hdjsggjh

1. 1
TERTIB ACARA ADVENT I
HKBP PEMBATUAN RESORT PEKANBARU
MINGGU, 28 NOPEMBER 2010
1. Joujou tu Parsaoran
U : Selamat Advent ma di hita saluhutna
H : Selamat Advent!
U : Huria ni Tuhanta, nunga taripar hita tu Minggu Taon Baru
Parhuriaon. Alani las ma rohanta marsaor dohot Tuhan i di
Minggu Advent na Parjolo on. tabege ma barita advent na
Parjolo na di boanhon ianakhonta Singkola Minggu:
………..Barita Advent I……
U : Alan ii, tajangkon ma Ibana Raja ni Hatigoran i. Marende ma
hita:
2. Marende BE. No. 45 : 1 – 3 “Hosianna Anak Ni”
♫ Hosianna Anak ni Raja David ro tu hita
Baen ture dalanNa i, asa bongot tu rohanta
Baen ma gabagaba i, di TUhannta na ro i
♫ Hosianna ro ma Ho tu bagasan rohanami
Na manomunomu Ho ale Jesus Tuhannami
Las do rohanami i, molo bongot Ho tusi
………Organ……… (Jongjong)
♫ Hosianna Raja ni Hadameon Ulubalang
Nasa na binoanMi dame dohot hasonangan
Hami na hinophopMi, do nampuna i sude
3. Votum Introitus
U : Marhitehite Goar ni Debata Ama, dohot Goar ni AnakNa Tuhan
Jesus Kristus, dohot Goar ni Tondi Porbadia na tumompa langit
dohot tano on
H : Amen!
U : Paboa hamu ma tu boru Sion: Ida ma, nunga ro hatuaonmi. Ida
ma, ihut tu Ibana do upa silehononNa, jala pamalosonNa di
joloNa. Sadari on ma ro Tuhan i manopot joroNa

2. 2
H : Beta, tasomba ma Ibana
U : Endehon hamu ma Jahowa, puji hamu ma GoarNa, pelendes
hamu ma dalan di Ibana, na marhureta di halongonan,
H : Jahowa do GoarNa
U : Marolopolop ma ho jala marlas ni roha, ale boru Sion, ai idama,
na ro ma Ahu maringanan di tongatongamuna, ninna Jahowa.
Haleluya!
H : Mangendehon: Haleluya, haleluya, haleluya
U : Martangiang ma hita! Ale Tuhan Debata Pargogo na so
hatudosan, Sitompa langit dohot tano on. Hinorhon ni asi ni
rohaM do umbahen sahat hami tu taon huria na imbaru on.
Lehon ma tu huriaM TondiM na badia i, dohot hamaloon sian
Ho, asa lam rarat jala ganda harajaonMu ditongatonga ni hami
on. Jala lehon ma hiras ni roha tu naposoM manghatahon hataM,
asa lam denggan huriaM marhite sian i. Pargogoi ma hami
mangoloi Ho dibagasan haporseaon na tongtong asa Manahan
hami sahat ro di ujungna marhitehite AnakMu Tuhan Jesus
Kristus Tuhannami. Amen.
(Hundul)
4. Marende BE. No. No. 591 : 1 “Boru Sion”
♫ Boru Sion las roham, las roham Jerusalem
Ai na ro do Rajami padamehon ho tongtong
Boru Sion las roham, las roham Jerusalem
5. Patik
U : Tatangihon ma hata ni Debata na paingothon hita mangaradoti
patikNa, sian Psalm 24 : 7 – 10:
Patuginjang ma tohangmuna, hamu ale angka harbangan,
patuginjang ma hamu ale angka pintu sian na robi, asa bongot
Raja ni hamuliaon i
H : Ise ulaning Raja ni Hamuliaon i?
U : I ma Jahowa, na gogo jala Ulubalang, Jahowa Ulubalang ni
hamusuon. Patuginjang ma tohangmuna, hamu ale angka
harbangan, jala patuginjang ma hamu ale angka pintu sian na
robi, asa bongot Raja ni hamuliaon i
H : Ise ulaning Raja ni Hamuliaon i?

