Ibni Sijrijni - Ëndërrimi i Muhamedit a.s.

1. ËNDËRRIMI I MUHAMED MUSTAFASË A.S.
[Me e pa Muhamedin a.s. në ëndërr sikurse me e pa përnjëmend.]
Ka thënë Ebu Kasim Omer bin Muhamed Basriju Bitinis e ai nga Aliji bin el
Musafir e ai nga Abdurrahman bin Vehbi se i ka tregua axha i tij nga Ebu Besher bin
Shihabi e atij i ka tregua Selmete bin Abdurrahmani se Ebu Hurejrete ka thënë: E kam
dëgjua Muhamedin a.s. duke thënë: Kush më sheh në ëndërr ai më sheh në të vërtet
mua, pse shejtani nuk mund të shndërrohet në formën time.
Ka thënë Ebu Selmete nga Ebu Katade se Muhamedi a.s. ka thënë: Kush më
sheh mua në ëndërr e ka parë të vërtetën.
Transmeton Ebul Hasani nga Abdul Vehabi bin Hasan el Kilabi në Damask se
atij i ka thënë Ebu Ejub Sulejmani bin Muhamed Huzai se i ka thënë Muhamed bin el
Musafa el Hamesij e atij i ka thënë Jahja bin Seid Katani e atij i ka thënë Seid bin
Muslimi e atij i ka thënë Enes bin Maliki se Muhamedi a.s. ka thënë: Kush më sheh
mua në gjumë nuk do të hyjë në xhehenem.
Transmeton Ebu Bekr Muhamed bin Ahmed bin Muhamed el Esfehani në
Meke (në Qabe) Zoti e ruajttë, e ai nga Ebu Hasan Muhamed bin Sehli nga Muhamed
bin el Musafa e ai nga Bekr bin Seidi, e ai nga Seid bin Kajsi e ai nga babai i tij se
Muhamedi a.s. ka thënë: Nuk hyn në zjarr kush më sheh në gjumë (ëndërr).
ËNDËRRIMI I MUHAMEDIT A.S. NË FORMËN E TIJ
Thotë profesori Ebu Sead r.a. se Muhamedin a.s. e ka dërgua Allahu mëshirë
për të gjithë njerëzimin. Lum për atë i cili e sheh në jetë dhe e pason, lum edhe për atë
i cili e sheh në gjumë.
- Nëse e sheh atë me borxh, do ta lajë borxhin e tij.
- Nëse e sheh në luftë, do të fitojë.
- Nëse e sheh në haxh, do ta kryej haxhin.
- Nëse e sheh në vendin e thatë, ai vend do të bëhet pjellorë.
- Nëse e sheh në një vend ku sundon padrejtësia aty pastaj do të dominoj
drejtësia.
- Nëse e sheh në një vend ku nuk ka siguri, aty do të ketë siguri. Kjo nëse e
sheh Muhamedin a.s. në formën e tij.
- Nëse e sheh sikur ka qenë i sëmurë dhe shërohet atëherë banorët e atij
vendi do ta kenë gjendjen e mirë pas një shkatërrimi.
- Nëse e sheh Muhamedin a.s. hipur (në mjet udhëtimi) ai do ta vizitoj
varrin e Muhamedit a.s. hipur.
- Nëse e sheh Muhamedin a.s. duke ecur në këmbë, do ta vizitoj varrin e
Muhamedit a.s. duke ecur në këmbë.
- Nëse e sheh duke qëndrua në këmbë, pozita e tij do të forcohet dhe do të
emërohet Imam i asaj kohe.
- Nëse e sheh duke thirrur ezan në një vend të shkatërruar, ai vend do të
rindërtohet dhe do të zhvillohet.
- Nëse e sheh sikur Muhamedi a.s. është duke e ushqyer, kjo d.m.th. se ai
është duke i thënë me dhënë zekatin e pasurisë.

2. - Nëse e sheh sikur e ka vizitua varrin e tij, do të fitoj shumë pasuri.
- Nëse e sheh sikur është biri i pejgamberit e nuk është prej lozës së tij, ajo
ëndërr tregon imanin e fortë të tij.
Marrur nga: “Interpretimi i ëndrrave reflektive”
Autor: Ibni Sijrijni
Përktheu: Dr. Musli Vërbani