APARATO CIRCULATORIO.CUESTIONES CLARAS

1. O aparello circulatorio .

2. Que é o aparello circulatorio e para que serve? FISIOLOXÍA : O aparello circulatorio é o encargado de facer chegar os nutrintes e o osíxeno a todas as células e de recoller as substancias de refugallo que estas producen e levalas ós órganos encargados dá súa eliminación. ANATOMÍA : Consta de vasos sanguíneos, que son arterias, veas e capilares, e un músculo; o corazón.

3. O corazón. O corazón é o órgano principal do aparello circulatorio. Ten o tamaño aproximado dun puño e está formado por un tecido muscular chamado miocardio. A súa función é bombear o sangue e faino a través do latexo, que con el fai que o sangue estea sempre en movemento polo corpo. O sangue entra no corazón polas aurículas e sae polos ventrículos. Está situado no tórax, entre os dous pulmóns. As veas e arterias coronarias, que percorren o corazón de arriba abaixo, abastecen o corazón de osíxeno.

4. As arterias . Son os vasos que conducen o sangue dende o corazón ós órganos. As súas paredes son elásticas e resistentes dado que teñen unha grosa capa de tecido muscular. As arterias máis grandes do corpo son a arteria aorta, pola que sae o sangue do corazón, e as arterias pulmonares, que levan o sangue ós pulmóns.

5. Os capilares. Son os vasos que conetan as arterias coas veas. Son microscópicos e teñen unhas paredes super finas que están formadas por unha soa capa de células o que lles permite o intercambio de substancias entre o sangue e as substancias que se atopan arredor dela.

6. As veas. Son os vasos que levan o sangue dende os capilares ata o corazón. Conteñen sangue sen osíxeno e transportan dióxido de carbono e desfeitos procedentes dos texidos para levalos ós órganos encargados da súa eliminación. O seu diámetro interno é maior que o dunha arteria. As veas maiores do noso organismo son as veas cava superior e inferior, polas que entra o sangue na aurícula dereita, e as veas pulmonares, polas que entra o sangue na aurícula esquerda.

7. Que é a Linfa? A linfa é un líquido corporal que recorre os vasos linfáticos e xeralmente carece de pigmentos. Cando o líquido extracelular pasa ós capilares linfáticos chámase LINFA. Tanto o líquido extracelular como a linfa teñen unha composición moi parecida á do plasma.

8. O sistema linfático. Está formado polos ganglios linfáticos, os vasos linfáticos e a linfa. Ten dúas funcións principais: -Conducir o líquido extracelular que baña os tecidos de volta á circulación sanguínea. -Manter a linfa libre de microorganismos e, polo tanto, defendernos das infeccións.

9. A gran pregunta. Esquema do corazón, indicando as súas partes e a circulación do sangue a través del. PARTES: Arterias, aorta, vea pulmonar, vea cava superior e inferior, válvulas, aurículas dereita e esquerda e ventrículos dereito e esquerdo. CIRCULACIÓN DO SANGUE: Entra pola aurículas. A aurícula dereita recibe o sangue da vea cava, que leva de volta ó corazón todo o sangue. Desta aurícula pasa ó ventrículo dereito, logo sae pola arteria pulmonar e vai ós pulmóns. A aurícula esquerda recibe o sangue das veas pulmonares procedentes dos pulmóns. Da aurícula esquerda pasa ó ventrículo esquerdo, sae pola arteria aorta e vai a todos os órganos do corpo.