2. ÍNDICE
● Quen somos?
● Problema medioambiental.
● Os plásticos
● Os microplásticos
● Como contaminan o medio mariño?
● Como afecta isto?
● O noso proxecto: Os mexillóns e os microplásticos.
● Por que o facemos?
● As mostras
● Cómo o imos levar a cabo?
● Que pretendemos facer cos resultados obtidos?
3. QUEN SOMOS?
Somos Cristina, Marta e Leticia, tres alumnas do CS Química Ambiental no CIFP
Politécnico de Santiago que se xuntaron en Lelolo’s Analytics, un proxecto onde
pretenden levar a cabo un estudo sobre a contaminación mariña por
microplásticos a través dos mexillóns.
4. PROBLEMA MEDIOAMBIENTAL
Os lixos mariños atópanse presentes en todo o planeta e son unha ameaza para os ecosistemas
de auga doce e os mariños. A definición de basura mariña, dacordo co Programa para o Medio
Ambiente das Nacións Unidas engloba calquera material manufacturado ou procesado sólido e
persistente, eliminado ou abandoado na costa ou no mar. Dacordo con esta organización e cos
seus diversos autores, estimases que entran no océano cada ano entre 6, 4 e 8 millóns de
toneladas de lixo mariño.
Actualmente, o lixo mariño está distribuído polos océanos, en augas abertas e en zonas costeiras,
sendo principalmente plásticos. A pesar de que existen diversos tipos de basuras mariñas, como
o vidrio, papel, cartón, metal, etc., múltiples estudos contastaron que os plásticos representan
máis do 80% do lixo mariño.
5. OS PLÁSTICOS
Son polímeros orgánicos, sintéticos ou semisintéticos, que se poden atopar nas
augas mariñas e causar graves perigos para o medio ambiente e saúde:
● Poden causar feridas, malformacións ou amputacións nos animais
● Poden confundilos con comida e morrer a causa desta inxestión, ou por
asfixia.
● Poden captar tóxicos do ambiente, etc.
● Redes pantasma: útiles de pesca que se perden ou se tiran ao mar, podendo
quedar os animais enredados neles, feridos e incluso mortos ao non poder
moverse.
6. OS MICROPLÁSTICOS
Son pequenas partículas de plástico, de menos de 5mm, como serían os nurdles,
as purpurinas, as microesferas de cosméticos, ou os plásticos resultantes da
degradación doutros máis grandes que se atopan en suspensión no medio
acuático.
Tipos:
● Primarios: aqueles que xa foron fabricados dese tamaño
● Secundarios: plásticos que na súa orixe formaban parte dunha unidade máis
grande e se foron degradando.
7. COMO CONTAMINAN O MEDIO
MARIÑO?
O seu efecto nos mares pode ser maior que o dos macroplásticos.
Debido ao seu pequeno tamaño os microplásticos poden ser inxeridos por un
número maior de organismos que os macroplásticos. Os microplásticos poden
absorver e posteriormente liberar contaminantes tóxicos ou filtrar sustancias
químicas engadidas no seu proceso de fabricación. Por outra parte cada
macroplástico que estea no mar podese convertir en centos ou miles de
microplásticos.
8. COMO AFECTA ISTO?
Os pequenos organismos mariños que inxeren partículas plásticas poden
transferirllas en parte ou na súa totalidade á cadea alimenticia. Nun estudo onde
se recolectaron peixes que se alimentaron de plancton procedente do Pacífico
norte, observouse que o 35% do peixe recolectado tiña fragmentos de plástico.
Estes peixes adoitan ser alimento doutros peixes polo que a contaminación por
plásticos pode afectar a depredadores que se alimentan de peixes máis
pequenos, arrastrándose así ao longo da cadea trófica, e podendo chegar incluso
a ser consumidos polos seres humanos, coas consecuencias negativas que iso
traería.
9. O NOSO PROXECTO: OS
MEXILLÓNS E MICROPLÁSTICOS
Hai organismos máis sensibles á contaminación mariña, como é o caso dos
mexillóns, que ao filtrar a auga do medio en que viven para alimentarse, resultan
uns organismos centinela excelentes para levar a cabo estudos sobre a
contaminación por microplásticos, xa que os acumulan no seu intestino.
10. PORQUE O FACEMOS?
Isto realizarase co gallo de ter información ao respecto, xa que Galicia é unha
zona que representa un gran sector produtor do mar a nivel estatal e
internacional.
A nosa vontade é crear unha empresa que analice estas mostras para atopar
algún tipo de control sobre a cantidade de residuos presente nestes moluscos, e
así evitar o seu consumo en beneficio da saúde humana, e tamén tratar de evitar
as posibles consecuencias adversas que se poidan provocar no medio mariño.
11. AS MOSTRAS
Este proxecto pretende levar a cabo un estudo por zonas, polo que escolleremos
como mostra varios exemplares destes bivalvos de diferentes hábitats mariños:
- Batea
- Roca
- Depuradora de marisco
- Comerciais
- etc.
12. COMO O IMOS LEVAR A CABO?
Levaremos a cabo o método de detección e cuantificación de microplásticos por
espectroscopía infravermella, recollendo a cantidade de mostra necesaria coas
súas correspondentes premisas como a temperatura ou o recipiente.
O principio da espectroscopía Infravermella baséase na excitación das vibracións
moleculares ao facer pasar unha mostra a través dun feixe infravermello. Esta
enerxía vibracional correspóndese cunha frecuencia de luz IR e achéganos
información sobre a composición molecular: átomos, tipos de ligazón, estrutura,
etc.
13. QUE PRETENDEMOS FACER COS
RESULTADOS OBTIDOS?
Unha vez obteñamos os nosos resultados trataremos de darlle unha
interpretación acorde o motivo do proxecto, é dicir, saber qué zonas están máis
expostas á contaminación por microplásticos, a cantidade de microplásticos
presentes nos mexillóns, e mesmo tratar de aportar algunha solución ou idea para
tratar de controlar este problema.