3. 3
U : I ma Jahowa Sebaot, Ibana do Raja ni Hamuliaon i. I do sahatna:
Antong rap ma hita mangido gogo tu Tuhan Debata laho
mangulahon patikNa i:
S : Ale Tuhan Debata, sai pargogoi ma hami mangulahon na hombar
tu patikMi. Amen!
6. Koor Ina Parari Kamis
7. Marende BE. No. 40 : 5 – 6
♫ Hamu na marsak roha di hasiangan on
Dibaen godang ni dosa na di portibi on
Sai hehe ma hamu padirgak ulumuna
Ai hamoraonmuna do Jesus i tutu
……Jongjong……
♫ Tibu ma ulahanNa manopot jolma i
Sude hasangaponNa tarida ma di si
Sai borhat ma hamu manomu Rajamuna
Pagalak sulumuna, Ibana ro tibu
8. Manopoti Dosa
U : Tatopoti ma dosanta tu Debata, tapunduk jala tapaserep ma
rohanta laho manolsoli dosanta na godang i.
Di na taripar hita tu Minggu Taon Baru Parhuriaon on, tama do
ingotonta godang ni dosa pangalaosionta di lomo ni roha ni
Tuhan i. Mardosa do hita tu Ibana alani halembaonta
mangulahon tanggungjawabta di tongatonga keluarga, tu
ianakhonta, tu Negara dohot tu huria. Alai nang pe songon i
godang dohot balga ni pangalaosionta, ndang mansohot Tuhan i
mangurupi hita. Ingkon parhatopotonta do: Jotjot do hurang pos
ni rohanta tu Ibana. Lupa hita mamodahon HataNa tu angka
pinomparta:
H : (Mangendehon) BE. No. 683 : 2
♫ DiadopanMu Jesus, marsomba au huhut tungki
Lao manopoti dosangki, diadopanMu Jesus
U : Di ragam ni na masa Di na humaliang hita, di suru Tuhan i do
hita asa gabe parhobas di donganta, unang sihobasan; asa

4. 4
pangapuli hita, unang siapulan; asa pangurupi hita, unang gabe
siurupan; asa parholong hita, unang sihaholongan; asa sipardame
hita, unang sipadameon. Hape ndang tau hita mangulahon i
H : (Mangendehon) BE. No. 683 : 2
♫ DiadopanMu Jesus, marsomba au huhut tungki
Lao manopoti dosangki, diadopanMu Jesus
U : Disuru Tuhan i do hita gabe ulaulaNa tu tongatonga ni hasusaan
na manosak bangsonta; mamboan pengampunan tu tongatonga ni
sipanginsahi; mamboan hasadaon di tongatonga ni parbadaan;
pajongjong hatigoran di tongatonga ni halumlamon; mamboan
pos ni roha di tongatonga ni hagangguon; mamboan panghirimon
di tongatonga pandelean; mamboan hatiuron tu angka na marsak.
Hape jotjot hita ndang tau mangulahon i
H : ……Martangiang na hohom di bagasan roha……
(diiringin organ BE. No. 165)
U : Didok Apostel paulus: “Ibana do pardengganan pasaehon
dosanta. Alai ndada holan dosanta, dohot do dosa ni portibi on:
HASANGAPON MA DI DEBATA NA DI GINJANG
H : Amen!
(Hundul)
9. Koor Ama Immanuel
10. Marende BE. No. 39 : 6
♫ Hamu na holso roha binaen ni dosa i
Tangihon boaboa na sian surgo i
Naung ro do Sipalua disuru Ama i
Pasonang rohamuna mamboan dame i
11. Epistel : II Petrus 1 : 1 – 8
U : Turpuk Epistel di Minggu on tarsurta di II Petrus 1 : 1 – 8: Ahu
surat ni si Simon Petrus, naposo jala apostel ni Jesus Kristus,
mandapothon angka naung manjalo haporseaon na arga, rap
dohot hami, marhitehite hatigoran ni Debatanta dohot Jesus
Kristus Sipalua i: Singkop ma di hamu asi ni roha dohot dame;
marhitehite panandaonmuna di Debata dohot di Jesus, Tuhanta i!

