGOLIKADI REINO 41
42. 25. Mbuyungotwikiro
Meuyungotukwiro lyangesi, muuyungi kutamekera
kosuma sa hana Mukumo, makura ta rondo a
tumbagure yuma momalikwamo gayo gomukumo,
dogoro ta ka gwidira kwesi sa pita nayinye
momukumo. Poku ka sika posinema oso, ngwendi
gogu ana siki pomatukwiro, yipo tuna kuzitumbura
mbuyungiso zorudi rwangesi asi mbuyungotukwiro.
8/22/2017 MUGOLIKADI REINO 42
43. Tara kosihonena oso va gusa moBibeli: mutumwa
kwa tanterere heli asi, “ Vaisraeli kuna duka
Vafilisiti, vakwayita hena vanzi vana fu. Ano vana
woge, oHofni naPiniasa nawo vana fu, noSikesa
segwanekero lyaKarunga naso vana twara.
8/22/2017 MUGOLIKADI REINO 43
44. 26. Epuro lyoretorika
Epuro lyoretorika epuro eli a pura muuyungi ndi
muudisi age ha ga za mokuudisa. Epuro kutamba
vapurakeni, nye mupuli kapi a va harere
kumulimburura poopo, age kuhara tupu kupindura
magazaro gawo kombinga zeyi ana kuhara
kuvatantera.
8/22/2017 MUGOLIKADI REINO 44
45. Muuyungi ndi muudisi kuvhura kuoura ngesi:
a. “ Wolye vahepwe/ vanaruhepo mokatji ketu!” (
kuna hara kulikida ruhepo rosily).
b. “ Munona gupi?” ( muntu ogu ga zona, makura
vana kumugamena asi Morwa unona wendi).
8/22/2017 MUGOLIKADI REINO 45
46. 27. Etetaguronkango
Mbuyungiso ezi kuzidimbwilira meteteguro ndi
evatuko nonkango dimwe pokuuyunga, nye
muuyungirwa ndi muuyungiswa ta zuvhu tupu.
Yihonena nayi zeresa nawa:
a. Petu,, nongombe! ( Petu, tara nongombe dina zi
mepya, duka o ka di guse mo!)
b. Ezoka komeho zoge! ( tara ezoka olyo komeho
zoge!) ngo.ngo.
Mbuyungiso ezi kuziruhganesa unene moforoma
zompipangero.
8/22/2017 MUGOLIKADI REINO 46
47. 28. Erugururo
Murugururo muuyungi kuhara kunkondopeka
nonkango ndi Sirugana sendi:
a. Na zigida na zigida, komangarwe ntani ana
kupura asi, “ A!”
b. Yirongo noyirongo na genda, nye kapi na mona
rumwe yokufana ngesi!
c. Kwa rugana ga rugana, yiyo ya mu tungika.
d. Mukurukadi kuvera a vere yiyo ga tongama.
8/22/2017 MUGOLIKADI REINO 47
50. Edina lyobuke/ siparatjangwa
sosireswa
Moruha oru kutjanga mo tupu edina lyobuke ezi
vana kukonakona/ ezi vana kupe o konakona.
Koneka asi nsene to konakona sitjangwa sosisupi,
ruganesa siparatjangwa sosireswa.
8/22/2017 MUGOLIKADI REINO 50
51. Edina lyomutjangi
Moruha oru kutjanga mo Edina lyomuntu gatjanga
buke zezi. Edina lya hepa kulitjanga kulitjiwilira.
Siho: D.Nakare
8/22/2017 MUGOLIKADI REINO 51
52. Vadani
Moruha oru kutjanga mo vadani navenye ava va
hamena mo mobuke konakona kumwe nokulikida
asi nkenye mudani mudani musinke. Sitambo
musinke esi na karere mo mobuketjangero ozo
kukwama yituvadara yendi nomu ali tambasane
novakwaawo mesanseko. Nkondopeka nokoda doge
noyihonena yomobuke konakoni.
8/22/2017 MUGOLIKADI REINO 52
53. Sihonena: Kotokeni zaHaitana yige muradi
gomobuke ezi, morwa nkenye sipimpo somombapira
nage gatumburwa mo. Sihonena soyipimpo:
Kotokeni za Haitana ana ka siga nongombe yiyo ana
ka za kosure, ngo.ngo
8/22/2017 MUGOLIKADI REINO 53
54. Rupe rontjangeso ( Mutjangi)
Ruha oru kwahwa kusingonona asi rupe musinke
rontjangeso oru ga ruganesa mutjangi apa ga
tjenge yikaramo yobuketjangero zendi kumwe
nokugava umbangi wonontanto edi ga ruganesa
mokuditjangurura kuruganesa euyungopuru. Ni.a.
mutjangi kwa ruganesa mutjangi gopomurwana
gokuhova. Eyi kuna yi mono Morwa mutjangi kwa
ruganesa “ame”.
