2.  A clase está nun colexio público de educación primaria na
Cañiza, nun ámbito rural. Situámonos no segundo ciclo, en 3º
de primaria, con alumnos/as de 8 anos. A clase conta con
20 nenos/as, entre os que temos dous alumnos estranxeiros.
 O nivel socio-económico das familias é medio, aínda que se
viu afectado nos últimos tempos. Todos los alumnos asisten a
actividades extraescolares no centro. Respecto á
lingua, moitos dos rapaces/as son galegofalantes.
 A lingua estranxeira que se estuda no colexio é o francés
e, hai dous anos, a dirección e o profesorado prepararon un
plan de bilingüismo que finalmente foi aprobado. Este
curso, na nosa clase, impartirase a área de Coñecemento
do Medio en francés.

3. 1. Lingua inicial e habitual. É importante saber con que lingua
aprendeu a falar o neno e cal é a habitual no seu entorno
familiar para coñecer os puntos fortes e débiles á hora de
expresarse.
2. Nivel en lingua estranxeira: debemos coñecer o nivel xeral
de francés da clase para poder impartir a área
correspondente sen grandes dificultades.
3. Análise xeral sobre as linguas: paréceme imprescindible
coñecer a opinión dos alumnos e partir dos seus
intereses, polo que creo conveniente que se expresen
acerca dos idiomas e da súa aprendizaxe.

4.  Cuestionario aos pais para coñecer a lingua inicial e habitual
dos alumnos/as así como o seu contacto, se existe, con
outras linguas (criterio 1 e 3).
https://docs.google.com/forms/d/1DTKmzp4LoLTXGxeu1zb4c9K
ySCLf7HdmWdJ4sa95BYQ/edit
 Concurso por equipos: En catro equipos teñen que unir
imaxes, neste caso de froitas, co seu nome en francés nun
tempo determinado. Escollín o vocabulario das froitas, pero
poderiamos elixir outra temática.
 Debate sobre as linguas, a súa aprendizaxe, os idiomas que
lles gustaría aprender, se preferirían que en vez de francés
fose outra a lingua estranxeira que se imparte no centro, etc.
Todos deberán participar e opinar.

5.  Organización: imaxinei un centro rural para realizar a
contextualización, pensei nos elementos que quero avaliar acerca
das linguas, tendo en conta a área que imos impartir en francés, e
como podemos avaliar ditos elementos. Fixen o cuestionario para os
pais en “google drive” seguindo un titorial que tiven que buscar e
fixen en word a actividade para o concurso. O debate tíñao claro
porque considero moi importante a interacción entre toda a clase e
que cada alumno/a exprese a súa opinión sobre un tema, neste
caso, as linguas.
 Problemas: o maior problema atopeino á hora de elaborar os
criterios que quero avaliar porque non tiña claro como enfocar unha
avaliación inicial. Outro momento no que dubidei foi ao decidir
como avaliar o segundo criterio (o do nivel de francés) porque elixín
de exemplo o tema das froitas pero realmente non sei se en 3º curso
terían tanto vocabulario sobre ese tema.

6.  Con esta tarefa aprendín a organizar e sintetizar coñecementos, así
como a poñer en marcha conceptos como o de avaliación inicial.
Ao deseñar os factores a avaliar e como avalialos, traballamos a
planificación e avaliación de procesos de ensino e aprendizaxe.
Na clase traballamos distintos tipos de competencias como a
lingüística, mediante a expresión oral e escrita; sociocultural, a
través da interacción entre iguais; e a pragmática segundo as
habilidades que mostre ao realizar as actividades.
 Opinión: pareceume un traballo útil porque, como xa dixen, non
sabía como presentar unha avaliación inicial. Non estou moi
satisfeita co resultado porque creo que os métodos que utilicei
para avaliar os criterios propostos non son tan creativos como
quixese, aínda que o intentei. Por outra parte, a tarefa axudoume a
recordar e a traballar competencias que debo adquirir.