2. Ճապոնիան ժամանակակից աշխարհի հզորագույն երկրներից է: Մյուսներից զգալիորեն տարբերվում է իր աշխարհագրական դիրքով, պատմական անցյալով, լեզվով, տնտեսական զարգացմամբ և բնութագրական այլ գծերով: Ճապոնացիներն իրենց երկիրն անվանել են Նիհոն կամ Նիպոն: Չինաստանի հյուսիսում այդ երկիրն անվանել են ժի բեն գո, իսկ հարավում` Յա պոն գո հիերոգլիֆներով:
3.
4. Հենց այս վերջին ձևն էլ, որոշ փոփոխությամբ, տարածվել և ընդունվել է աշխարհի պետությունների, այդ թվում նաև` Հայաստանի Հանրապետության կողմից: Այսպիսով` Ճապոնիա բառն ունի չինարեն ծագում և նշանակում է «Ծագող արեգակի երկիր», ինչը խորհրդանշված է երկրի դրոշի վրա:
5.
6. Ճապոնիան ծովային պետություն է, որի մեծ մասը գտնվում է Հոնսյու, Հոկայդո, Կյուսյու ու Սիկոկու կղզիների, իսկ փոքր մասն էլ` Ռյուկյու, Օվկիանիա և այլ կղզեխմբերի վրա: Ճապոնիան դեռևս տարածքային չլուծված խնդիրներ ունի հարևան պետությունների հետ և, մասնավորապես` Ռուսաստանից պահանջում է 1945 թվականին ԽՍՀՄ գրաված 4 կղզիները` Իտուրուպը, Կունաշիրը, Շիկոտանը և Համոբայը:
7. Տարածքի չափով Ճապոնիան գերազանցում է եվրոպական տերություններից շատերին: Հյուսիսից հարավ գրեթե 3500 կմ ձգվածության պատճառով երկրի կլիմայական պայմանները բազմազան են:
8.
9. Հայերը Ճապոնիայում Հայերը Ճապոնիա են եկել 19-րդ դարի 2-րդ կեսից: Այստեղ գործել են «Աղաբեկ և ընկերություն» առևտրական հաստատությունները: Վերջինս գործել է Անահիտ Աբգարյանի և նրա որդու ղեկավարությամբ: Անահիտ Աղաբեկյան-Աբգարյանը 1920 թ-ին նշանակվել է Հայաստանի հյուպատոս Ճապոնիայում:
10. Նա Հայ դատի մասին հոդվածներով պարբերաբար հանդես է եկել Ճապոնիայի անգլիալեզու մամուլում, օգնել հայ գաղթականներին: Ներկայումս Ճապոնիայում բնակվում է 50-60 հայ: Գործում է հայագիտական կենտրոն, տարեկան 7-8 անգամ լույս է տեսնում «Արարատ» թերթիկը` հայերի և Հայաստանով հետաքրքրվող ճապոնացիների համար:
11. Ճապոներեն Ճապոներենը (ինքնանվանում՝ 日本語 / նիհոնգո) արևելա-ասիական լեզու է։Որևէ լեզվաընտանիքի չի պատկանում։Ճապոներենը մայրենի լեզու է 127 միլիոն մարդու համար:Ըստ աշխարհի լեզուների դասակարգման՝ խոսողների թվով 8-րդն է։Ճապոներենը պաշտոնական լեզու է Ճապոնիայում:
12. Անսպասելիճապոնիա Ճապոնիան յուրահատուկ մշակույթով երկիր է` միշտ զարմացնող, միշտ անսպասելի: Ծագող Արևի երկիրը սամուրայների, գեյշաների, հոքուների և թանկաների, թեյախմության արարողակարգի, սակուրայի հայրենիքն է: Ճապոնիայի տեսարժան վայրերն այնքան բազմազան են, որ այստեղ Դուք կտեսնեք ավելին քան երբևէ կարող էիք ակնկալել: Սա թերևս աշխարհի ամենաանկանխատեսելի երկիրն է:
13. Հյուսիսից հարավ 3500 կմ ձգվող Ճապոնիան գտնվում է 4000 կղզիների վրա, որոնցից ամենախոշորն են Հոկայդոն, Հոնսյուն, Կյուսուն և Սիկոկուն: Ճապոնիայի մակերեսը կազմում է 372,2 քառ.կմ: Ժամային գոտի. Երևանից հետ են ամռանը յոթ ժամով, ձմռանը` վեց:
