3. Ռուսա 2-րդը Արգիշտի 2-ի որդին Վանի թագավորության վերջին ականավոր
տիրակալը դարձավ Ք.ա. մոտ 685-645թվականները: Նա շարունակեց Սարդուրի
2-րդի սկսած կառավարման համակարգի բարեփոխումը համադաշնությունների
համակարգից անցումը գերկենտրոնացված պետական կառավարման մոդելին:
Զարկ տրվեց քաղաքաշինությանը. հիմնվեցին ընդարձակ բնակելի թաղամասեր
ունեցող բազմաթիվ նոր քաղաքներ: Անցկացվեցին նոր ջրանցքներ, հիմնվեցին
այգիներ, զարգացան արհեստներն ու առևտուրը, ծաղկում ապրեց ամբողջ
տնտեսությունը: Ռուսա II-ի արտաքին քաղաքականության մասին տեղեկանում
ենք, որ իշխանության առաջին տարիներին նա արշավանքներ է կազմակերպում
Եփրատից արևմուտք տարածվող մի շարք երկրների դեմ: Ք.ա. 660-ական թթ.
սկզբին կրկին սրվում են հարաբերությունները Ուրարտուի և Ասորեստանի միջև:
Ք.ա. 715-714 թթ. թշնամական արշավանքներ էին ձեռնարկել Վանի տերության
դեմ` դրանով նաև նպաստելով վերջինիս թշնամի Ասորեստանի հաջողությանը: