2. बातचीत
हाय बाल दोस्तहो......मज्यामा सेव ना ? मज्यामाच रहो मना. खेल-क
ु द,
मज्या-मस्तीमा चालुच रहे. टिव्ही, मोबाईल देखकर तरासबी आयी रहे.
हव ना ? आता तुमर् साती आमी एक खुसखबरी आन्या सेज
ं .
एकप्रकारको खाजोच कहोना. आमी तुमर
ं साती "झु
ं जूरका" येव पोवारी
बोलीमाको मासिक आन रह्या सेज
ं . येक
ं मा तुमला पोवारी बोलीमा
बढिया बढिया कविता, कथा त् बाचनला मिलेतच, पर येक
ं बराबर
तुमला र
ं गावनला चित्र
ं बी मिले. ओरखो मी कोण ?, पोवारी प्रश्नम
ं जूषा,
पोवारी अनुवाद येन
ं सदरयीनमा तुमला भाग लेनलाबी मिले. त् म
ं ग
तयार होय जाव "झु
ं जूरका" येव पोवारी मासिक बाचन.
मम्मी - पप्पा, आई - बाबूजी, अजी- माय तुमला एक बिनती से. तुमर्
घरक
ं टुरू पोटु, नातु नत्तीनला येव पोवारी बोलीमाको मासिक बाचनला
देव. बाचस्यान पोवारी समजनला सहायता करो. अना मासिकमा देयेव
गयेव प्रश्नम
ं जूषा, चित्र र
ं गावो, ओरखो मी कोण ?, पोवारी अनुवाद येन्
सदरमा भाग लेनला प्रेरीत करो.
तुमरोच स
ं गी(मुख्य स
ं पादक)
गुलाब बिसेन 📳94042 35191
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
अनिक तुमरा स
ं गी (सहाय्यक स
ं पादक)
● रणदीप बिसने 📳77981 23699
● महेंद्र पटले (ऋतुराज)📳95522 56189
● महेंद्र रहांगडाले 📳94057 29316
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
निर्मिती- महेंद्र रहांगडाले 📳94057 29316
2
झुंजूरका पोवारी बाल ई मासिक जून २०२१
3. कविता(आरती)
गणनायक गणपती
नमन तोला गौरीसूत गणेशा
कीर्ती तोरी तीनई लोकमां
नाव जसा भिन्न सेती देवा
तसा गुण ज्ञान स
ं चित तोरोमां ।।१।।
बुद्धी शास्त्र ज्ञान आदीमां स
ं पन्न
मातृ पितृ श्रद्धा मनमां अपार
शक्ती युक्ती चतुरता विद्यमान
देव दानव ला प्रेम अपर
ं पार ।।२।।
कार्यार
ं भ हेतू आदी तोरो सिमरन
सफल होयजासे मन को चिंतन
ठे वो खांदोपरा दैवी हात निर
ं तर
नमू तोला विघ्नहर्ता नित्य चिर
ं तन।।३।।
3
झुंजूरका पोवारी बाल ई मासिक जून २०२१
4. वक्र तोरी सु
ं ड मुहून तू वक्रतु
ं ड
दात तोला एक ठरेस एकद
ं त
हत्ती की सु
ं ड तोरी तु गजवक्र
पोट तोरो मोठो देवा तु ल
ं बोदर।।४।।
विघ्ननाशक तू पापनाशक देवता
विकटमेव तू भालच
ं द्र सु
ं दर
गणपती तोरो नाव प्रिय मनोहर
देखत् रहू सदैव तिलक को च
ं दर।।५।।
जपु नित्य जप साधे सबको काज
हरन् दुख को होय सरसकट
बुद्धी शक्ती युक्ती लक
् समृद्ध होये
कठिनकाल मोरो गणेश होये प्रकट।।६।।
🖊️रणदीप बिसने (77981 23699)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
●पोवारी शब्द●
पयलो(स
ं .वि.)
मराठी - पहिला/ प्रथम हिंदी - पहला इ
ं ग्रजी - First
वाक्य मा उपयोग - वर्ग मां मोरो पयलो क्रमांक आयेव्.
(संगी लोक, तुमी बी असाच पोवारी शब्द लिखो.वोन् शब्द ला इंग्रजी, मराठी
अना हिंदी मा का कसेत वु लिखो. अना वोको वाक्य मा उपयोग करस्यानी
वोकी फोटू काहळो. अना वरत्या को व्हाट्सएप पर धाळो.)
4
झुंजूरका पोवारी बाल ई मासिक जून २०२१
5. चित्र र
ं गावो
संगी लोक, तुमी येन् पाना की प्रिंट कहाडो. अना चित्र ला मस्त रंगावो. मंग
फोटू कहाडक्यान 95522 56189 येन्व्हाट्सएप नम्बर पर पठाय देवो.
5
झुंजूरका पोवारी बाल ई मासिक जून २०२१
6. बालकथा
मी नही जाय !
रातका नव बज्याता. रातको जेवन होयस्यान अजी - माय, बाबुजी
अना जितू मोठांगं रामायण देखत होता. राखी सोफापर बसस्यान किताब
बाचत होती. राखीकी आई सैपाक खोलीमा बरतन भांडा संची करत होती.