14. Կլիման հիմնականում մերձարևադարձային է: Ձմռանը քամին փչում է հյուսիս-արևմուտքից, մայրցամաքից, իսկ ամռանը` հարավ-արևելքից, Խաղաղ օվկիանոսից: Ձմռանը մուսոնային քամիներով պայմանավորված առատ ձյուն է տեղում կենտրոնական, հյուսիսային, հյուսիս-արևմտյան շրջաններում:
15. Լեռները կանխում են ձյան տեղումները արևելքում և հարավում: Այդ պատճառով եղանակն այստեղ չոր է և արևոտ: Ամռանը հաճախ անձրևում է: Սովորաբար եղանակային անցումները վառ արտահայտիչ են. անձրևոտ ու շոգ ամռանը փոխարինում է պարզ ու չոր աշունը, որին էլ` մեղմ ձմեռը:
16. Քաղաքական կարգը.Ճապոնական կայսերական արքայատոհմը մեր օրերում թագավորող պաշտոնապես ամենահին արքայատոհմն է: Ըստ թ.սահմանադրության` բարձրագույն իշխանությունը պատկանում է ժողովրդին, իսկ կայսրը` տեննոն, պարզապես պետության և ազգի միասնության խորհրդանիշն է: Իշխանության բարձրագույն մարմինը խորհրդարանն է, որը կազմված է երկու պալատից` ներկայացուցիչների պալատը, որի ընտրություններն արվում են չորս տարին մեկ, և խորհրդականների պալատը` վեց տարին մեկ ընտրություններով:
17. Նախարարներին` վարչապետի գլխավորությամբ ընտրում է խորհրդարանը, իսկ վարչապետի թեկածուին հաստատում է կայսրը: Ճապոնիան բաժանվում է վարչատարածքային միավորների: Այդ շրջաններն են Տոկիոն, Օսական, Կիոտոն: Բնակչությունը կազմում է շուրջ 126,5 մլն. մարդ, որոնց 99%–ը ճապոնացիներ են: Դրամական միավորը ճապոնական յենան է (JPY), որը գործածության մեջ է 10000, 5000, 1000–ոց թղթադրամներով և 500, 100, 50, 10, 5, 1 արժեքի կոպեկներով:
18.
19. Հաստատությունների աշխատանքային ժամերը.Բանկերն աշխատում են ժամը 9.00-ից մինչև 15.00-17.00 և 9.00- 12.00` ամսվա առաջին և վերջին շաբաթ օրերին: Կիրակին հանգստյան օր է: Տոկիոյի միջազգային օդանավակայանում տարադրամի փոխանակման կետերը աշխատում են շուրջօրյա: Հանրախանութները սովորաբար աշխատում են 10.00- 19.00` շաբաթը վեց օր, իսկ մնացած խանութները` 10.00-11.00 և 19.00-20.00:
20. Էլեկտրաէներգիայի հոսանքի լարումը 120 վոլտ է: Տեսարժան վայրերըՃապոնիայում առաջին հերթին աչքի է ընկնում խնամքով պահպանված բնությունը: Ցանկացած կտոր հող, ցանկացած փոքրիկ լճակ կարող է համարվել փոքրիկ արգելանոց կամ սրբատեղի և արժանանալ ողջ համայնքի ուշադրությանը: Ողջ երկրով մեկ ցրված պատմական հուշարձանները, տաճարներն ու շենքերն այնքան լավ ու մաքուր են պահպանված, որ տպավորում են ցանկացած այցելուի:
21. Ճապոնիան արտադրում է աշխարհում լավագույն մարգարիտը: Այդ պատճառով էլ շատ “մարգարիտի ֆերմաներ” հանդիսանում են հետաքրքիր տուրիստական կենտրոններ, որոնք ունեն տարին շուրջ կես միլիոն այցելու: Տոկիոն (մինչև 1868 թ.` Էդո) աշխարհի խոշորագույն քաղաքներից մեկն է` հիմնադրված XV դարում` չինական հնագույն մայրաքաղաք Չինյանի նմանակությամբ: Մինչ օրս այս հսկայական մեգապոլիսը պահպանել է բազմաթիվ հին փայտե շենքեր ու տաճարներ, որոնք հակադրվում են գերժամանակակից թաղամասերին, որոնք էլ իրենց հատուկ հմայնքն ունեն: