1. Kebo karo Kancil
Oleh: Tatim Hayati
Ing pinggir kali cedhak alas, ana baya
ketindhihan wit gedhe kang ambruk.
Baya bengok-bengok njaluk tulung.
Kacarita ana kebo alasan liwat.
Kebo welas marang baya nanging ora wani
nulungi.
Kebo wedi karo baya, kuwatir yen dimangsa.
Kebo gelem nulungi, angger baya janji yen wis
ditulungi ora nyakot kebo.
Baya nyaguhi panjaluki kebo.
Wit kang nindhihi baya disundang nganggo
sungune kebo.
Wit bisa ginggang saka awake baya.
Baya banjur bisa mlaku.
2. Baya banjur nyakot punuke kebo.
Kebo bngok-bengok.
Baya tetep nyakot, ora gelem ngeculake.
Baya kandha jare luwe banget.
Krungu swara bengok-bengok, kancil nyedhaki.
Kancil takon marang kebo apa sebabe.
Kebo nyritakake lelakone, saka wiwitan tekan
pungkasan.
Ambekane ngansur-angsur, ngampet lara.
Kanciltakon marang baya, apa bener kandhane
kebo.
Baya kapeksa ngculake olehe nyakot kebi.
Baya kandha yen omingane kebo goroh.
Kancil nuli kandha, supaya kebo mbalekake bae
wit sing tumumpang ing awake baya. Kancil arep
weruh sanyatane, supaya bisa netepake sapa
sing bener lan sapa sing luput.
Baya dikon kancil turon ing panggonane sakawit.
Baya maune wegah, nanging suwe-suwe manut
kandhane kancil. Kebo age-age ngankat wit
3. nagnggo sungune, ditumpangake gegere baya.
Wekasane kancil banjur ngajak kebo lunga saka
kono.
Baya njaluk tulung ora ditulung.
Wangsulana pitakonan ing ngisor iki.
1. Apa judhule pitakonan ing dhuwur?
2. Sapa kang ketindhihan wit gedhe kang
ambruk?
3. Sapa sing welas marang baya?
4. Kepriye janjine baya marang kebo?
5. Genea baya nyakot punuke kebo?
6. Sapa sing teka wayah kebo bengok-bengok?
7. Apa prentahe kancil marang kebo?
8. Sawise baya kethindihan wit gedhe maneh,
apa kang ditindakake kancil lan kebo?