1. CONCELLO DE REDONDELA
BASES PARA A SELECCIÓN DUN/HA TÉCNICO DE PROSPECCIÓN LABORAL PARA
O
PLAN
DE
EMPREGO
DE
REDONDELA
(PER
III),
FINANCIADO
POLA
CONSELLERIA DE TRABALLO E BENESTAR
Primeira- Obxecto da convocatoria:
O obxecto da convocatoria é a selección dun/ha técnico/a de Prospección Laboral, grupo A2, en réxime
de funcionario/a interino/a ao abeiro do establecido no Estatuto Básico do Empregado Público no seu
artigo 10.1.c), para colaborar no desenvolvemento do Plan integral de emprego (PER III), financiado
pola Consellería de Traballo e Benestar e que desenvolverá este Concello:
•
Dende o nomeamento e ata que a xuízo do concello deixe de ser necesaria a intervención
deste/a profesional e, en todo caso, ata o 14 de xuño do 2014 ou como máximo ata que finalice o
PER III.
•
30 horas semanais (80%) xornada de traballo, a razón de 6 horas/día, de luns a venres e en
horario variable segundo as necesidades do servizo.
Segunda- Funcións:
Tendo en conta que este/a técnico/a terá como obxectivo esencial promover a inserción social e
laboral dos beneficiarios do programa, mediante a prospección o desenvolvemento de itinerarios
individualizados e integrais de inserción. As súas principais funcións serán:
- Deseño, seguimento e execución de accións de intermediación para as persoas do proxecto.
- Apoio ás accións de orientación e acompañamento.
- Análise do mercado de traballo.
-Captación de ofertas de emprego.
-Apoio na selección dos/as candidatos/as con posibilidades de inserción sociolaboral.
-Mantemento de relacións e contactos directos co tecido empresarial, creando unha rede estable de
contactos entre o empresariado da área e o concello que facilite a incorporación das persoas
beneficiarias do programa no mercado laboral, a través de: ofertas de emprego, convenios, etc.
-Detección de necesidades formativas, así como axuda no deseño, programación, posta en marcha e
seguimento das mesmas (cursos de formación, convenios de colaboración con empresas, etc...).
-Colaboración na inserción laboral efectiva co/ca orientador/a laboral e o resto do equipo técnico
na adecuación dos perfiles ás necesidades das empresas xestionando as ofertas e facendo a
derivación das persoas candidatas ós postos ofertados.
-Elaboración de informes, memorias, seguimento e xustificación de proxectos.
-Mecanización no aplicativo informático de toda a información xerada e outras tarefas
administrativas necesarias.
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
2. CONCELLO DE REDONDELA
-Realizar todas as actividades e accións que se consideren necesarias para acadar os obxectivos
mínimos de inserción que esixe o proxecto.
-Calquera outra relacionada co posto de traballo.
Terceira- Retribución e orzamento:
Funcionario/a interino/a, cunhas retribucións brutas mensuais de 1.671,61 euros, máis parte
proporcional da paga extra (238,60 euros).
Cuarta- Requisitos dos/as aspirantes:
Poderán solicitar tomar parte nesta convocatoria as persoas físicas que reúnan os seguintes requisitos:
a) Ser español/a. As/os nacionais dos demais estados membros da Unión Europea e as/os
estranxeiras/os residentes en España poderán acceder en igualdade de condicións que as/os
españolas/españois a aqueles sectores da función pública aos que segundo o Dereito Comunitario
sexa de aplicación a libre circulación de traballadores/as. Deberán acreditar a súa nacionalidade ou a
súa residencia respectivamente e o cumprimento das condicións establecidas para todas/os as/os
aspirantes, mediante tarxeta acreditativa orixinal ou fotocopia cotexada, da súa identidade, expedida
polas autoridades competentes do seu país de orixe.
b) Ter cumpridos dezaseis anos e non exceder, no seu caso, da idade máxima de xubilación forzosa.
c) Posuír unha titulación de diplomado/a ou equivalente aos efectos de acceso ao emprego público.