5. 5
H : Dilehon hagogoon ni hadebataonNa i do tu hita nasa na tau
hangoluan dohot hadaulaton marhite sian naung tatanda Ibana,
na manjou hita, hinorhon ni hasangaponNa dohot
hadengganonNa sandiri
A : Marhite sian i do dilehon tu hita bagabagaNa angka na arga jala
Di na balga situtu, asa hinorhon ni i gabe partohap hamu di
hadebataon, dung sanga mamporus hamu sian hamagoan, na
dibagasan hahisapon na di portibi on
I : Dibahen i, haringgashon hamu ma sian nasa gogo, manurdukhon
denggan ni parange di bagasan haporseaon i, dung i habisuhon
ma di bagasan parange na denggan i
N : Dungi pangarajaion diri ma dibagasan habisuhon i, dungi
habengeton ma dibagasan pangarajaion diri, dungi hadaulaton
ma dibagasan habengeton i
H : Dungi holong ni roha di dongan ma dibagasan hadaulaton i,
dungi holong ni roha di na saluhutna ma di bagasan holong ni
roha di dongan i
U Ai molo jumpang angka i di hamu jala ganda, ndada loasonNa
hamu losok jala so marparbue, laho mananda Jesus Kristus,
Tuhanta i. Ima sahatna:
Martua ma angka na tumangihon Hata ni Debata jala na
umpeopsa:
S : Amen!
12. Koor NHKBP
13. Marende BE. No. 41 : 1 – 2
♫ Parripe ni Tuhanta, sai hehe ma hamu
Sai jangkon ma Rajanta marroha na burju
Girgir ma hita be marende di Ibana
Manjouhon Hosianna, burju ma sasude
……Jongjong……
♫ Hamu na marsak roha jonok do Raja i
Na ro mangapul roha ni nasa na tungki
Torop nuaeng tahe, inganan hasonangan
Ima partangiangan ni na porsea i

6. 6
14. Manghatindanghon Haporseaon
U : Advent, lapatanna haroro, manang managam haroro ni Tuhan i.
Dipaingot Minggu Advent on do hita asa hobas managam haroro
ni Tuhan i. Nunga ro Ibana na jolo tu portibi on marhite
hatutubuNa di Betlehem, ima na tahalashon di ari Natal
H : Alai na maimaima do hita di haroroNa paduahalihon laho
manguhum portibi on dohot mangapuli na porsea di Ibana
U : Antong, tatomu ma Ibana di bagasan haporseaon, panghirimon
dohot habengeton, marhite manghatindanghon haporseaonta i,
songon na hinatindanghon ni donganta sahaporseaon di sandok
portibi on, rap ma hita mandok:
S : Ahu Porsea …….
(Hundul)
15. Koor Ama Gloria
16. Tingting
17. Koor Ina Parari Jumat
18. Marende BE. No. 45 : 1 (P. Pelean Ia + Ib)
♫ Hosianna Anak ni Raja David ro tu hita
Baen ture dalanna i asa bongot tu rohanta
Baen ma gabagaba i di Tuhanta na ro i
♫ Hosianna ro ma Ho tu bagasan rohanami
Namanomunomu Ho ale Jesus Tuhannami
Las do rohanami i, molo bongot Ho tusi
……Organ……
♫ Hosianna Raja ni hadameon ulubalang
Nasa na binoanMi dame dohot hasonangan
Hami na hinophopMi do nampuna i sude
♫ Hosianna tatap ma hami na ni rajaanMu
Togu ma tu Debata, hami angka siseanMu
Sai sungguli hami on, mangoloi hataM tongtong
……Organ……
♫ Hosianna saut ma baen bagabaga ni Jahowa