जितू टिव्हीक
ं जास्तच जवर बसेतो. वोला जवर बसे बिगर टिव्हीच
देखेसारखी नोहती लगत. वोला टिव्हीपासना दूर बसावन साती खाटपर
बसेव अजीनं अवाज देयी, " जितू, हुचकी लगी बेटा. लायनांगक गिलासभर
पानी आनदेभरा." अगाज आयकस्यानबी जितू टसका मस नही भयेव.
अजीनं दुसरंबार अगाज देयीस. दुसरं बारबी जितू ज्यानक
ं वाहान. जितूला
असो टिव्हीमा खुपसेव देख राखीला रयस्यान नही भयेव.
"जायनारे जितू, अजीसाठी पानी आनजो."
"मी नही. जाय तूच." जितूको तोंड खुलेव. तसी हातमाकी किताब
सोफापर ठेयस्यान राखी लायनांगं गयी अना गिलासभर पानी लेयस्यान
आयी.
6
झुंजूरका पोवारी बाल ई मासिक जून २०२१
7. दुसरं रोज आई गाय ढोरको शेणपुंजा करत होती. पुंजाको वळगा
उचलता उचलता डोस्कापरको चुंबर खाल्या पळेव. आईला उचलता नोहतो
जमत. जितू सपरीपरच चित्र हेळत बसेतो.
"जितू, या चुंबर डोयीपर ठेव भरागा." आई खाल्या बगत बोली.
"मी नही जाय." जितू सपरीपरलकच बोंबलेव.
आईला तकलीफमा देख राखी परात गयी अना पळी चुंबर उचलत
आईक
ं डोयीपर ठेयीस. जितू रोजक
ं रोज "मी नही जाय !" को फाळा
बाचतच होतो. येनं फाळालक घरभरक
ं जीवला चिंता पळी. हेबान दे तं
नहान बच्चा से. येनच बिचारलक वोला कोणीच काही नोहतो कवत.
दिनक
ं दिन जितूको "मी नही जाय !" को फाळा बाचनो बढनच बसेव. वू
कम होनको काही नावच नोहतो लेत. एकरोज राखी शाळाको अभ्यास करत
होती. जितूबी संगमाच बसेतो. अभ्यास करता करता जितू इतं वूतं काजक
तरी ढुंढण बसेव.
"राखी दिदी, मोला तोरो पेन देना." राखीला वोक
ं फाळा बाचनको पयलेच
तरास आयेतो. वोला येव साजरो मौका मिलेव.
"मी नही जाय ! एकच पेन से मोरंजवर." राखी डोरा मोठा करस्यान
बोली. जितू बसेव आपलो चूप. उठस्यान घरमा गयेव. अना दुसरो पेन
मिलंसेकातं ढुंढण बसेव.
पेन ढुंढशान वू परेशान भयगयेव.
"परंकोरोज येनसतं फ
ू लमा ठेयेतो मी पेन !" जितू खुदलाच कवन बसेव.
ढुंढ ढुंढक
े थक
े पर वू आपलं बाबूजीजवर गयेव. बाबूजी धान कटाईको हिसाब
करत होता.
"बाबूजी, मोला तुमरो पेन देवना."
"मी नही जाय. मोरो हिसाब चल रही से. मोरो हिसाब होयेपर मिले."
बाबूजी बोल्या. बाबूजी जवरबी वोकी काही नही चलेपर वोनं घरमा इतंवूतं
7
झुंजूरका पोवारी बाल ई मासिक जून २०२१
8. देखीस. माय बाळीमा वाफामाकी भाजी तोळत होती. मायजवर काही पेन
नही रवं. मंग वू आईला देखन बसेव. आई भारटपरकी भीसकी बळी हेळत
होती. आईजवरबी पेन रवनकी गुंजाईस नोहती. आखीरमा वोला अजी
दिस्या. अजी भारासाती बंध बिंधत होता. वोनं अजीजवर बहुतबार पेन देखी
होतीस.
"अजी ss अजी, मोला तुमरंजवरको पेन देवना."
"मी नही जाय! मी आबं काममा सेव." अजी बोलेव. जितू नहानसो टोंड
करस्यान राखीजवर जायस्यान बसेव.
"मिलेव का पेन ?" जितूको नहानसो टोंड देखस्यान राखी बोली.
"नही."
"आता ?"
"मी समझ गयेव."
"का ?"
"अज पासून मी नही जाय को फाळा बंद."
दुयीजन एकमेकन देखस्यान गालक
ं गालमा हासन बस्या. राखीनं क
ं पास
खोलस्यान दुसरो पेन हेळीस. आता दुयीजन अभ्यास करनोमा गुंग भय
गया.