Acreditarase mediante fotocopia compulsada do título ou no seu caso, do resgardo de ter efectuado o
depósito para obtelo, ou certificación oficial de ter superados os estudios conducentes para a súa
expedición.
d) Posuír a capacidade funcional así como a capacidade física necesaria para o desenvolvemento das
tarefas.
e) Non ter sido separado/a mediante expediente disciplinario do servizo de calquera das
Administracións Públicas ou dos órganos constitucionais ou estatutarios das Comunidades
Autónomas, nin atoparse en inhabilitación absoluta ou especial para empregos ou cargos públicos por
resolución xudicial, para o acceso ao corpo ou escala de funcionario. No caso de ser nacional doutro
Estado, non atoparse inhabilitado/a ou en situación equivalente nin ter sido sometido/a a sanción
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
3. CONCELLO DE REDONDELA
disciplinaria ou equivalente que impida, no seu Estado, nos mesmos termos o acceso ao emprego
público.
f) Non estar incurso/a en causas de incompatibilidade de conformidade co disposto na Lei 53/1984, de
26 de decembro, de incompatibilidades do persoal ao servizo das administracións públicas.
g) Posuír carné de conducir e dispoñibilidade de vehículo para desenvolver as funcións.
As/os aspirantes teñen que estar en posesión de todos os requisitos no intre en que remate o prazo de
presentación de instancias.
Quinta- Solicitudes:
As solicitudes das/dos candidatas/os poderá presentarse no rexistro xeral do Concello ou a través de
calquera das formas establecidas no art. 38.4 da Lei 30/92 de réxime xurídico das administracións
públicas e do procedemento administrativo común, xunto coa documentación acreditativa dos
méritos e dos requisitos establecidos na base cuarta no prazo máximo de 5 días hábiles, a contar
dende o día seguinte da publicación desta convocatoria nun diario de maior difusión da zona. Así
mesmo, as bases publicaranse na páxina web do Concello (www.redondela.es).
No caso de presentarse fóra do Concello o/a aspirante deberá dirixir por fax ao núm.: 986 403 894,
unha copia da instancia e documentación que presenta, con anterioridade ao remate do prazo para os
efectos de que poida ser incluído/a na relación de admitidos/as. No caso de non enviala por fax
quedará automaticamente excluído/a.
As/os aspirantes acompañarán ás instancias a seguinte documentación:
•
Fotocopia compulsada do DNI.
•
Fotocopia compulsada do título universitario.
• A cumprimentación do Anexo I que supón as declaracións xuradas de cumprir os requisitos
sinalados na base 4.ª apartados d),e), f).
•
Fotocopia compulsada dos documentos acreditativos dos méritos que se aleguen, tanto a
experiencia profesional como a formación.
-A experiencia profesional acreditarase do seguinte xeito:
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
4. CONCELLO DE REDONDELA
- Os servizos prestados na Administración Pública, mediante copia compulsada do certificado
orixinal destes servizos, con especificación das funcións realizadas, expedido polo órgano de xestión
de persoal da administración pública competente.
- Os servizos prestados noutras entidades distintas da Administración Pública así como en empresas
privadas acreditaranse mediante copia compulsada do contrato laboral con especificación de
categoría laboral, certificación de vida laboral actualizada expedida pola Tesourería da Seguridade
Social, así como unha certificación expedida polo órgano competente das devanditas entidades onde
se prestou servizos na que figure de forma detallada as funcións desempeñadas e o tempo durante o
cal as desempeñou.
-A formación acreditarase achegando fotocopia compulsada do certificado do curso.
Tras rematar o prazo de presentación de solicitudes, o alcalde ou órgano no que delegue aprobará a
lista provisional de aspirantes admitidos e excluídos, no prazo máximo de 7 días hábiles, que será
exposta no Taboleiro de Edictos do Concello e na páxina web do Concello para os efectos de
reclamacións, as cales poderán presentarse no prazo de 2 días hábiles. De non haber reclamacións a
lista provisional, esta elevarase a definitiva.
