Xusuusin

1. Gobolka Banaadir: Ma Nihin oo Keliya Warshadii Federaalka
Doorashooyin guud ayaa lagu wadaa in dalka ay ka dhacaan
dabayaaqada sanadkan 2016. Waxaa la dooranayaa madaxweyne,
xubnaha golaha baarlmaanka oo yeelanaya aqal hoose iyo mid sare
oo ah gole cusub oo baarlamaanku yeelanayo.
17 gobol ayaa xubno la soo doortay ku yeelanaya golahaasi sare.
Hase ahaatee Gobolka Banaadir oo ay ku noolyihiin in kabadan 3
milyan oo qof ayaan xubno ku yeelan doonin aqalka sare ee dalku
yeelanayo.
Waa cadaalad daro in gobol ay Soomaali idil ay ku dhantahay la
duudsiiyo xaqii ay lahaayeen.
Dadka taageeraya in gobolka Banaadir xubno laga siin golaha sare
ayaa waxaa ay ku doodayaan in ay Gobalka Banaadir caasimadii
dalka uu ka tirsan yahay, oo dadka oo dhan ay ka dhaxeyso, isla
markaana aanu maamul goboleed hoos tegin.
Laakiin dadka doodaas qaba ayaa ilowsan in magaaladaas culays ku
filan la saaray. Waxaa ka soo xarooda dakhliga uu badan ee dalka,
waa magaalo ay ku noolyihiin Soomaalida ka soo jeeda shanta
qeybood ee Soomaalidu degantahay_siyaabo kastaa ha ugu
noolaadeene.
Hadda waxaa dibadda u soo baxaya dareenkii ay qabeen dadka
degan Gobolka Banaadir. Dibad bax ayay ka oogeen gobolka
Banaadir.
Dibadbaxa ayaa waxaa ka qeybgalay mas'uuliyiin ka tirsan Gobolka
banaadir, dadweyne isugu jiray qeybaha kala duwan ee bulshada.

2. Dibad baxayaasha ayaa waxaa ay si cod dheer u sheegeen in aanay
ogoleyn in ay markastaa culays u joog ahaadaan. In gobolkooda laga
qaado canshuurta ugu badan, hadana loo diido in ay xubin ka
noqdaan golaha sare oo ay xubin ku leeyihiin gobolada kale ee
dalka.
“Warshad dowladda
federaalka
wax u soo saarta
oo keliya
ma sii ahaan karno”
Bulshada Banaadir waxaa ay ku doodayaan in aysan ahayn 'warshad
federaalka wax u soo saarta keliya', oo ay yihiin hooyadii gobolada
dalka, iyo in ay markastaa midnimo raadinta darteed ay dhibaatooyin
badan u soo gaaraan.
Dooda masiirka gobolka Banaadir iyo caasimadda Muqdisho way
soo taagnayd.
Dibadbixii Muqdisho ka dhacay waxaa uu ahaa dhoolatus ay dadka
ku nool Gobolka Banaadir ku muujiyeen sida ay quus ta uga
taaganyihiin go'aanka la qaatay ee ahaa in aanay saami ku lahayn
aqalka sare, iyo in aysan aqbalayn wax ka sokeeya in ay xubnahooda
helaan.
Markay intaas mareyso, dowladda federaalka iyo dowlad
goboleedyadaba waxaa la gudboon in ay dib ugu laabtaan go'aanadii
ay qaateen, Gobolka Banaadirna uu helo xubnaha uu ku yeelanayo
aqalka sare ee baarlamaanka.

3. Marka dadku dareenkooda si nabada ku muujiyaan waxaa haboon in
la dhageysto, oo laga qanciyo waxa ay dalbanayaan. Laakiin haddii
dhegaha laga furaysto waxaa ay noqonaysaa in muwaadiniin
Soomaaliyeed xuquudoodii la duudsiiyay.
Gudoomiyaha Ururka haweenka Gobolka Banaadir ayaa sheegtay in
cadaalad daro ay arkeen, wixii hadda ka danbeeyana aanay ahayn
oo keliya 'warshad federaalka Wax u soo saara, oo ay doonayaan
'Saamigooda aqalka sare'.