8/22/2017 MUGOLIKADI REINO 54
55. Mutjangi kuvhura ku kara
gumwe gwavava:
i) Mutjangi gokulihorwera mwagumwe govadani.
ii) Mutjangi gopomurwana gokuhova
iii. Mudimbuli/ mudivisi
8/22/2017 MUGOLIKADI REINO 55
56. Evega
Nkenye sihorokwa esi vana kutjanga ndi vana
kusanseka, kuhorokera pevega lyongandi. Tjanga
oku sa horokerere oso simpimpo sobuketjangero ezi
ono kukonakona. Koneka asi paudivitjangototo
evega kwa li hangura momaruha ogo gana ku
kwama ko:i) Ruharopasirongo; ii) Ruharopapolitika
iii) Ruharopankarapamwe; iv) Ruharopaungawo
( payikweparu)
8/22/2017 MUGOLIKADI REINO 56
57. Kukwama muruha gevega. Lipi lyo po eli ga
ruganesa mutjangi ntani Morwasinke ono
kuuyungira ngoso. Gava nokonda doge
pakuyimbangiparera omu no ruganese yihonena
yomobuketjangero.
8/22/2017 MUGOLIKADI REINO 57
58. Siruwo
Kukwama buketjangerokonakoni siruwo musinke sa
horokere oso sipimpo. Siruwo kusidimbwilira
komudwaro govadani vemesanseko, yirugana eyi
vana kurugana, mukarompepo, ndi sienna ndi
kwendi, ngo.ngo. Diworoka kutjanga hena asi
yisinke yina kukuninkisa asi oso siruwo ono tjanga
yipo sa horokere sipimpo. Gava umbangi wokutunda
mobuketjangero.
8/22/2017 MUGOLIKADI REINO 58
59. Etwaromo
Ruha oru kugava efano asi yisinke ono ku za o ka
konakona nani.
8/22/2017 MUGOLIKADI REINO 59
60. Malitatano
Ruha oru kulikida nawa- nawa omu gana kutameka
malilimba-limbo. Eyi narunye kuhoroka pokatji
kovadani vemesanseko.
8/22/2017 MUGOLIKADI REINO 60
61. Matukwiro
Apa malitatano gena kaga monayika gana pi.
Maudigu nagenye gana monekerere. Nayinye eyi
kayi kara mehoramo yina wiza poruzera. Likida omu
makondjasano gana turwa poruzera. Nkenye apa wa
hepa simwitira pausupi matukwiro goge, nye mbudi
zi zuvhike nawa-nawa.
8/22/2017 MUGOLIKADI REINO 61
62. Maligwasano
Ruha oru kukohonona po udigu una kau moneka
momatukwiro. Vanzoni na vaava va zonena kuligwa
kumwe yipo va gwane ekohonono po lyomaudigu
aga vana kara nago.
Wa hepa kulikida maligwasano gobuketjangerwa
moomu gana horoka.
8/22/2017 MUGOLIKADI REINO 62
63. 11.Ehageso
Ruha oru narunye kukara egozo lyesanseko, omu
mukonakoni ana kugava Ekamo lyosirugana
sobuketjangero zendi.
8/22/2017 MUGOLIKADI REINO 63
64. Eganotambo
Ngomukonakoni wa hepa simpe kudiva asi erongo
musinke lina pitire mo apa koresere na pa ono
konakona buketjangero ozo. Tjanga eganotambo
lyobuke tjangero kumwe nokulinkondopeka
noumbangi wokutunda mobuke tjangero.
8/22/2017 MUGOLIKADI REINO 64
65. Siviyauka seliyombereso
Mombunga dovantu vatano. Konakoneni sitjangwa
sosisupi sosiparatjangwa: “ Hompa Kandjimi
Hauwanga”, ga tjanga JK Kloppers na D. nakare.
Ruganeseni nongendeseso dokukonakona edi tuna
lirongeni sikwantani.
Runone: Eraka Lyetu, Harade: 7, epe. 63
8/22/2017 MUGOLIKADI REINO 65