De haber reclamacións e unha vez resoltas, o alcalde ou órgano no que delegue aprobará a lista
definitiva de aspirantes admitidos e excluídos que se publicará no Taboleiro de Edictos do Concello e
na páxina web do Concello.
Sexta- Tribunal cualificador:
O Tribunal cualificador e avaliador deste procedemento de selección será designado polo Alcalde e
estará integrado por:
O/A Presidente/a:
Un/unha funcionario/a de carreira ou persoal laboral fixo.
As/Os Vogais:
Un/unha funcionario/a de carreira ou persoal laboral fixo.
O/A Secretaria/o:
Un/unha funcionario/a de carreira ou persoal laboral fixo.
As persoas integrantes do Tribunal deberán posuír a titulación ou especialización igual ou superior
para o acceso á praza convocada.
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
5. CONCELLO DE REDONDELA
A composición do Tribunal tenderá á paridade caso de que sexa posible entre mulleres e homes.
O Tribunal quedará integrado, ademais, polas/os respectivas/os suplentes que serán designadas/os
coas/os titulares.
A designación das/os integrantes do Tribunal farase mediante Resolución do alcalde ou órgano no
que delegue na que se fixará a data, hora e lugar no que se valorarán os méritos.
Os membros do tribunal estarán suxeitos ao disposto nos artigos 28 e 29 da Lei 30/1992, de 26 de
novembro, de réxime xurídico das administracións públicas e do procedemento administrativo
común.
Sétima- Sistema de selección:
O proceso constará de 2 fases: valoración de currículo e proba tipo tema - entrevista persoal máis proba
de galego:
1.ª FASE: VALORACIÓN DE CURRÍCULO: 50% da puntuación. Máximo 5 puntos.
A- Experiencia Laboral: Máximo 2,5 puntos.
- 0,25 puntos por cada período de seis meses de experiencia en posto igual ou similar ao que aspira.
De ser a tempo parcial terase en conta na proporción que corresponda: programas integrados de
emprego, programas de recolocación ou servizos de outplacement, experiencia comercial en venta de
produtos relacionados con recursos humanos, experiencia comercial en xestión e venta de plans de
formación ocupacional ou continua, desenvolvemento de convenios de colaboración para a inserción
laboral, tanto na Administración Pública, como noutras entidades, así como en empresas privadas.
Os servizos prestados na Administración Pública acreditaranse mediante copia compulsada do
certificado orixinal dos servizos prestados, con especificación das funcións realizadas, expedido polo
órgano de xestión de persoal da administración pública competente.
A experiencia alegada noutras entidades distintas da Administración Pública así como nas empresas
privadas, acreditaranse mediante copia autenticada do contrato laboral con especificación de
categoría laboral, certificación de vida laboral actualizada expedida pola Tesourería da Seguridade
Social, así como unha certificación expedida polo órgano competente das devanditas entidades onde
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
6. CONCELLO DE REDONDELA
se prestou servizos na que figure de forma detallada as funcións desempeñadas e o tempo durante o
cal as desempeñou.
B- Titulación académica: Máximo 0,5 puntos
Por posuír calquera titulación media ou superior, agás a alegada para acceder ao posto.
No caso de posuír titulación superior e media na mesma especialidade só se puntuará a superior.
C- Formación complementaria: Máximo 1 punto
Valorarase ter asistido a másters e cursos de formación en materias relacionadas coas técnicas de
inserción, técnicas de comunicación e motivación, técnicas de venta, atención ao público e en xeral
cursos relacionados coa mediación laboral.
Só se valorarán os cursos organizados por centros oficiais dependentes da Administración do Estado,
Comunidades Autónomas e Admón. local, universidades, colexios oficiais ou escolas da
Administración Pública, incluídos os organizados por sindicatos, entidades sen ánimo de lucro e
organizacións empresariais no marco dos Acordos Nacionais ou Autonómicos de Formación
Continua e sempre que teñan relación coas funcións propias do posto a xuízo do tribunal
Non se computarán cursos de menos de 20 horas nin xornadas, seminarios, congresos ou similares,
nin os certificados ou diplomas nos que non se especifique a duración da correspondente acción
formativa.
