1. МОД ҮРЖҮҮЛЭГ
ОЦ Тэнхим

2. 
Модлог мөчрөөр үржүүлэх арга :
1. Модлог мөчрүүдийг 3-4-р сард жимс өгдөг насны, сайн
хөгжсөн эрүүл бутнуудаас шилж тайрна. 15-20 см-ийн урт
тайрдсыг 2 дахь настай мөчрүүдээс, нахиа задраагүй үед
хавар ихээр бэлтгэвэл зохино.
Тайрдсыг багц болгон боож, уртынхаа гуравны 2 хэсгээр
усанд хийж, үндэс ургаж эхэлтэл усанд байлгана. Ус нь
өрөөний дулаантай ижил байх бөгөөд усаа өдөр бүр солино.
Тайрдасны үзүүрт үндэслэх даавар түрхэсний дараа
тэдгээрийг хүлэртэй саванд хийж, 15-20оС дулаанд байлгаж
үндэслүүлнэ. Үндэс нь 1-2 см урт болоход тайрдсуудыг шууд
талбайд шилжүүлэн суулгана.

3. 

2. Мөчрийг тусгайлан хадгалж байгаад 5-р сарын дунд үеэс
хөрсийг сайн бэлтгэж талбайд 45о-ийн налуу суулгаж сайтар
арчлана. Мөчрийг талбайд суулгахын өмнө, талбайд дэвсгийг
нийлэг хальсаар бүрхэж мөчир суулгах ором бүр дээр
мөчрийн голчтой тэмцэх хэмжээний нүх гаргаж, тэр нүхэндээ
модлог тайрдсыг суулгана. Усалгаа тордолгоо сайн хийсэн
нөхцөлд чанар сайтай суулгац бэлтгэнэ.
Ногоон мөчрөөр үржүүлэх арга : Ногоон мөчрөөр
үржүүлэхдээ тусгай мананжуулагч төхөөрөмж ашиглана.
Мананжуулагч нь 25-30см урт, 6.5-7.5м өргөн хүлэмж байвал
зохимжтой .Хүлэмж доорх хөрсийг голын хайрга, хар шороо,
голын бүдүүн ширхэгтэй элсийг үелүүлж бэлтгэнэ. Бэлтгэсэн
хөрсийг сайтар норгосны дараа, идэвхжүүлэгчид 16-20 цаг
байлгасан ногоон мөчрийг элсэн давхаргад нь 5-7 см-ийн гүнд
суулгана. Манан үүсгэгч нь 1,5 м-ийн алгасалтай нарийн
хоолой дээр бэхлэгдсэн шүршигч байна.Шүршигчийг газар
доор, дээр мөн агаарт байрлуулж болно

4. 



Цахилгаан мотороор ажиллах шүршигчийг 30-35 минут тутамд
нэг удаа ажиллуулна.Энэ хугацаа нь цаг агаараас шалтгаалан
хэлбэлзэлтэй байна.
Мананжуулагч дээр хөндлөн байрласан цагаан хөшиг байвал
тэр нь нарны хурц цонолтоос хамгаалдаг.
Мананжуулагчийг зөөврийн болон байнгын байдалтай
байхаар зохион бүтээж болно.
Мөчир бэлтгэх эх ургамлын талбайг сонгох : Сайн
чанарын өвчин хортонд нэрвэгдээгүй эрүүл тарьцыг олноор
бэлтгэж хэрэглэгчдийн эрэлт шаардлагыг цэвэр сортын
тарьцаар тасралтгүй хангах үндсэн нөхцлийн нэг нь тухайн
орон нутгийн байгаль цаг уурын нөхцөлд дасан зохицож
амьдрах чадвартай, цэвэр сортын ургамлыг хүрэлцэх
хэмжээгээр тарьсан эх ургамлын талбайтай байх явдал юм.

5. 

Эх ургамал тарьсан талбай нь эх ургамлаас мөчир авч
үржүүлэх талбайн ойролцоо цас борооны ус тунаж
намагшихааргүй, салхинаас нөмөр, нарлаг урагшаа бага зэрэг
налуу буюу тэгш гадаргуутай, хөрс нь ус агаарын солилцоо
сайн хөнгөн механик бүтэцтэй, чийг, ялзмаг, тэжээлийн бодис,
ялангуяа фосфор калиар баялаг дунд ба хөнгөн шавранцар ,
ул хөрсний ус хөрсний гадаргуугаас 1-1,5м ба түүнээс доош
гүнд байх нь хамгийн тохиромжтой.
Эх ургамал тарьсан талбай эх ургамлаас мөчир авч
үндэслүүлж үржүүлэх талбайтай ойр байх нь эх ургамалд
үзэгдэл зүйн ажиглалт хийж мөчир авах хугацааг зөв тогтоох,
эх ургамлаас авсан мөчрийг түргэн үндэслүүлэх талбайд
шилжүүлэн суулгах, мөчир авч зөөх зардал, цаг хэмнэх
мөчрийн үндэслэлтэнд нааштай нөлөөлөх ач холбогдолтой .