1. TES[T] ESCOITA ACTIVA NA
ORIENTACIÓN LABORAL?
1
SI NON
ES UN/HA ORIENTADOR/A LABORAL QUE SABE ESCOITAR ATA O FINAL
SEN INTERROMPER?
Se o fas por axudar, o/a usuario/a non se vai molestar porque o
interrompas.
Necesitas interromper un pouquiño ao usuario/a porque se non
entreteríate demasiado tempo.
É preciso interromper ao usuario/a cando está equivocándose nalgún punto
do seu problema para reformulalo correctamente antes de seguir.
Para rematar antes, contestas en canto te das conta do que te quere
preguntar, aínda que o/a usuario non acabase.
Discutes co usuario/a só cando estás seguro/a de que tes razón.
CANDO ESCOITAS Á PERSOA USUARIA, ATENDES SEN DISTRACCIÓNS?
A túa experiencia na orientación laboral fai que xa escoitaras moitas veces
as mesmas protestas e queixas, así que cando comezan con estas historias
pensas noutra cousa ata que acaben.
Cando tes unha forte discusión cun usuario/a non podes evitar seguir
pensando niso aínda que xa esteas atendendo a outra persoa.
Pola túa profesionalidade recoñeces facilmente os problemas dos teus
usuarios/as, e mentres chos van acabando de explicar ti xa vas organizando
mentalmente a solución que lles vas dar.
Ás veces as persoas usuarias do servizo de orientación laboral están
demasiado nerviosas e mesturan moitas ideas ao falar. Para non alporizarte
e contestarlles mal, tentas pensar noutra cousa?
Hai ocasións nas que mentres escoitas a unha persoa desempregada te
estás impacientando e pregúntaste por que non formulará a pregunta
concreta dunha vez.
ATENDES Á LINGUAXE NON VERBAL?
Se chega unha persoa moi enfadada deixas que desafogue escoitándoa ata
o final.
Sacas tanta información dos xestos e posición corporal dun/ha usuario/a
coma das propias palabras.
Tes moi en conta como se atopa a persoa usuaria para valorar como
contestarlle.
Non che pagan por aguantar as broncas de ninguén e cando un/ha usuaria
comeza a alterarse fas que escoitas pero, en realidade, procuras
abstraerte.
Prestas toda a túa atención ás palabras do/a usuario/a, sen distraerte
avaliando o seu aspecto, respiración, xestos, posición corporal...
INCENTIVAS A COMUNICACIÓN DA PERSOA USUARIA?
Non das por rematada unha cita cun/ha usuario/a ata que non lle fixeches
todas as preguntas que precisas para entender ben o que lle pasa.
2. Hai usuarios/as que teñen moitas dificultades para facerse entender e
2
tratas de axudarlles a expresarse.
É importante que as persoas que van onda ti saiban que tes interese polo
que che contan, por iso mentres falan asentes coa cabeza ou con
expresións que llo dan a entender.
Non se pode facer nada con algunhas persoas ás que non hai maneira de
entenderlles o que queren dicir.
Cando xa entendiches o que che queren dicir, non perdes o tempo
volvendo preguntar para confirmalo.
PUNTOS ES UN/HA ORIENTADOR/A LABORAL QUE SABE ESCOITAR ATA O
FINAL SEN INTERROMPER? Suma un punto por cada resposta negativa
5 Parabéns! As persoas que precisan a túa axuda poderán expresarse con máis facilidade
e ti comprenderalas mellor.
3 ou 4 Procura ter un pouquiño máis de tranquilidade, aforrarás tempo e malentendidos se
deixas que a persoa usuaria termine de falar antes de contestarlle.
0 a 2 Como vas axudar aos teus usuarios/as se nin sequera lles deixas falar tranquilamente?
PUNTOS CANDO ESCOITAS Á PERSOA USUARIA, ATENDES SEN
DISTRACCIÓNS? Suma un punto por cada resposta negativa
5 Estupendo! Es capaz de concentrarte na conversación. Con isto poderás entender
mellor as necesidades de quen se achega a ti e levarás a cabo intervencións máis
eficaces.
3 ou 4 Procura prestar un pouquiño máis de atención para non facer preguntas innecesarias e
non dar respostas incorrectas.
0 a 2 A túa distracción no traballo non só fará que te equivoques nos diagnósticos e nas
accións que emprendas, ademais estarás provocando o malestar nas persoas que
precisan de ti.
PUNTOS ATENDES Á LINGUAXE NON VERBAL? Suma un punto por cada resposta
afirmativa das tres primeiras, e por cada resposta negativa das dúas últimas.
5 Xenial! Es consciente de que na maioría dos teus usuarios , debido á dura situación pola
que están pasando, é tan importante fixarse no que din coma en “como” o din.
3 ou 4 Reflexiona un pouco, tal vez lle esteas dando demasiada importancia ás palabras. Os
teus usuarios/as tamén te están falando co corpo, e este nunca minte.
0 a 2 Ten coidado, se non escoitas a linguaxe non verbal das persoas que acoden a ti non
acabarás de entender onde está o seu problema e como lles está afectando.
PUNTOS INCENTIVAS Á PERSOA USUARIA PARA QUE SE COMUNIQUE
CONTIGO? Suma un punto por cada resposta afirmativa das tres primeiras, e por
cada resposta negativa das dúas últimas.
5 Que ben! Provocando que as persoas falen non só consegues escoitar o que precisas
para axudarlles, tamén lograrás que elas mesmas se escoiten e que detecten
información sobre a que nunca reflexionaran. Segue así!
3. 3 ou 4 Esfórzaste por manter activa a comunicación, pero seguro que aínda o podes facer
3
mellor. Ánimo!
0 a 2 Que pena! Podes estar creando un muro entre ti e as persoas ás que deberías atender.
Se ti non te atreves a rompelo elas non o van facer. Por que non o intentas?