Acreditarase coa correspondente fotocopia compulsada do título do curso.
Puntuación de 0,05 puntos por cada 20 horas formativas.
D- Informática: Máximo 0, 5 puntos
Por cursos sobre coñecementos informáticos en:
.- Procesador de texto…………………………………………….0,10 puntos
.- Folla de cálculo……………………………………………….. 0,10 puntos
.- Base de datos……………………………………………..……0,10 puntos
.- Xestión de presentacións mediante diapositivas…………....... 0,10 puntos
.- Manexo de internet………………………………………...…. 0,10 puntos
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
7. CONCELLO DE REDONDELA
No caso de que nun mesmo curso se impartira un paquete informático, que inclúa todos ou algúns
dos anteriores, valoraranse por separado segundo o que se desprenda do programa do diploma
acreditativo.
Só se valorarán os cursos organizados por centros oficiais dependentes da Administración do Estado,
Comunidades Autónomas e Admón. local, universidades, colexios oficiais ou escolas da
Administración Pública, incluídos os organizados por sindicatos, entidades sen ánimo de lucro e
organizacións empresariais no marco dos Acordos Nacionais ou Autonómicos de Formación
Continua.
No caso de acreditar varios cursos en cada unha das categorías só se valorará un deles.
Acreditarase coa correspondente fotocopia compulsada do título do curso.
E- Galego: Máximo 0,5 puntos.
Curso de perfeccionamento ou Celga 4..................................................... .0,10 puntos
Linguaxe administrativa nivel medio……………………………………..0,15 puntos
Linguaxe administrativa nivel superior……………………………… …0,25 puntos
No caso de acreditar varios cursos, só se puntuará o de maior puntuación.
Só se concederá validez aos cursos ou titulacións homologados pola Dirección Xeral de Política
Lingüística da Consellería de Educación e Ordenación Universitaria.
Acreditarase coa correspondente fotocopia compulsada do título, diploma ou certificación expedida
para o efecto.
2ª FASE: PROBA TIPO TEMA: 50% da puntuación. Máximo 5 puntos.
Os/as aspirantes deberán desenvolver un programa de Prospección Laboral para a inserción das
persoas usuarias do PER III, que teña como ámbito de actuación o concello de Redondela e os
concellos da Mancomunidade da Área Intermunicipal de Vigo (totalmente inventado e deseñado por
eles) cunha duración de 12 meses.
O colectivo para o que deberá estar destinado o Programa será: mozos/as menores de 30 anos,
mulleres, persoas desempregadas de longa duración e procedentes de empresas en crise.
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
8. CONCELLO DE REDONDELA
A programación incluirá necesariamente:
1- Enumeración e descrición de cada unha das accións a desenvolver cos colectivos descritos..
2- Descrición dos recursos a utilizar no seguimentos das distintas accións propostas.
3- Cronograma de execución do programa.
4- Sistema de avaliación e seguimento das distintas accións programadas.
O programa a desenvolver adaptarase necesariamente aos colectivos e ao ámbito de actuación
descritos.
Esta programación, dun máximo de 6 folios a unha cara (portada incluída) en letra Times New
Roman 12, interliñado sinxelo e marxes 3,3,3 e 2, deberá ser entregada polas persoas aspirantes ao
tribunal o mesmo día en que deban proceder á exposición desta. As persoas aspirantes disporán de 15
minutos para realizar a exposición e defensa da programación que será pública.
A data de exposición e defensa da programación publicarase no taboleiro de anuncios e na paxina
web do concello polo menos con 3 días de antelación.
O tribunal disporá de 10 minutos para realizar ás persoas aspirantes preguntas que versen acerca da
programación por eles presentada así como acerca do funcionamento dos programas integrados en
xeral.
