1. CAMPAÑA DE SENSIBILIZACIÓN:
RUTA DE LA LUZ E ACCI
Ruta de la Luz y ACCI (Asociación Contra la Ceguera Infantil) son dúas
organizacións que traballan na procura da saúde visual en contextos onde esta
non está garantida, centrando a súa acción en países pouco desenvolvidos nos
que a poboación non ten os medios suficientes ou non existen infraestruturas
sanitarias e sociais que a promovan.
A nosa profe de Reli de primaria, Begoña, propuxo esta actividade tan
interesante tras ter coñecemento do traballo destas dúas organizacións. Tan
fácil como reparar e graduar gafas vellas e darlle unha nova utilidade.
Oftalmólogos voluntarios encárganse de atravesar medio mundo para facer
revisións e proporcionar gafas a centos de persoas que as precisan. Desde o CPI
Virxe da Cela queremos apoiar esta iniciativa, e o alumnado de 1º da ESO
traballou previamente para buscar lemas para esta campaña e tamén para
visitar as aulas de todo o centro para sensibilizar ao alumnado e entregar cartas
informativas ás familias pedindo a súa colaboración.
Cun simple xesto podemos devolver a luz a moitas persoas que viven na
semipenumbra e no umbral da pobreza. Soamente temos que depositar as
gafas que teñamos nas casas e non utilicemos nas furnas situadas nas entradas
de primaria e de secundaria. E como din os rapaces/zas de 1º da ESO, “para
doar gafas non precisas ollos, senón corazón”.