7. 7
Nang buni dope nuaeng hasangaponMi di jolma
Angka na porsea i do mananda gogoMi
19. Jamita : Jesaya 32 : 1 – 8
20. Marende BE. No. 44 : 1 …
♫ Hamuna na porsea i sai tomu Tuhan Jesus i pahehe rohamuna
Jonok do ari pesta ni saluhut huriaNa i, i ma hatutubuNa
I pe, hehe, ma hamuna baen pantunna lao manjangkon
Na manopot hajolma on
♫ Marlas ni roha situtu saluhut halak na burju lao mangihuthon Jesus
I pe pataridahon ma las ni rohaM di Debata sangkapNa ma patulus
Puji, puji Jesus Kristus a manobus tondimuna
Sian hamagoanmuna
…… Organ ……
♫ Sigati rohamuna be sai tanda dosamu sude, paringkot rohamuna
Manjangkon Sipalua i na tuat sian surgo i manggarar utangmuna
Tanda, hata, hangoluan na binoan ni Tuhanta
Na pasae sude dosanta
♫ Ai molo so diboan ho dosam tu Jesus i na ro ndang saut be ho malua.
Tongtong ma songgop rimas ni Jahowa Debatanta i tu ho na hum
manjua. I pe sude angka dosa hinaroa ni rohamu
Pasesahon tu Tuhanmu
♫ O Debata asi rohaM tumatap hami huriaM sai taiti rohanami
Tu Jesus Kristus AnakMi naung ro tu hajolamon i baen hatuaon
nami. Tomos, gomos, baen ma hami mardalani tu na sonang
Sahat tu banua ginjang
21. Pamorhation
U : Tasombahon ma pelean on tu adopan ni Debata, martangiang ma
hita. Ale Debata Amanami na dibanua ginjang, Ho do haroroan
ni salauhut silehonlehon na denggan dohot nauli basa na
mauliutus. Hupasahat hami sian na nilehonMi tu hami, pelean
nami tu Ho. Sa jalo ma i gabe uap na hushus di joloM. Pasupasu
ma i jala ramoti, asa huparhaseang hami pelean on, patimbulhon
harajaonMu di tongatonga ni huriaM dohot di portibi on. Buhai

8. 8
ma rohanami marhitehite TondiM, asa lam hutanda hami godang
ni silehonlehonMi tu hami, asa lam girgir hami mandok mauliate
tu Ho, marhitehite Jesus Kristus Tuhannami. Amen!
H : Mangendehon BE. No. 848 : 1
♫ Dison adong huboan Tuhan, parbue ni ngolungku na so
tardok nian. Sadia ma argana Tuhan, molo sai nirajuman
sude denggan basaM. Jalo ma Tuhan, sai las ma rohaM
U : Dung tapuji Ibana Tuhan Sipalua hita, na ro mamboan hatiuron
tu ngolunta; jala dung tabege hata dohot patikNa siulahononta;
nuaeng marpadan ma hita di jolo ni Tuhan i laho mangundukhon
na patut sibahenonta songon tanda ni pangoloionta dohot
haradeonta manjangkon Ibana:
H : Pauba hamu ma rohamuna, ai nunga songgop harajaon banua
ginjang i
U : Paubahon roha, i do parbue ni haporseaon dohot haradeon
manjangkon Kristus, hombar tu joujou ni si Johannes Pandidi,
‘Parbuehon hamu ma na tama, paboa naung muba roham”.
Parbue na tama na niigilna sian hita, ima mamarangehon lomo ni
roha ni Tuhan i. Antong, borhat ma hita mamarangehon Hata i,
tapasahat ma sondang hatiuron i tu tongatonga ni portibi on.
H : Mangendehon BE. No. 720 : 1
♫ Naeng marsinondang ngolungku, diigil Jesus i
Manang didia pe ahu, tongtong huingot i
Tiur marsinondang, i do niigil ni Jesus
Tongtong marsinondang, panondang do au tutu
U : Tangiang Ale Amanami - Pasupasu