29. Maghanap ng mga sitwasyong napapanahon sa
kasalukuyan, gaya ng kaugnay sa edukasyon,
pangkalusugan, ekonomiko at iba pa.
Editor's Notes
Ang mga salitang ito na mula sa bibliya ay nagpapaalala sa atin na tayo ay natatangi at may responsibilidad sa lipunan, sa mundo. Maaaring mahirap ngunit Hindi ito imposible. Binigyan tayo ng kakayahang mag-isip, magpasya, at gawin kung ano ang sa tingin natin ay pinakatamang na gawin.
Sa mga nagdaang baitang ng Edukasyon sa Pagpapakatao ay inyong napag-aralan na ang tao ay natatanging nilikhang nabubuhay dito sa mundo. Sa pamamagitan nito, masusuri mo kung paano mo gagamitin ang iyong kalooban at pag-iisip para mas mahusay mong haharapin ang mga hamon sa pagiging natatanging nilikha ng Diyos.
Hindi pa nilikhang tapos ang tao dahil walang nakakaalam kung ano ang kahihinatnan mula sa kapanganakan o sa paglaki sa mundo ng isang tao. Ang tao din ang siyang mismong uukit ng kanyang sariling kinabukasan, ng kanyang sariling buhay. Kaya bawat tao ay kumikilos tungo sa paghahanap sa mga pagkakataon na makakatulong upang ang tao ay maging tapos.
May kakayahan ang tao na buuin ang sariling pagkatao. May mga kakayahang taglay ang tao at hayop. May kakayahan din ang tao na taglay rin ng hayop, ngunit nagkakaiba ang paraan kung paano ito ginagamit sa iba’t-ibang pagkakataon.
Bagamat sa kapanganakan, walang taglay na kaalaman ang isip. Ngunit ito ay may kakayahang mag-isip, malaman ang kaisipan, at makapagbuod ng isang bagay. May kakayahan itong humatol, pag-aralan, mangatuwiran, at maunawaan ang mga bagay at ang kahulugan nito. Higit sa lahat, ang isip ay may kakayahan upang matuklasan ang katotohanan.
Umaasa ang kilos-loob sa isip. Kaya mula sa paghuhusga ng isip, sumusunod ang kilos-loob. Naiimpluwensiyahan ito ng isip na may kakayahang magbigay katuwiran na kalaunang nakakalakip ng kahulugan sa isang sitwasyon. Dahil ito ay naaakit sa mabuti at tumalikod sa masama, inilarawan ito ni Santo Thomas bilang makatuwirang pagkagusto.
Upang maunawaan ang kalikasan ng kilos-loob, ihambing natin ito sa emosyonal na tugon ng hayop. Anuman ang nararamdaman ng hayop, kumikilos ito ayon sa kalikasan ng tugon nito. Samantalang ang tao ay pagkakataon na magkaiba ang pagkilos ng emosyon at kilos-loob.
Kapanayamin ang isa sa kasapi sa inyong pamilya ukol sa pamamaraan niya sa pagharap sitwasyong napili mo gamit ang isip at kilos-loob. Ilahad sa iyong kwaderno ang panayam sa pamamagitan ng isang sanaysay.