3. MEKANIKS
• Hahatiin ang klase sa apat na pangkat.
• Ang mga ito ay magsasama-sama at bubuo ng isang
bilog na dala ang kanilang mga gamit.
• Ang gawaing ito ay magtatagal lamang ng limang
minuto.
• Gamit ang laman ng inyong mga bag,
kukumpletuhin ninyo ang alpabeto mula sa mga
pangalan ng inyong gamit.
• Bawat pangkat ay inaasahang may pangalan ang
inyong samahan at may nakahandang cheer na
sasabihin kapag tapos ng makumpleto ang alpabeto.
4. Ayon kay William Bascom, isang folklorista at antropologo, ang mito ay
mga naratibo na nasa anyong tuluyan na tinatanggap bilang totoong
tala ng mga pangyayari sa isang lipunan sa nakalipas na panahon.
Sinasalamin ng mito ang simulain, tradisyon, at kalipunan ng mga
paniniwala. Dahil dito, tinitingnan ang mito bilang sagrado at
karaniwang inuugnay sa teolohiya at mga ritwal.
Sa iyong palagay, bakit tinatanggap ng mga sinaunang tao ang mga mito
bilang talâ ng nakalipas?
5. Ang mitong “Cupid at Psyche” isang kuwento na orihinal na nakapaloob
sa nobelang Metamorphoses o tinatawag ding “Ang Gintong Asno” na
isinulat ni Lucius Apuleius, isang Romanong pilosopo at iskolar.
Ito ang itinuturing na kaisa-isang sinaunang nobela at pinakamahabang
naratibo sa Latin na napreserba ang kabuuan.
Batay sa pagsusuri ng propesor ng panitikan na si S. J. Harrison sa
búhay ni Apuleius, tinatayang naisulat ang Metamorphoses sa pagitan
ng 170 hanggang 180 CE (common era) para sa mga mambabasang
Romano.
6. Ito ang panahon na Imperyong Romano ang umiiral na pinakamalaking
politikal na kapangyarihan sa daigdig at may hindi napapatid na
teritoryong sumasakop sa Europa, Hilagang Africa, Kanlurang Asya, at
Gitnang Silangan.
Katangi-tangi sa buong daigdig sa panahong ito ang kahusayan at
kadakilaan ng Imperyong Romano sa sining, batas, pamahalaan,
arkitektura, at pagdidisenyo ng lungsod.
Kinikilala ang mahusay na pagpaplano ng mga kalsada nito bilang isa sa
mga nagbunsod sa paglago at paglakas ng hukbong militar nito,
gayundin sa agrikultura, komersiyo, at kalakalan.
7. 1. Paano naiiba si Psyche sa kaniyang mga kapatid na babae? Paano nito
naapektuhan ang kaniyang búhay?
2. Bakit pinili ni Psyche na pagtiwalaan si Cupid kahit hindi niya ito
nakikita sa loob ng madilim na palasyo? Paano nagsimula ang
pagdududa niya rito?
3. Ano-ano ang mga pagsubok na ibinigay ni Venus kay Psyche? Paano
niya napagtagumpayan ang bawat pagsubok?
8. 4. Bakit natukso si Psyche na buksan ang kahon ni Proserpina? Sa tingin
mo, katanggap-tanggap ba ang kaniyang dahilan?
5. Kung ikaw si Psyche, magtitiwala ka rin ba agad sa isang taong hindi mo
nakikita at nakikilala? Pangatwiranan.
6. Sa mito, paano ipinakita ang ugnayan sa pagitan ng pag-ibig at
sakripisyo?
7. Sa kasalukuyang panahon, ano-anong mga anyo ng sakripisyo ang
maitutumbas mo sa sakripisyong ginawa ni Psyche para kay Cupid? Paano
nakaaapekto o nakaiimpluwensiya ang pag-ibig sa pagsasagawa ng
sakripisyo?
8. Ano ang aral na maari mong magamit sa iyong pang-araw araw na
buhay?
PAALALA
Araw ng Pagpapasa: Huwebes (Thursday)
Isusulat sa isang buong papel kasama ang mga
tanong.
9. MGA DAPAT TANDAAN SA PAGSASADULA O ROLE PLAY
1. Bawat miyembro ng pangkat ay magsasaliksik ng isang pangyayari sa
mitoholiyang “Cupid at Psyche” na may kaugnayan sa kasalukuyan.
2. Ang nasaliksik ay ibibigay sa pinuno ng pangkat at ito ay kaniyang
pagsasama-samahin at ipapasa sa guro.
3. Ito ay maaring nakasulat sa isang buong papel o kaya’y naka-print sa
short bond paper.
4. Ang pagsasadula o role play ay dapat lamang tumagal ng 5 hanggang
10 minuto bawat pangkat.
5. Ito ay gaganapin sa Huwebes (Thursday).