PROBA GALEGO: DE CARACTER OBRIGATORIO E ELIMINATORIO, SOBRE
COÑECEMENTO DO GALEGO PARA ASPIRANTES NON EXENTOS/AS
Estarán exentos de realizar esta proba os/as aspirantes que acrediten estar en posesión, como mínimo,
do CELGA 4.
A proba consistirá en comentar en galego, sen axuda de dicionario, un texto elixido polo tribunal
inmediatamente antes do inicio do exercicio, no tempo establecido polo tribunal. A cualificación
deste exercicio será de apto ou non apto.
A cualificación final estará determinada pola suma total das puntuacións obtidas nas fases do
concurso e da oposición propóndose polo tribunal o nomeamento da persoa aspirante que acade a
maior puntuación global.
Oitava:
Tras rematar a cualificación, o tribunal publicará no taboleiro de edictos e na páxina web do Concello
a relación da persoa seleccionada por orde de puntuación obtida. No caso de empate resolverase a
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
9. CONCELLO DE REDONDELA
favor do/a aspirante que obtivera maior puntuación na proba práctica e de manterse a igualdade,
adxudicaríase ao/á aspirante que obtivera maior puntuación no apartado de experiencia profesional e
de persistir o empate ó /á persoa que tivera máis puntuación no apartado de formación
complementaria.
O tribunal proporá ao alcalde xunto coa acta da sesión o nomeamento da persoa seleccionada. Así
mesmo elaborará unha relación de reservas por orde da puntuación obtida por se fose necesario cubrir
algunha baixa ou renuncia da persoa seleccionada.
A persoa seleccionada presentará, no prazo máximo de dous (2) días, certificado médico oficial no
que se faga constar que reúne as condicións físicas e sanitarias necesarias para o desenvolvemento
das tarefas obxecto da convocatoria, fotocopias do DNI, da tarxeta da Seguridade Social e
certificación bancaria, segundo o modelo que lle achegará o Concello.
Novena- Normas de aplicación:
Para o non previsto nestas bases será de aplicación a Lei 7/1985, de 2 de abril así como cantas
normas de igual ou superior rango sexan aplicables. A convocatoria, bases e actos administrativos
derivados da mesma serán recorribles nos termos previstos na Lei 30/1992, de 26 de novembro, de
réxime xurídico das administracións públicas e do procedemento administrativo común e na Lei
29/1998, de 13 de xullo, reguladora da xurisdición contencioso-administrativa.
Décima- Prazos:
Se os días de finalización dalgún prazo ou actuación obrigada destas bases fosen festivo ou sábado,
pasarase ao seguinte día hábil.
Redondela, 29 de novembro de 2013.
O alcalde
Javier Bas Corugeira
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894
10. CONCELLO DE REDONDELA
ANEXO I
Eu, don/dona___________________________________ con NIF _________________ e domicilio
en _______________________________________ achego esta declaración xunto coa solicitude para
participar na selección para a contratación dun/ha Técnico/a de Prospección Laboral para o Plan de
Emprego do Concello de Redondela:
a)
Que posúo a capacidade funcional para o desempeño das tarefas.
b)
Que non fun separado/a mediante expediente disciplinario do servizo de calquera das
Administracións Públicas ou dos órganos constitucionais ou estatutarios das Comunidades
Autónomas, nin me atopo en inhabilitación absoluta ou especial para empregos ou cargos públicos
por resolución xudicial, para o acceso ao corpo ou escala de funcionario, ou para exercer funcións
similares ás que desempeñaban no caso do persoal laboral, no que fora separada/o ou inhabilitada/o.
No caso de ser nacional doutro Estado, non me atopo inhabilitada/o ou en situación equivalente nin
teño sido sometida/o a sanción disciplinaria ou equivalente que impida, no seu Estado, nos mesmos
termos o acceso ao emprego público.
c)
Que non estou incursa/o en ningunha das causas de incapacidade ou incompatibilidade que
determinen as disposicións vixentes.
Redondela,
de
de 2013.
r/ Alfonso XII, 2; 36800 Redondela (Pontevedra), NIF – P – 3604500 – C, Telf: 986 400 300 – Fax: 986 403 894