लेखक - गुलाब रमेश बिसेन (मो. 9404235191)
( संगी लोक, तुमला कथा कसी लगी त् येन् नंबर पर फोन करक
े नयी त्
व्हाट्सएप करक्यानी जरूर सांगो.)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
8
झुंजूरका पोवारी बाल ई मासिक जून २०२१
9. बालकविता
म
ं डई
चल रे छोटू, चल रे बोटु
मंडई देखन ला।
नवरी सरीखो गाव सजी से
चवूक आंगण मा।।१।।
डरामा को मंडप अना दंड्यार
को नाच देखबी।
खिलुना का दुकान ना पावनाईन
को साज देखबी।।२।।
शिंगाळा की चव अना जलेबी की
गोडी चाखबी।
हांडी फ
ु गा उळावबी अना पोंगी को
आगाज करबी।।३।।
दिवारी को फटाका को धमाका
जोरदार करबी।
आया पावना गावोनगाव का उंको
पावूनचार करबी।।४।।
शाळा को छ
ु ट्टी मा अज पुरोपुर
धमाल करबी।
सब मिलस्यान मंडई को दिन
यादगार करबी।।५।।
कवी- महेंद्र रहांगडाले (9405729316)
9
झुंजूरका पोवारी बाल ई मासिक जून २०२१
10. अनुवाद
माझी CAT
अशी आहे माझी CAT
थोडी उंच, थोडी FAT
अशी आहे माझी CAT
डोक्यावर तिच्या छोटीशी HAT
अशी आहे माझी CAT
बसायला तिला रंगीत MAT
अशी आहे माझी CAT
तिला घाबरतात सगळे RAT
अशी आहे माझी CAT
म्यॅव म्यॅव सतत करते CHAT
अशी आहे माझी CAT
करते मी तिला डोक्यावर PAT
अशी आहे माझी CAT
सगळे म्हणतात तिला KITKAT
क
ु . हर्षिता क
ु लकर्णी, ठाणे
(सब संगी इनन् वरत्या को कविता को पोवारी मा अनुवाद करस्यानी
94042 35191 येन्नंबर पर व्हाट्सएप करो.)
10
झुंजूरका पोवारी बाल ई मासिक जून २०२१
11. ओरखो मी कोन?
१.
भरेव समुंदरको पानी
घुट घुट पिवत जाय
जवानीमा हासरो चेहरा
बुढापामा रोवत जाय
२.
लहान लहान तोंडमा
म्यॉव म्यॉवकी बोली
येन्घरलक, वोन्घर
रोज फिर इनकी टोली
✍ऋतुराज
३
धीरू धीरू मोरी चाल
कसो तरी मी चलुसू
मजबूत मोरी शाल.....!! ….
रणदीप बिसने
४
मोरो बिना तरसे
रंक रहे या राजा
बहू पडू त्सजा
नही पडू त्बी सजा
महेंद्र
(वरत्या का कोडा का उत्तर 95522 56189 येन व्हाट्सएप पर धाळ देवो.)
11
झुंजूरका पोवारी बाल ई मासिक जून २०२१
12. बालगीत
बाहुली को साज
यंदा से आमरो घरमा काज
देखो मोरो बाहुलीको साज||धृ||
ओठपर लाली
डोराला काजर
बेनिला रिबिन
गालपर पावडर
डोईपर सजी से सुंदर ताज||१||
माथापर बिंदी
हातमा क
ं गण
मनगटपर घळी
पायमा पैजन
सबला से येको रूपपर नाज||२||
नाकमा नथनी
गरोमा हार
कानमा झुमका
सोनोका तार
कर् से सबको दिलपर राज||३||
******************************
✍महेंद्रक
ु मार पटले(ऋतुराज)
95522 56189
संगी इनला सूचना:- येन्गीत ला चाल मा गाय स्यान मोबाईल पर रेकॉर्डिंग
करो. अना वरत्या को व्हाट्सएप पर एको ऑडिओ धाळो.
12
झुंजूरका पोवारी बाल ई मासिक जून २०२१
13. ●प्रश्न मंजुषा●
१.आपलो टुरूपोटू ईनको "चाचा नेहरू" ईनको नाव का से त्सांगो?
२.आपलो कणखर, राकट महाराष्ट्र राज्य कब्बनेव त्सांगो?
३.तुमरो तालुका, जिल्हा को नाव का से त्सांगो?
५.तुमरो जिल्हा का आब्का जिल्हाधिकारी कोन सेत त्सांगो?
६.तुमरो राज्य का आब्का मुख्यमंत्री कोण सेत त्सांगो?
७.समजो तुमरो गाव तालुका पासून दस किमी दूर से त्येको मीटर मा अंतर
सांगो?
८.आपलो गाव को पयलो नागरिक ला का कसेती?
९.आपुन स्वास लेसेजन त्सरीर को अंदर कोणतो वायू लेसेजन?
१०.कोणतो संख्या ला दुय लक् भाग जासे?
(संगी लोक, येन् प्रश्न इनला तुमरो नोटबुक पर लिखो. अना इनका उत्तर बी
लिखो.अना वोकी फोटू आपलो संगी को व्हाट्सएप पर आपलो नाव, गाव
लिखकर धाळो.व्हाट्सएप नंबर 9405729316)
13
झुंजूरका पोवारी बाल ई मासिक जून २०२१
